Apocalipsa 11
11
Doi Martiri
1Deapoea nji si deadi unã cãlami, tsi undzea ca unã bãstuni sh-nji dzãsi: “Scoalã-ti sh-misurã templul al Dumnidzãu sh-altarlu sh-numirã oaminjlji tsi s-alavdã pri nãsu. 2Ma uborlu di nafoarã a templui alasã nu l-misurã, cã si easti dat a pãngãnjilor sh-elji va lu calcã cu cicioari cãsãbãlu atsel sãmtu di patrudzãtsi doi di meshi.#Ps 79:1; Isa 63:18. 3Sh-mini va lã dau puteari atsilor doi martiri a melji sh-elji va prufitipseascã di unã njilji doauã suti shaidzãtsi di dzãli nviscuts cu sac.” 4Aeshti suntu atselji doi masnjilji sh-doauã shindãnjli, cai sta nãintea al Domnul a loclui.#Zac 4:3,11-14. 5Macã vãrã va s-lã zãrãseascã, dit gura a lor easi foc sh-lji astindzi dushmanjlji. Ashãtsi va si s-vatãmã tuts atselji cai vor s-lã facã zãrari a lor.#2 Sam 22:9. 6Aeshti au puteari si ncljidã tserlu, tra s-nu da ploai tu dzãlili a prufitipsiriljei a lor, tutashã au puteari pristi apili tra s-li toarnã tu sãndzi shi s-agudeascã loclu cu itsi soi di pleagã di cãti ori vor.#1 Amr 17:1; Ex 17:7.
7Cãndu s-bitiseascã mãrtiria a lor, agrul tsi s-alinã dit Ahãndamea, va s-facã alumtã cu nãshi, va lji azvingã sh-va lji vatãmã.#Dan 7:3; Apo 13:1. 8Cufumãli a lor va s-hibã zãcuti pri pada a marlui cãsãbã, cai sufliteashti s-acljima Sodom sh-Eghyptu, iu s-crutsisi sh-Domnul a lor.#Luc 13:34; Isa 1:10. 9Oaminjlji di populjilji, di soili, di limbili sh-di natsiunili va s-veadã cufumili a lor di trei dzãli giumitati sh-nu va s-alasã tsi cufumili a lor si s-bagã tu murmintu. 10Locuitorlji a loclui va s-hãrseascã trã elji sh-va si sãrbãtoreascã sh-va pitreacã doari la un-alantu, cã aeshti doi prufits lji munduirã atselji cai bãna pri loc.
11Ma dupã trei dzãli shi giumitati duhlu a banãljei di la Dumnidzãlu intrã tu nãshi, sh-elji stãturã pri cicioarili a lor, sh-unã fricã mari lji acãtsã atselji tsi videa.#Ezc 37:5,10. 12Atumtsea elji avdzãrã unã boatsi analtã dit tser cai lã dzãsi a lor: “Alinats-vã aoa!” Sh-elji s-alinarã la tser tu nior, iarã neamitsilji a lor lã mutrea.#2 Amr 2:11. 13Tu atsea oarã s-featsi un cutrembur mari sh-unã a dzatsea parti a cãsãbãlui si surpã. Di cutremburlu s-vãtãmarã shapti njilji di oaminji, iarã alantsãlji s-lãhtãrsirã sh-alãvda Dumnidzãlu a tserlui.#Ezc 38:19-20. 14Taxiratea a doaua tricu, ma ia, trãoarã yini taxiratea a treia.
Trumpeta a Shaptea
15Anghilu a shapti asunã trumpeta sh-tu tser s-avdzãrã boatsi mãri cai dzãtsea:
“Amirãriljea a lumiljei
s-featsi a Domnului a nostru
sh-a Hristolui a lui
sh-elu va domneascã
tu eta a etilor.”#Ex 15:18; Ps 10:16; 22:28.
16Deapoea di patrusprãyinghits di aushi, tsi stãtea apunats pri thronurili a lor nãintea a Dumnidzãlui, cãdzurã pri dintsã sh-alãvdarã Dumnidzãlu, 17dzãcãnda:
“Ti hãristisim, Doamne, Dumnidzãlu Tutãputut,
tsi eshti, sh-tsi earai,
cã ai loat putearea a ta atsea marea
sh-ahurhish s-domneshti.#Apo 15:3; Apo 1:8; 4:8.
18Natsiunili s-nãrãirã,
sh-vini nãrãirea a ta,
sh-chirolu trã giudicarea a mortsãlor
sh-trã dari arãsplata a sclayilor a tãlji, a-prufitsilor,
a sãmtsãlor sh-atsilor tsi au fricã di numa a ta,
njitslji sh-mãrlji,
shi s-dãrãnji atselji tsi aspargã loclu.”#Ps 2:1; 46:6.
19Deapoea s-discljisi templul al Dumnidzãu tu tser shi s-vidzu arca a pisti-ligãturiljei a lui shi s-featsirã sfulguri, boatsi, bumbunidzãri, cutremburi sh-unã grãndinã mari.#1 Amr 8:1,6; 2 Cro 5:7.
Currently Selected:
Apocalipsa 11: BLRR
Highlight
Copy
Compare
Share
Want to have your highlights saved across all your devices? Sign up or sign in
