Apocalipsa 13
13
Doauã Agrinji
1Deapoea vidzui unã agrimi cai ishea dit amari sh-avea dzatsi coarni shi shapti capiti. Pristi coarnili a ljei avea dzatsi curunji, sh-pri capitli a ljei avea unã numã di blãstem. 2Agrimea tsi vidzui undzea ca un leopardu, cicioarili a ljei eara ca cicioarili a ursãljei sh-gura a ljei ca gura a ljundarlui. Lamnja lji deadi a agrimiljei fuchia a ljei, thronlu a ljei sh-autoritati mari. 3Un di capitli a ljei eara ca pliguit trã moarti, ma pleaga a ljei atsea di moarti s-vindicã. Atumtsea tuts bãnãtorlji a loclui s-ciudisirã shi s-dusirã dupã agrimea. 4Oaminjlji alãvdarã lamnja, cai lji deadi autoritati a agrimiljei, sh-alãvdarã agrimea dzãcãnda: “Cai undzeashti cu agrimea sh-cai poati s-alumtã cu ea?”
5A agrimiljei lji si deadi unã gurã cai greashti zboari mãri sh-blãsteami sh-lji si deadi s-avea autoritati ti lucrari di patrudzãtsi doi di meshi. 6Atumtsea ea discljisi gura ti blãstimari Dumnidzãlu, ti blãstimari numa a lui sh-tenda a lui, sh-atselji tsi bãna tu tser. 7A ljei lji si deadi s-facã alumtã cu populu a Dumnidzãlui shi s-nichiseascã pristi nãshi. A ljei lji si deadi autoritati pristi cathi soi, popul, limbã sh-natsiuni. 8Agrimea va u-alavdã tuts atselji cai bãneadzã pri loc, tsi numili a lor nu suntu scriati di cu adrarea a lumiljei tu cartea a banãljei a Njelui tsi easti tãljeat. 9Cai ari ureclji, s-avdã!
10Macã vãrã va s-ducã tu sclãvuiri,
tu sclãvuiri s-dutsi.
Macã vãrã va s-vatãmã cu spatã,
elu prindi si s-vatãmã cu spatã.
Aoatsi easti arãvdarea sh-pistea a popului a Dumnidzãlui.
11Deapoea vidzui unã altã agrimi tsi ishea di pri loc. Ea avea doauã coarni tsi undzea ca coarnili a njelui, ma grea ca lamnji. 12Ea ufilisea tutã autoritatea a agrimiljei atsiljei di prota nãintea a ljei sh-lu fãtsea loclu sh-locuitorlji a lui si alãvda agrimea atsea di prota tsi lji si furã vindicatã pledzili a ljei atseali di moarti. 13Agrimea fãtsea seamni mãri, cãt fãtsea tsi s-dipuna sh-foc dit tser pri loc nãintea a oaminjlor. 14Ea arãdea atselji cai bãna pri loc prit seamnili tsi si deadirã a ljei trã fãtseari nãintea a agrimiljei, dzãcãnda a oaminjlor tsi bãna pri loc s-lji fãtsea unã icoanã a agrimiljei, cai avea pleaga a spatãljei sh-ninga bãna. 15A agrimiljei a doaua lji si deadi fuchii trã dari duh a icoanãljei a agrimiljei di prota, ahãntu cãt icoana a agrimiljei si zbura shi s-fãtsea ashãtsi tsi si s-vãtãma tuts oaminjlji cai nu alãvda icoana a agrimiljei. 16Agrimea lji featsi tuts, njitsi sh-mãri, avutsi sh-niavutsi, liberi sh-sclayi tsi s-lã si da a lor unã semnu tu mãna atsea ndreapta icã pri frãmtea a lor. 17Ashãtsi, vãrã nu va s-putea s-acumpãra icã s-vindea, dicãt mash atsel tsi avea semnul, tsi easti numa a agrimiljei icã numirlu di numa a ljei.
18Aoa easti frunimeatsa. Atsel tsi ari minti s-lugurseascã numirlu a agrimiljei, cã easti numirlu a unui om. Numirlu a ljei easti shasi suti shaidzãtsi shasi.
Currently Selected:
Apocalipsa 13: BLRR
Highlight
Copy
Compare
Share
Want to have your highlights saved across all your devices? Sign up or sign in
