Iacov 5
5
Condamna a Avutsãlor Arãi
1Tora voi avuts, plãndzets sh-vãitats, ti taxiratea tsi ma yini pristi voi. 2Ayishtearea a voastrã s-putridzã shi stranjili a voastri li mãcã molitsa. 3Furia sh-asimea a voastrã s-arudzinarã. Arudzina a lor va hibã mãrtirii contra voi sh-va mãcã carnea a voastra ca foclu. Voi avets adunat ayishteari tu dzãlili di soni. 4Mutrits, plata tsi lj-avets tsãnut a lucrutorlor tsi sitsirarã cãmpurili a voastri, ma aurlã contra voi. Aurlãrili a sitsirãtorilor au agiumtã la urecljili a Domnului Puternic. 5Aoa tu loc bãnat tu luxu sh-tu chefi. Voi li avets hrãnit ininjli a voastri ti dzua a tãljeariljei. 6Voi avets cãtãdzicãsit sh-avets vãtãmat ndreptulu, tsi nu vã ncuntrã.
Arãvdari tu Dureari
7Frats sh-surãri, arãvdats pãnã s-yinã Domnul. Ia, agricultorlu ashteapti cu arãvdari carpolu atsel scumpu a loclui pãnã s-da ploaili di ma nãinti sh-di ma nãpoi 8Voi tutashã s-avets arãvdari shi nvãrtushits-lã ininjli a voastri, cã vinita a Domnului easti aproapi. 9Frats shi surãri, nu murmurats contra un-alantu, tra s-nu vã giudicats. Giudicãtorlu ma sta nãinti di ushã. 10Frats sh-surãri a melji, loats ca exemplu arãvdarea sh-munduirea a prufitsilor, tsi grirã tu numa a Domnului. 11Ascultats! Noi lã acljimãm ghinicuvintats atselji tsi arãvdarã. Voi avets avdzãtã di arãvdarea al Iob sh-vidzum tsi lji featsi Domnul tu soni. Domnul easti multu-durut sh-mplinã di njilã.#Iob 1:21,22; 2:10; Ps 103:8. 12Frats sh-surãri, nãinti di tuti nu vã spigiurats nitsi pri tserlu sh-nitsi pri loclu, sh-nu fãtsets altã spigiurari. Ma, s-hibã “Ie” di “Ie” sh-“Nu” di “Nu,” tra s-nu cãdets sum condamnã.
Rugãciunea cu Pisti
13Macã s-mundueashti vãrã di voi, si-s roagã. Macã vãrã easti hãros, s-cãntã cãntitsi di alãvdari. 14Macã vãrã di voi easti lãndzit, s-acljeamã aushlji a bisearicãljei tra s-facã rugãciuni pristi nãsu sh-deapoea s-lu aungã cu untulem tu numa a Domnului. 15Rugarea cu pisti va l-vindicã atsel tsi easti lãndzit sh-Domnul va lu scoalã. Ma s-aibã faptã amãrtii, elu va si s-ljeartã. 16Trã atsea, spunets amãrtiili la un-alantu, sh-rugats-vã trã un-alantu tra s-vã vindicats. Multã fuchii ari rugãciunea a ndreptului. 17Elia eara un om ca noi. Elu s-rugã cu tut suflit s-nu dãdea ploai sh-nu deadi ploai pristi loc di trei anji shi shasi meshi. 18Deapoea s-rugã nãpoi sh-tserlu deadi ploai sh-loclu deadi frutili a lui. 19Frats sh-surãri, macã vãrã di voi s-dipãrteadzi di alihea sh-un altã lu toarni, 20si shtits cã: caitsido tsi va toarnã un amãrtios di chirearea a caliljei, va s-ascapã di moarti sh-va s-anvãleascã unã multsãmi di amãrtii.
Currently Selected:
Iacov 5: BLRR
Highlight
Copy
Compare
Share
Want to have your highlights saved across all your devices? Sign up or sign in
