Uvreilji 7
7
Preftul Melchisedec
1Cã aestu Melchisedec, amirã al Salem, preftu al Dumnidzãu atsilui Multu Analtu, atsel tsi adunã Abrahamul, anda elu ma s-turna di dãrãmarea a amiradzlor, sh-lu ghinicuvãntã,#Ahr 14:17-20. 2sh-aishtui Abrahamu lji deadi un a dzãtsea parti di tuti. Nãinti di tuti, numa a lui, tradus eara “amirãlu a ndriptatiljei”, ma napoea eara shi “amirãlu al Salem”, tsi va s-dzãcã “amirãlu a paciljei.” 3Fãrã di tatã, fãrã di mumã sh-fãrã di ghenealoghii sh-niavãnda nitsi apãrnjita a dzãlilor sh-nitsi bitisita a banãljei, ma tsi undzea cu Hiljiu al Dumnidzãu, elu armãni preftu di daima.
4Tora videts cãt di mari easti aestu a cui Abrahamul, patriarhul, lji deadi a dzatsea a pljeashcãljei. 5Dealihea, atselji di hiljilji al Levi cai ljea priftsãljea, au ordin dupã legea s-ljea a dzatsea di la populu, va s-dzãcã di la fratslji a lor, cu tutã cã au ishit dit truplu al Abraham. 6Melchisedec tsi nu easti dit fara a lor, ari loatã a dzatsea di la Abraham sh-ari ghinicuvintat atsel cai avea tãxirili. 7Tora fãrã ndoiri ma njiclu easti ghinicuvintat di ma marli. 8Sh-tu aestã arasti ljea a dzatsea oaminjlji tsi mor, iarã tu atsel arasti ljea a dzatsea atsel cai aspuni cã bãneadzã. 9Putem s-dzãtsem ashã cã, Levi, atsel cai ljea a dzatsea, prit Abrahamul ari dat a dzatsea, 10cã eara ninga tu truplu a tatãlui a lui Abraham cãndu elu s-adunã cu Melchisedec.
11Trã atsea, macã perfectsionarea va eara prit priftsãljea a Levitslor (cã populu pri nãsã u lo legea), tsi ananghi va eara s-yinea un altu preftu dupã arada al Melchisedec sh-nu dupã arada al Aaron? 12Cã, cãndu s-alãxeashti priftsãljea, neapãrat s-fatsi sh-alãxirea a legiljei. 13Cã atsel trã cai suntu dzãsi aesti lucri, easti di unã altã soi, di la cai vãrã nu lji ari huzmitipsit a altarlui. 14Cã si shti cã Domnul a nostru ari ishit dit Iuda, soi trã cai Moisiu nu zburã vãrã oarã ti priftsãljea. 15Aestu lucru s-fatsi ma limpid macã si scoalã un altu preftu dupã undzearea al Melchisedec, 16cai s-featsi ahtar preftu nu dupã legea a unui ordin a truplui, ma dupã fuchia a unei banã tsi nu s-aspardzi. 17Cã Scritura dzãtsi:
“Tini eshti preftu di daima
dupã arada al Melchisedec.”#Ps 110:4.
18Cã di unã parti ari un anulari a ordinlui di ma nãinti, trã itia a slãbintsãljei sh-a niufilisiriljei a lui, 19cã legea nu featsi tsiva perfectã, sh-di alantã parti, easti intrarea a unei nãdii ma bunã, prit cai nã apruchem di Dumnidzãlu.
20Sh-aestã nu s-featsi ni fãrã spigiurari, cã atselji cai suntu faptsã preftsã, suntu faptsã ahtãri ni faptã spigiurarea, 21iarã elu s-featsi preftu cu spigiurari prit atsel tsi lji dzãsi:
“Domnul si spigiurã sh-nu va alãxeascã minti:
‘Tini eshti preftu di daima.’”#Ps 110:4.
22Ashãtsi Isusul s-featsi chifili ti unã pisti-ligãturã ma bunã.
23Sh-atselji cai suntu faptsã preftsã, suntu ma multsã la numir dupã cã moartea nu li alãsa preftsã di daima. 24Ma Isusul cai bãneadzã trã totãna, u ari priftsãljea di daima. 25Trã aestã itii easti ti cãdãri tsi s-lji-ascapã didip atselji tsi lji s-aproachi al Dumnidzãu prit nãsu, cã totãna bãneadzã tra s-anamiseadzã trã elji.
26Ahtar arhipreftu hãrzãeam sh-noi: sãmtã, fãrã cãbati, nilãvushit, un cai ari fut dispãrtsãtã di amãrtioshlji shi s-anãltsã ma nsus di tseruri. 27Elu nu ari ananghi cathi dzuã, ca arhipreftsãlji, tsi s-aducã ma nãinti curbãnji trã amãrtiili a lui sh-ma napoi trã atseali a popului, cã aestã u featsi unã oarã sh-di totãna cãndu elu idyiul s-featsi ca curbani. 28Cã legea arãdãpsi ca arhipreftsã oaminji cai au slãbintsã, iarã zborlu a spigiurariljei, tsi yini dupã Legea, arãdãpsi Hiljiu, cai easti perfectu di daima.
Currently Selected:
Uvreilji 7: BLRR
Highlight
Copy
Compare
Share
Want to have your highlights saved across all your devices? Sign up or sign in
