Uvreilji 8
8
Hristolu, Arhipreftu a Unei Pisti-ligãturi ma Bunã
1Tora lucrul ma important tsi ma dzãtsem easti aestu: Noi avem un ahtar arhipreftu, cai shidzu tu nandreapta a thronlui a Mãririljei tu tser, 2huzmichear a Loclui ma Sãmtu sh-a tendãljei alihioasã, cai u sculã Domnul, nu un om. 3Cathi arhipreftu s-arãdãpseashti ti adutseari doari sh-curbãnji, trã aestã lipseashti tsi sh-aestu s-aibã tsiva tra s-aducã. 4Ashãtsi, macã va eara Elu pri loc, nu va eara vãrã preftu, cã suntu preftsãlji cai aducã doari dupã lege. 5Aeshti fac unã huzmitipsiri dupã icoana sh-aumbra a lucrilor tsereshti, ashã dupã cum fu dzãsã al Moisiu di la Dumnidzãlu, cãndu eara etimu trã sculari tenda cã: “Mutrea, va li fats tuti dupã modelul tsi s-ts-aspusi tu munti.”#Ex 25:40. 6Ma tora, Isusul ari loat unã huzmitipsiri ma aleaptã, ahãntu cãt easti misit a unei pisti-ligãturã ma bun, cã easti nthimiljeat pri ma buni tãxiri.
7Cã, macã pisti-ligãtura di prota va eara fãrã cusuri, atumtsea nu va s-cãfta loc di un altu. 8Cã Dumnidzãlu lji vãrgheashti sh-lã dzãtsi:
“Ia, ma yin dzãlili, dzãtsi Domnul,
cãndu va fac cu casa al Israel
sh-cu casa al Iuda unã noauã pisti-ligãturã,
9nu ca pisti-ligãtura tsi feciu cu pãrintsãlji a lor,
tu dzua cãndu mini lã acãtsai mãna
ti scuteari dit loclu al Eghyptu,
cã elji nu armasirã niminatã la pisti-ligãtura a mea,
sh-ashãtsi mini lji apãrãtsii,
dzãsi Domnul.
10Aestã easti pisti-ligãtura tsi va fac cu casa al Israel
dupã atseali dzãli, dzãtsi Domnul.
Va bag legili a meali tu mintea a lor
sh-va li scriu tu ininjli a lor.
Va hiu Dumnidzãlu a lor
sh-elji va hibã populu a meu.
11Sh-vãrã nu va nveatsã aproapili a lui sh-vãrã fratili a lui dzãcãnda: ‘Cunoashti-l Domnul!’,
cã tuts va mi cunoascã, di la njiclu, pãnã la marili a lor.
12Mini va lã ljeartã nindriptãtsili a lor,
shi trã amãrtiili a lor nu va nji aduc aminti vãrã oarã.”
13Dzãcãnda pisti-ligãtura “noauã”, Dumnidzãlu nviclje atsea di prota, sh-atsea cai s-nvicljeadzi sh-ausheashti easti ningã chireari.
Currently Selected:
Uvreilji 8: BLRR
Highlight
Copy
Compare
Share
Want to have your highlights saved across all your devices? Sign up or sign in
