Uvreilji 6
6
1Trã atsea alãsãnda dinãpoi nvitsãtura di ahurhitã trã Hristolu, s-nidzem cãtrã atsea cai easti ma perfectã fãrã s-bãgãm dinou timeljilu a mitãnjusiriljei di faptili moarti sh-di pistea cãtrã Dumnidzãlu, 2trã nvitsãtura a pãtedzilor, ti bãgarea prisupru a mãnjilor, ti nyearea a mortsãlor sh-ti giudicata atsea di totãna. 3Sh-aestã va u-fãtsem cu voljea al Dumnidzãu.
4Cã easti niputut trã atselji cai unãoarã s-lunjinarã shi ngustarã doara tsereascã, shi s-featsirã pãrtashi a Duhlui Sãmtu, 5shi ngustarã bunlu zbor al Dumnidzãu sh-putearea a etiljei tsi yini, 6sh-cãdzurã tra s-hibã dinou tu mitãnjiusiri, cã elji lu crutsiseascã Hiljilu a Dumnidzãlui dinou trã nãshi sh-lu arushineadzã la tutã dunjaua. 7Loclu tsi soarbi ploaia cãndu da di multi ori pristi nãsu sh-da ierghi ti hãiri trã atselji cai lucreadzã, ljea ghinicuvintarea al Dumnidzãu. 8Iarã, cãndu da pãljuri shi schinji, easti fãrã hãiri sh-aproapi di blãstem sh-bitisita easti ardeari.
9Ma, macã zburãm ashãtsi trã voi, multu vruts, him cãndãrsits ti lucri ma buni cai duc tu ascãpari. 10Cã Dumnidzãlu nu easti nindreptu tra s-agãrsheascã faptul a voastru sh-vrearea tsi aspusitã trã numa a lui cãndu lã huzmitipsit sh-ninga ma lã huzmitipsits a sãmtsãlor. 11Noi vrem tsi cathiun di voi s-aspunã idyiul zel pãnã tu soni trã agiundzearea ntreagã a sigurantsãljei a nãdiiljei, 12tra s-nu vã fãtsets aĝalnitsi, ma imitatori atsilor tsi, prit pistea sh-arãvdarea mushtinescu tãxirili.
Tãxirili al Dumnidzãlu
13Cãndu Dumnidzãlu lj-tãxi al Abraham, metsi nu avea vãrã altu ma mari pri cai si giura, s-giurã ti nãsu idyiul,#Ahr 22:16. 14dzãcanda: “Fãrã di altã, mini va ti umplu cu ghinicuvintãri multu sh-va ts-multsãscu dupãyinitorlji.”#Ahr 22:17. 15Ashãtsi, avãnda arãvdari, Abrahamul agiumsi tãxirea.
16Oaminjlji si giurã la un ma mari, sh-giurarea faptã trã alihipsiri easti bitisita a cathi niachicãsiri. 17Ashãtsi Dumnidzãlu, vrãnda s-lã aspunã sh-ma multã a mushtinitorilor a tãxiriljei, nialãxirea a nãetiljei a lui, bãgã chifili spigiurarea, 18tsi prit doauã lucri nialãxiti, tu cai nu poati tsi Dumnidzãlu s-arãdã, noi cai aflãm streahã la elu, s-avem mari curaiu trã acãtsari nãdia cai sta nãintea a noastrã. 19Aestã nãdii u-avem ca angurã a suflitlui, sigur sh-niminatã, tsi intrã pãnã nãuntru di altar ma nclo di velu. 20Aclo intrã Isusul ma nãinti di noi trã hãtãrea a noastrã, shi s-featsi arhipreftu di daima dupã arada al Melchisedec.
Currently Selected:
Uvreilji 6: BLRR
Highlight
Copy
Compare
Share
Want to have your highlights saved across all your devices? Sign up or sign in
