Colosianji 4
4
1Domnji, dats-lã a huzmichearilor atsea tsi easti ndreptu sh-lã hãrzãeashti, shtinda cã sh-voi avets un Domnu tu tseruri.
Alti Urnimii
2Ipiminisits tu rugãciuni, stãnda dishtiptat tu ea cu hãristisiri. 3Rugats-vã tutashã sh-trã noi, tsi Dumnidzãlu s-nã discljidã a noauã usha trã zborlu, trã dimãndari mistiryiul a Hristolui, trã cai sh-mini escu tu prãnghi. 4Rugats-vã tra s-lu fac cunuscut, shi s-lu ghinihãbãrsescu ashãtsi cum prindi. 5Imnats cu frunimeatsã nãintea atsilor di nafoarã, ufilisinda chirolu. 6Zborlu a vostru s-hibã totãna cu har, uidisit cu sari, tra sã shtits cum prindi s-lji apãndisits a cathiunui.
Pitritsearea al Tihicu sh-al Onesimu, Salutãri sh-Ghinicuvintãri
7Tihicul fratili a nostru vrut, huzmichear pistimen, sh-agiutorlu a meu tu Domnul, va s-vã aspunã itsido trã mini. 8Mini lu pitricui la voi tamam trã aestã, tra s-cunoascã catandisea a noastrã shi s-inimuseascã ininjli a voastri. 9Mini lu pitricui deadun cu Onesimul, fratili a nostru pistimen sh-vrut, tsi easti un di voi. Elji va s-vã spunã tuti cãti au undzitã aoa. 10Aristarcul, hãpsãnitlu tsi easti deadun cu mini vã pitreatsi sãnãtati sh-Marcu cusurinlu al Barnaba (trã cai avets loat urnimii s-lu ghini-ashtiptats, ma s-yinã la voi). 11Vã pitreatsi sãnãtati sh-Isusul acljimat Iustu. Aeshti tsi suntu di anvãrliga-tãljearea suntu singuri tsi lucreadzã cu mini trã amirãriljea al Dumnidzãu, cai s-featsirã trã mini diznjirdari. 12Vã pitreatsi sãnãtati Epafrai tsi easti di-a vostru sh-huzmichear al Hristos Isus. Elu alumtã totãna trã voi tu rugãciunji, tra s-armãnets perfectsã shi s-hits didip siguripsits tu voljea al Dumnidzãu. 13Mini mãrtirsescu trã nãsu, cã elu ari mari zel#4:13 lucreadzã multu trã voi, trã atselji di Laoditsea sh-trã atselji di Hierapoli. 14Vã pitreatsi sãnãtati Luca doctorul vrut sh-Dema. 15Dats-lã sãnãtati la fratslji tu Laoditsea, la Nimfa sh-la bisearica tsi easti la casa a ljei. 16Cãndu s-u cãntats aestã epistolã la voi, pitritsets-u trã cãntari sh-atsilor tu Laoditsea. Tutashã sh-voi, loats-u sh-cãntats-u atsea tsi am pitricut tu Laoditsea. 17Dzãtsets-lji al Arhipu: “Bagã mintea la huzmitipsirea tsi loash tu Domnul, s-u mplineshti atsea.”
18Ncljinãciunea easti scriatã di mãna a mea, Pavlu. Adutsets a minti prãnghili a meali. Harul s-hibã cu voi!
Currently Selected:
Colosianji 4: BLRR
Highlight
Copy
Compare
Share
Want to have your highlights saved across all your devices? Sign up or sign in
