1 Sãruna 1
1
1Pavlu, Silvanlu sh-Timoteu cãtrã bisearica di Sãruna tu Dumnidzã Tatãl sh-tu Domnul Isus Hristos:
Har sh-pace pri voi!
2Noi totãna lu hãristisim Dumnidzãlu ti voi tuts, aducãnda aminti voi tu rugãciunjili a noastri. 3Noi adutsem aminti totãna nãinti a Dumnidzãlui, Tatãlui a nostru faptul a vostru a pistiljei, faptul a vreariljei a voastrã sh-arãvdarea a nãdiiljei tu Domnul a nostru Isus Hristos.
4Frats sh-surãri vruts di la Dumnidzãlu, tsi vã ari aleaptã, 5cã evanghelu a nostru nu vini pãnã la voi mash cu zboari, ma sh-cu fuchii sh-cu Duhlu Sãmtu, sh-cu multã cãndãrsiri. Voi shtits cã cum avem bãnat namisa di voi trã ghinea a voastrã. 6Sh-voi vã featsit imitatorlji a noshtri sh-a Domnului, sh-aprucheat zborlu namisa di mãri munduiri cu haraua datã di la Duhlu Sãmtu. 7Ashãtsi voi vã featsit exemplu trã tuts pistimenjlji tu Machidunii sh-tu Ahaia. 8Cã di la voi asunã zborlu a Dumnidzãlui nu mash tu Machidunii sh-tu Ahaia, ma sh-tu itsi loc s-arãspãndi hãbarea trã pistea a voastrã la Dumnidzãlu. Ashã cã noi nu avem ananghi s-dzãtsem vãrã tsiva, 9cã singur elji aspun ti noi, tsi ashtiptari avum la voi sh-cum vã turnat di idolji la Dumnidzãlu, tra s-lji huzmitipsits a Dumnidzãlui atsel yiulu sh-alihioslu, 10sh-trã ashtiptari dit tseruri Hiljiu a lui, cai elu lu nyie dit mortsã, Isusul, tsi nã ascapã di nãrirea a Dumnidzãlui, tsi ma yini.
Currently Selected:
1 Sãruna 1: BLRR
Highlight
Copy
Compare
Share
Want to have your highlights saved across all your devices? Sign up or sign in
