1 Petru 3
3
1Tutashã, sh-voi muljeri, sumbãgats-vã a bãrbatslor a voshtri. Sh-macã niscãntsã nu pistipsescu la zborlu a Dumnidzãlui, s-hibã amintati fãrã zboari prit purtarea a muljerilor a lor, 2cãndu s-veadã purtarea a voastrã curatã sh-cu rispectã. 3Stulida a voastrã s-nu hibã ti videari: perlu cusitsã-adãrat, stulii di furii spindzurati sh-nvishtearea cu stranji scumpi. 4Ma omlu atsel ascumtu a inimãljei s-hibã stulia niaspartã a unui duh moali sh-isih, tsi easti axiusit nãintea al Dumnidzãu. 5Cã ashãtsi si stulisea vãrãoarã sh-muljerili atseali sãmti, tsi nãdãea tu Dumnidzã, hiinda sumbãgati a bãrbatslor a lor, 6ashãtsi ca Sara, cai asculta Abrahamul sh-lu acljima “domnu”. Voi hits hiljilji a ljei, macã fãtsets ghini sh-nu vã aspãrats di tsiva.
7Tutashã sh-voi, bãrbats s-bãnats cu mintimenilji cu muljerili a voastri, cã truplu a lor easti ma slabã. Tinjisits-lã, cã eali deadun cu voi suntu mushtinitoari a harului a banãljei, tra s-nu si ncheadicã rugãciunjili a voastri.
Munduirea ti Fãtseari Ghini
8Tu soni, s-hits tuts pi unã minti, duruts, cu vreari frãtseascã, njilãoshi sh-aplicats. 9Nu turnats arãulu cu arãu, icã ngiurarea cu ngiurari, di contra ghinicuvintats, shtinda cã ti aestã fut acljimat, tsi s-mushtinits ghinicuvintarea. 10Cã:
“Cai va u-va bana,
sh-va veadã dzãli buni,
s-u tsãnã limba a lui di arãulu,
sh-budzãli a lui di grailu arãdios.
11Si s-dipãrteadzã di arãulu shi s-facã ghinetsi,
s-caftã pacea shi s-imnã dupã ea.
12Cã ocljilji a Domnului suntu pristi ndreptsãlji,
urecljili a lui suntu cãtrã rugãciunjili a lor,
iarã-fatsa a Domnului easti contra atsilor tsi fac arãu.”#Ps 34:12-16.
13Cai va s-vã fac arãu, macã voi avets vreari di ghineatsã? 14Ma, sh-macã vã munduits di ndriptatea, cahara di voi! “S-nu avets fricã di cãnusirili a lor, sh-nu vã tulburats.”#Isa 8:12. 15Ma sãmtsãsits-lu Domnul Hristos tu ininjli a voastri. Shi s-hits totãna etinji tra s-lji apãndisits a cuitsido tsi vã caftã itii trã nãdia tsi voi avets. 16Fãtsets-u aestã cu muljeatsã sh-cu rispect, avãnda conshtintsã curatã, tsi atselji tsi vã zburãscu arãu trã purtarea a voastrã atsea buna tu Hristolu, s-arushineadzã. 17Cã easti ma ghini, macã easti ahtar vrearea a Dumnidzãlui, s-vã munduits fãcãnda ghini, dicãt fãcãnda arãu. 18Cã sh-Hristolu s-mundui unãoarã ti amãrtiili, ndreptul di nindreptsãlji, tra s-vã aduc la Dumnidzãlu. S-vãtãmã tu trup ma s-nyie tu Duh. 19Ashã elu s-dusi s-preadicã a duhurilor cai eara tu hapsi, 20tsi vãrãoarã nu asculta, cãndu Dumnidzãlu lji ashtipta cu arãvdari tu dzãlili al Noe, iarã s-adra arca. Putsãnji di elji ascãparã prit apã, mash optu sufliti. 21Aestã apã easti videala di azã a pitedzlui – nu easti ashtirdzearea a lãvushiturilor a truplui, ma cãftarea trã unã conshtintsã bunã cãtrã Dumnidzãlu – tsi vã ascapã voi prit nyearea al Isus Hristos. 22Elu s-anãltsã tu tser shi sheadi tu nandreapta a Dumnidzãlui, shi domneashti anghilji, puterili sh-fuchiili.
Currently Selected:
1 Petru 3: BLRR
Highlight
Copy
Compare
Share
Want to have your highlights saved across all your devices? Sign up or sign in
