1 Corintenji 16
16
Agiutãrili a Popului al Dumnidzã
1Tora cãt ti adunarea a agiutãrilor trã oaminjlji al Dumnidzãlu, ashãtsi dupã cum urnipsii biseritsli tu Galatia, ashãtsi fãtsets sh-voi. 2Tu cathi prota dzuã a sãptãmãnãljei cathiunu di voi s-bagã dinãparti tsiva, ahãntu cãtã poati, tra s-nu adunã agiutãrili cãndu s-yin mini. 3Sh-cãndu s-hiu atsia, atselji tsi va arãdãpsits voi, mini va lji pitrec cu cãrtsã tra s-ducã doara a voastrã la Ierusalem. 4Ma s-hibã ghini tra s-mi duc sh-mini, atumtsea elji va yinã deadun cu mini.
5Va yin la voi dupã tsi s-trec prit Machidunii (cã va s-trec prit Machidunii). 6Vahi va stau cu voi, poati cã va earnedz, tsi voi s-mi pitritsets iutsido iu va mi duc. 7Cã nu voi s-vã ved ashã ca tu tricut, nãdãescu s-armãn putsãn chiro cu voi, cu vrearea a Domnului. 8La Efes va armãn pãnã tu Pentecostã, 9cã nji si easti discljisã unã ushi mari sh-fructoasã ti lucru, shi ncuntrãtorlji suntu multsã. 10Cãndu va yinã Timoteul, cãshtigats-vã tra sta la voi fãrã fricã, cã fatsi lucrul a Domnului ashãtsi ca mini. 11Trã atsea s-nu lu atimuseascã vãrã, ma pitritseats-lu tu pace s-yin la mini, cã lu ashteptu cu fratslji.
12Cãt ti fratili Apollo, lji feciu multu rigeai s-yinea la voi cu fratslji, ma nu vru dip s-yinea tora, ma va s-yinã cãndu va s-aibã chiro.
13Vigljeats, stats niminat tu pisti, bãrbãtats-vã sh-nvãrtushits-vã. 14Fãtsets-li tuti cu vreari. 15Tora vã urnipsescu, frats sh-surãri, voi u-cunushtets Fumealja al Stefanu, tsi easti protlu frut tu Ahaia. Elji si arãdãpsirã la huzmitipsirea a oaminjlor al Dumnidzãlu, 16tsi sh-voi s-vã sumbãgats aishtor sh-a cathiunui cai lucreadzã shi s-cãpãeashti deadun cu nãshi. 17Sh-mi hãrsescu di vinita al Stefan, al Fortunatu sh-al Achaicu, cã elji mplinirã atsea tsi lipsea la voi. 18Cã elji ntinirarã duhlu a meu sh-duhlu a vostru, trã atsea s-lji tinjisits ahtãri oaminji.
Salutãri di Soni
19Vã da sãnãtati biseritsli tu Asii. Vã da multu sãnãtati tu Domnul, Acuila sh-Prishila, deadun cu bisearica tsi s-adunã la casa a lor. 20Vã da sãnãtati tuts fratslji sh-surãrili. Dats sãnãtati la un-alantu cu unã bãshari sãmtã. 21Urarea aestã easti cu mãna a mea, al Pavlu. 22Macã vãrã nu lu va Domnul, blãstimat s-hibã! Marana-tha!#16:22 Domnul a nostru, haidi!
23Harul a Domnului Isus s-hibã cu voi! 24Vrearea a mea s-hibã cu voi tuts tu Hristolu Isus! Amin!
Currently Selected:
1 Corintenji 16: BLRR
Highlight
Copy
Compare
Share
Want to have your highlights saved across all your devices? Sign up or sign in
