إنجيل يوحنا 16

1قلتلكم هادا الكلام علشان ما تخافوا. 2حتترموا بره المجماعات، رح يجي وقت يفكروا فيه اللي يقتلوكم أنهم يسووا خدمة لله. 3همه يسووا كدا فيكم لأنهم ما عرفوا أبويا، وما عرفوني.

عمل الروح المقدس اللي اختاره الله.

4قُتلكم هادا الكلام علشان لما يجي الوقت اللي يصير فيه تتذكروا أني قُلته لكم من قبل. وما قلتللكم هادا من البداية لأني كنت معاكم، 5بس داحين قلبي راح أرجع لعند اللي أرسلني، ولا واحد منكم يسألني: فين رايح؟ 6لما عرفتكم بكدا ملى الحزن قلوبكم. 7بس أقوللكم الحق: الأفضل لكم أني أروح، لأني اذا ما رحت، المساعد ما حيجيكم. لكني اذا رحت أرسله ليكم. 8ولما ييجي راح يوبخ العالم عالخطيئه وعالبر وعالدينونه: 9عالخطيئه، لأنهم ما يآمنوا فييا، 10وعالبر، لأني راجع للأب وما حتشوفوني مره تانية، 11وعالدينونه، لأنو سيد هادا العالم صدر في حقه حكم الدينونه.

12لسه عندي حاجات كتيرة أقوللها ليكم، لكنكم داحين ما تقدروا على أنكم تتحملوها. 13لكن، لما يجيكم روح الحق يدلكم للحق كله، لأنو ما يقول شي من عندو، لكن يخبركم باللي يسمعه، ويوريلكم ايش اللي بصير. 14وهو حيمجدني لأنو كل شي حيكلمكم فيه جاي من عندي. 15كل شي هو للأب، هو لي. علشان كدا قولتلكم إنو كل شي حيكلمكم به جاي من عندي.

زعل التلاميذ صار فرح

16بعد شويه ما تشوفوني، وبعدها بشوي بتشوفوني!» 17وبدا يتساءل شويه من التلاميذ: «يا ترى ايش معنى كلامه: بعد شوي ما حتشوفوني، وبعد كدا بشويّه حتشوفوني، وكمانا: علشان راجع للأب؟» 18وقالوا: «ايش هوه دا الشوية اللي يتكلم عنو؟ ما نفهم ايش يقول!» 19وعرف يسوع أنهم يبغوا أنهم يسالوه: فا قال لهم: «بتسألوا عن ايش أقصد لما أقول: بعد شوي ما حتشوفوني وبعد شوي حتشوفوني كمانا. 20الحقيقة الحقيقة أقولكم: انكم حتبكوا ورح تنيحوا، بس العالم حيفرح. رح تزعلوا، بس زعلكم هادا حيتحول لفرح. 21الحرمة تزعل اذا جت ساعت ولادتها. بس لمن ما تولد طفلها، ما تعود تتذكر معاناتها، وتفرح علشان انسان نولد في العالم. 22وأنتوا تحزنوا داحين، بس لما أرجع وألقاكم، حتفرح قلوبكم، ومافي أحد رح ياخد منكم فرحكم. 23وفي داك اليوم ما تسألوني عن أي شي. الحقيقة الحقيقة أقوللكم: أنو الأب حيديكم كل اللي تطلبوه منو باسمي. 24لدحين ماطلبتوا باسمي شي. اطلبوا وتنالوه، ويكون فرحكم كامل.

25اديتكم أمثال في كلامي عن هادي الحاجات، بس حييجي وقت أكلمكم فيه عن الأب بكلام صريح، دون أمسال. 26وفي داك اليوم تطلبوا من الأب باسمي. وما رح أقولكم إني أطلب منه علشانكم. 27لأنو الأب نفسه يحبكم، لأنكم تحبوني، وآمنتوا إني خرجت من عند الله. 28طلعت من عند الأب، وجيت للعالم. وهادا أنا أسيب العالم وأرجع للأب».

29وقاللوا تلاميذه: «هادا انت داحين تكلمنا كلام صريح من غير أمسال. 30وداحين نعرف انو انت تعرف كل شي، وما تحتاج أنو يسألك أحد. علشان كدا نآمن أنك جيت من عندالله». 31رد يسوع: «داحين تآمنوا؟ 32حتيجي ساعة وهادي هي قربت داحين وفيها تفرقوا كل واحد لبيته، وتسيبوني لوحدي. بس أنا مو لوحدي، لأنو الأب معايا. 33عرفتكم بهادا كله علشان يكون لكم سلام. حتقاسوا الضيق في العالم. بس خليكم أقويه ، لأني انتصرت على العالم!».

Currently Selected:

إنجيل يوحنا 16: HNAV

Highlight

Copy

Compare