إنجيل يوحنا 15
15
كرم العنب والأغصان
1أنا كرم العنب الحقيقي، وابويا هو البستاني. 2كل غصن فييا ما يِخَرَّجْ ثمر يقطعه، وكل غصن يِخَرَّجْ ثمر ينظفو علشان يِخَرَّجْ ثمر أكتر. 3انتوا داحين نضاف بسبب الكلمه اللي كلمتكم فيها. 4إثبتوا فييا وأنا فيكم. زي ما أنو الغصن ما يقدر أنو يِخَرَّجْ ثمر إلا اذا ثبت في كرم العنب، وأنتو كمان، إلا اذا تعلقتم فييا 5أنا كرم العنب وأنتوا الأغصان. اللي يثبت فييا وأنا فيه، داك اللي يطرح تمر كتير. انتو بعيدين عني وما تقدرو أنكم تسووا شي. 6أي أحد ما يثبت فييا رح ينرمي برّه زي الغصن وينشف، بعدين الأغصان الناشفة تنجمع وتنرمى في النار وتنحرق. 7بس اذا انتوا تشبثتم فييا، وثبت كلامي فيكم، اطلبوا اللي تبغوه ويصير ليكم. 8بهادا يتمجد أبويأ: أنو تنتجوا ثمر كتير وتكونوا تلاميذي بجد. 9زي ما حبني الأب، أنا حبيتكم، اثبتوا في محبتي. 10اذا سويتوا اللي وصيتكم عليه، تثبتوا في محبتي، زي ما عملت أنا بوصايا أبويا وتشبثت في محبته! 11قولتلكم هادا علشان فرحي يصير فيكم، ويصير فرحكم مكتمل.
12أوصيكم: حبوا بعضكم زي ما أنا حبيتكم. 13مافي لأحد محبة أعظم من هادي: أنو يعطي الواحد حياته فدى لأحبابه. 14وأنتوا أحبابي اذا سويتوا باللي وصيتكم فيه. 15لسه ما أقول عنكم عبيد، لأنو العبد سيدو ما يورّيه ايش يسوي. بس أنا أقول عنكم أحباء لأني عَرَّفْتَكم كل اللي سمعتو من أبويا. 16انتم ما اخترتوني، لكن أنا للي اخترتكم وعينتكم علشان تنطلقوا وتجمعوا ثمر ويبقى ثمركم، يدديكم الرب كل اللي تطلبوه باسمي. 17بهادا الشي اوصيكم: حبوا بعضكم.
العالم يكره التلاميذ.
18اذا العالم كرهكم، إعرفوا انو العالم كرهني قبل ما يكرهكم. 19لو كنتوا من أهل العالم كان العالم يحب أهله، بس لأنكم مو من أهل العالم، وأنا اخترتكم من وسط العالم، علشان كدا يكرهكم العالم. 20اتزكروا الكلمة اللي قولتها ليكم: مافي عبد أعظم من سيدو. اذا كان أهل العالم عذبوني، رح يعزبوكم، وإزا عملوا بكلمتي، رح يعملوا بكلمتكم. 21لكن رح يسووا هادا كله فيكم علشان اسمي، لأنهم ما يعرفوا اللي أرسلني. 22لو ما جيت و كلمتهم، ما رح يكون عندهم حطئية، بس داحين ما عندهم عذر في خطيئتهم. 23اللي يكرهني يكره أبويا كمانا. 24ولو ما اسوي بينهم أعمال ما سواها أحد غيري، كان ما صارعندهم خطيئة. لكن كرهوني وكرهوا أبويا، مع أنهم شافوا الأعمال اللي سويتها. 25وصار كل هادا علشان تتم الكلمة المكتوبه في شريعتهم: يكرهوني بدون سبب!
26ولما يجي المعين اللي رح أرسله لكم من عند الأب، روح الحق اللي يِخَرَّجْ من الأب وهو يشهد لي. 27وأنتم تشهدوا لي كمانه، لأنكم معايا من البداية.
Currently Selected:
إنجيل يوحنا 15: HNAV
Highlight
Copy
Compare
Share
Want to have your highlights saved across all your devices? Sign up or sign in
Hijazi New Arabic Version © 2024 Strategic Resource Group
