Yoannesi Phrinzangpo VII.
VII.
1Yang diuni jukna Yeshu Galilayasiang drulen yodpin chiazerbana Yudaiasiang drulba thadpa medpin chiazerbana Yudayaspaunis kho sadpa thsalen yodpin. 2Ni, Yudayaspauni Zbre Rgamoe jaqpo nyemoa yodpin. 3De phya khoe phonounis khoa jus : Yeres be lasun yeri lzadrulbakhanunla thongmi phya dikana langse Yudayasiangnuk skyodang. 4Chiazerbana ngonuk samkhanpos sangse chang bamed, taqdir yeres diun bed narek yeres yerang miyulpoa ngonchuk. 5Chiazerbana khoe phonounisang khoeka chhesluks bas ma baspinsuk. 6Dekana Yeshus khonga mols : Ngi namzao darang hlebamed, amma khyentanga rshtane namza yod. 7Miyulpoa khyentang rtsoqpo shespa nyanma med; amma, miyuli laspo rtsoqpo in zere ngas rshpangpo tangmi phya miyulpoa nga rtsoqpo shesed. 8Khyentang di Rgamoe jaqunla songshik, nga di Rgamoe jaqunla darang chha med, chiazerbana darang ngi namzao gangma med. 9Ni, diun khonga molena khorang Galilayasiang juks. 10Khoe phonoun Rgamoe jaqunla songse jukna Yeshuang der skyods; ngone maskyods, dobasang sangserek skyods. 11Dekana Yudayaspaunis Rgamoe jaquniang kho tsalen yodpin, yang khontes zes : Kho gar yod ? 12Yang mibongsi bariang khoe rshmangeang shubshub mangmo song ; Khachigis zes : Kho noro yod, amma, yang khachigis zes : Med, dobasang khos miun lamstorla tanged. 13Do in nâng Yudayaspaunla jikse susang khoe rshmangeang sal ba sal ma zes.
14Ni, Rgamoe jaquni phedpo rgalbana Yeshus Rtsangma malsiang skyods, yang ltsaben yodpin. 15Dekana Yudayaspaun rgyalena diu zeren yodpin: Di miwa zbriskhanun mana ma ltsaba dukse gatsuga shesed ? 16Yeshus tamlan sale khonga mols : Ngas ltsabkhanpo ngari men dobasang nga tangkhanpoe in. 17Taqdir suchiga khoe ranlukspo basnyi yodna di ltsabchao Ashipi rolna ina hana ngas nganiangna zereda zerchao khoa rshtaḵẖspa chhok. 18Rangi rolna tam zerkhanpos rangi chho luks tsaled, amma sus khorang tangkhanpoe chhezbrel tsalsna kho mantaḵẖs in, yang khoeang chang raqroq lzochik med. 19Moshes khyentanga Thoratpo matangsa ? Yang khyentiangna susang Thorati lzadrul bamed. Khyentos nga chia sadpa tsaled ? 20Mibongsis tamlan tangse jus : Khyeranga dre byared khyerang sus saduk samed ? 21Yeshus tamlan sale khonga mols : Ngas las chikchik bas, yang khyentang jung de phya rgyaled. 22Moshes khyen-tanga khalaq rtsangma ba skalsed, inmao diu Moshêkana men dobasang mezpounikana yongskhan in yang khyentos Dalbi jaqa mî khalaq rtsangma bed. 23Moshê Tho-ratpo michaqpi phya Dalbi jaqa mî khalaq rtsangma bed narek, ni, Dalbi jaqa ngas mi chikchik noro chnachukspi phya khyentanga ngika ḵẖa langseda ? 24Rdong ltas base shaḵẖs mabashik, dobasang khadrangi shaḵẖspo shaḵẖsika phe-shik. 25Dekana Yerusalempa khachigis (diu) zes : Khongis sadpa tsalen yodkhanpo diao mena ? 26Yang ltosang khos bingse salphese spera tanged, yang khontes khoa chang zerba med. Gowaunla diu mantaḵẖsna Masihyu in zero ngozin songseda ? 27Amma, diao ganaspa in zere ngantanga rshtaḵẖspa yod, amma Masih skyodpana kho ganaspa inmao suâng rshtaḵẖspa michha. 28Dekana Yeshus Rtsangma Malsiang ltsaben yodtsana kustabse mols : Khyentanga nga ngozinang yod, yang nga ganaspa inmawang rshtaḵẖspa yod; yong nga ngarang yongskhan chi men, dobasang khyentang ngozin medkhan nga tangkhanpo mantaḵẖs in. 29Amma, ngâ kho ngozin yod chiazerbana nga khoe der na in, yang khos nga tangsed. 30Dekana, khongis kho zunma tsals, amma khoeka sus laq matangs, chiazerbana darang khoe tho hleba medpin. 31Mibongsiangna mangmos khoeks chhesluks basena zes : Masih skyodena dius stanskhanpo basang mangmo rshtaḵẖsnaun stanuga ? 32Mibongspos khoe luksiang diun shubshub ben Pharisiapaunla thsor gowa kohcnun nang Pharisiapaunis kho zunmi phya yoqpo khachik tangs. 33Dekana Yoshus khonga mols : Yang namzek rshrarshik nga khyentang na nyambo yod, yang nga ngarang tangkhanpoe der chhed. 34Khyentes nga tsaluk yang mithob yang nga yodseka khyentanga yongma nyancha mon. 35Dekana Yudayaspaunis khontang chikchiga zes : Ngantanga kho mithobseba kho gar chhacha yod ? Kho Helenpau-niang thobsa dukse yodkhan der chhoga ? Yang Helenpaunla ltsabtuga ? 36Khos khyentes nga tsaluk amma nga mithob yang nga yodseka khyontanga yongma minyan zeskhan tampo chi in ?
37Ni, Rgamoe chi jugi chhô jaqa Yeshu langse skyods yang khstabse mols : Taqdir su skomse yodnarek, ngi shitia yong-chukshik yang thungchukshik! 38Rtsangma shoqbiang zbriskhanpo nazomse ngika chhesluks bakhanpo, khuri koqpeangna sonluksi chhui rgyamthsoun druluk. 39Amma khos diu khurika chhesluks bakhanunla thobcha yodkhan Semspoe rshmangeang mols, chiazerbana Yeshus darang khuri chhezbrelika mahleba yodpi phya Rtsangma Semspo darang skyodpa medsuk. 40Dekana mibongsiangna mangmoa di speri ha goana zes : Diu mantaḵẖsna de khyenkhanpo in. 41Eunis zes : Diu Masih in; yang khachigis zes : Masih Galilaiasiangna skyodeda ? 42Masihyu Dawidi thsirpoeangna yang Dawidi duk-khan Bethlehem zerkhan grongduspoeangna skyoduk zere shoqbiang zbrise meda ? 43Dekana khoe phya mibongsi bariang kha chikchik masong. 44Yang khorgiangna khachigis kho zunuk samedpin, amma sus khoeka laq matangs. 45Dekana yoqpoun gowa kohenun nang pharisiapauni der (loqse) yongs; yang khongis khonga zes : khyentes kho chia makhyongs ? 46Yoqpounis tamlaniang zes : Di mis zerba tsoḵẖspo mi supang mazes. 47Dekana Pharisiapaunis khonga tamlaniang zes : Khyentangang lamstorla songseda ? 48Gowauniangna hana Pharisiapau-niangna sus khoeka chhesluks kaṯo beda ? 49Amma thorat misheskhsn di mibongspo spro phoqskhan in. 50Khontiangna inkhan, Khoe der thsanla yongskhan Nikodemosis khonga zes : 51Snanla mî tampo nyane khos chi bed zere rshtaḵẖspa songse mene ngachi Thoratpos mi sui shakhs beda ? 52Khongis tamlan tangse khoa zes : khyerangang Galiliaspa ina ? Galilaiosiangna khyenkhanchik bingma med zere tsaltsal base ltos. 53Yang khong tsoq rangsosoe khangma song.
Currently Selected:
Yoannesi Phrinzangpo VII.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève