Yoannesi Phrinzangpo VIII.
VIII.
1Amma Yeshu sarsingi rîka skyods. 2Yang od jukspana Rtsangma malshng yang loqse skyods, yang sharbaun jung khoe der yongs; yang kho sâ jukse ltsaben yodpin. 3Ni, roqspo ben yodtsana zunkhan anek chhos zbrikhanun nang Pharisiapounis khyongse rshkilla ltsangse jaqsena, 4Yeshua jus ; Kasa Ltsabkhan, di aneo roqspo ben yodtsana zunskhan in. 5Moshes Thoratiang dianda aneun rdoa ruba tong zero ngachâ skale yod; dekana yeres (diua) chi moled ? 6Amma, khongis khoa snyad bacha chhe phya diu thikchadpa khoa jus : Amma Yeshus zgusena zugu na seka zbris. 7Ni, khongis khoa trin dukpana khos kuaq langse khonga mols : Khyentangna nyespa medkhanpos chisna khoeka rdoa tong. 8Ni, yang zgusena khos zuguna seka zbris. 9Ni, khonga diu goana rangi snyingiang khonti lasun rtsoqpo shespana chhimiunikana tangspao thsuntseun thsaqpa rere nang rere base bingse song; yang Yeshu khorang tsa lus; yang aneo-ang dia rskhrilpeang langse yodpin. 10Yeshus kuaq jangsena anoo mene yang suang mathongmana anewa mols : La achhe, khyerika snyad bakhanun tsoq gar song ? Sus khyerika shaḵẖs ma basa ? 11Ni, aneos jus : Kasa Ashipa sus mabas. Yang Yeshus anewa mols : Ngasang khyerika snyad bamed, song, yang nyespa ma bos.
12Dekana Yeshus yang khonga diu molen spera tangs : Miyuli odpo nga in, ngi lzâ yongkhanpo thubmuntaqariang mana midrul; dobasang khoa sonluksi odpo thob-tuk. 13Dekana Pharisiapaunis khoa jus : Yeres Yeri rshpangpo saled, yeri rshpangpo mantaḵẖsmen. 14Yeshus tamlan sale khonga mols : Ngas ngari rshpangpo tangsnâng, ngi rshpangpo mantaḵẖs in chiazerbana nga gar na yong-sed yang gar chhed zerchao ngâ rshtaḵẖspa yod, amma khyentanga nga gar na yongsed yong gar chhed zerchao rshtaḵẖspa med. 15Khyentos rgoe sambika shaḵẖs chaded, ngas sui shaḵẖs chadpamed. 16Yang taqdir ngas shaḵẖs chads nâng ngi shaḵẖspo mantaḵẖsin, chiazerbana nga tsa med dobasang nga nang nga tangskhan atao (yod). 17Yang khyenti Thoratiang mi nyisi rshpangpo mantaḵẖs in zere zbrise yod. 18Nga ngari rshpangpo tangkhan in yang nga tangskhan Ataos ngi rshpangpo saled. 19Dekana khongis khoa jus : Yeri Atao gar yod ? Yeshus tamlaniang mols : Khyentanga hana nga hana ngi Atao mishes; taqdir khyentanga nga shespin na ngi Atawang shesukpa. 20Di speraun Yeshus rtsang-ma malsiang ltsaben yodtsana sera yodkhan nangpeang mols; amma sus kho mazuns chiazerbana darang khoe tho hleba medpin.
21Yeshus yang khonga mols : Nga chhed, chhana khyentes nga tsaluk, yang khyentang khyenti nyespauniang shiuk. Nga chhaseka khyentanga yongma nyancha men. 22Dekana, Yudayaspaunis zes : Khos khyentanga nga chnaseka yongma minyan zere khores khorang satuga ? 23Yang khos khonga mols : Khyentang rdan na in, nga gyen na in; khyentang di miyuli in, nga di miyuli men. 24De phya khyenti nyespauniang khyentang shiuk zere ngas khyentanga zes : Chiazerbana taqdir khyentes nga (diao) in zere chhesluks mabasna khyentang khyenti nyespauniang shiuk. 25Dekana khongis khoa jus : Yerang su in ? Yeshus khonga mols : Nga ngas khyentanga chisna na zeren yodkhanpo in. 26Ngâ khyenti rshmangeang zercha nang shaḵẖs chadcha mangmo yod, amma, nga tangskhanpo mantaḵẖs in, yang ngâ khoekana thsorkhanpo ngas miyulpowa gochu-ged. 27Khos Ati rshmangeang khontanga molsed zere khonga rshtaḵẖspa masong. 28Dephya Yeshus khonga mols, khyentes Mi-i Buthsao phyalla tangsena ni nga (diao) inmao, yang nga ngares chang mibao dobasang ngi Ataos ngâ ltsabspana tsoḵẖspo ngas zerchao khyentanga rshtaḵẖspa chhok. 29Yang nga tangskhanpo nga nanyambo yod : Khos ngarang tsa phangma ma zads chiazerbana ngas rshtane khorang rankhan laspo bed. 30Khos diun moltsana mi mangmos khoeka chhesluks bas.
31Dekana Yeshus khurika chhesluks baskhan Yudayaspaunla mols : Taqdir khyentang ngi Speriang rshtane duksnarek mantaḵẖs na khyentang ngi lzadrul-bakhanun in. 32Yang khyentanga Mantaḵẖs po ngozin ckhok yang Mantaḵẖspos khyentang rshaqrshid bok. 33Khongis khoa tamlaniang jus : Ngacha Abrahami mithsir in, yang mana sui tson masongmin, yeres khyentang rshaqrshid chhok zere gatsuga moled ? 34Yeshus khonga tamlaniang mols : Chhadkhika, chhad-khika, ngas khyentanga zered, nyespa bakhan rere nang rere nyespi tson in. 35Dare tsonpo rshtane khangmeang dukpa med, Rshraspo rshtane duged. 36Diphya taqdir Rshraspos khyentang rshaqrshid basna khyentang mantaḵẖs; na rshaqr-shid chhok. 37Khyentang Abrahami mithsir inmao ngâ rshtaḵẖspa yod, amma, ngi tampo khyenti snyingiangnuk mashongmi phya khyentes nga sadpa tsaled.
38Ngâ ngari Ati shitiana thongskhanpo ngas zered, yang dekana khyenti ati derna goskhanpo khyentes bed. 39Khongis tamlan tangse khoa jus : Ngachi Ata Abrahama in, Yeshus khonga mols : Taqdir khyentang Abrahami buthsaun inmin na khyentes Abrahamis baskhan lasun bokpa. 40Amma, dare khyentang Ashipi kana thsorskhan mantaḵẖspo khyentanga gochukkhan nga (tsoḵẖs) mik khyentes sadpa thsaled. Abrahamis ḏinda ma bas. 41Khyentes khyenti ati lasun bed. Dekana khongis khoa jus Ngacha roqspeka skyeskhan men, ngachâ ata chikchik yod: Ashipa khorang. 42Dekana Yeshus khonga mols : Taqdir Ashipa khyenti Ata inmin na khyentes ngâ rgokpa, chiazerbana nga Ashipi kana bingse yongskhan in, chiazerbana nga ngarikana yongskhan men, dobasang khos nga tangs. 43Khyentanga ngi Speri hao chia goa med ? Chiazerbana khyentanga ngi tampo thsorba nyanma med. 44Khyentang de Nganpaola skyeskhan in, yang khyenti ati rtsoqpo tongoun phingsnyi yod; kho mana chi sna na mî sadkhan in, yang kho mantaḵẖspeang rshtane maduks, chiazerbana khuriang mantaḵẖs yodmed; Khos mana nam rdzon tangsna khos khuriangna tanged, chiazerbana kho rdzon tangkhah in yang (rdzoni) ata in. 45Yang ngas mantaḵẖspo zerbi phya khyentang ngâ chhespa med. 46Khyentiangna sus ngika nyespi rshmangeang snyad bok ? Taq-dir ngas mantaḵẖs zernarek khyentang ngâ chia chhespa med ? 47Ashipi inkhanpos Ashipi (Rtsangma) Sperawa nyaned; dekana khyentes nyanma med chiazerbana khyentang Ashipi men. 48Dekana Yudayapaunis khoa tamlan tangse jus: Yerang Samaria na in, yang khyeranga dre byared zere ngachas rgyala zerba meda ? 49Yeshus tamlaniang mols : Ngâ dre byarba med, dobasang ngas ngari Atawa yasharin bed, yamg khyentes nga rinmed bed. 50Amma, ngas ngari chhôlukspo tsalba med dobasang (do) tsalkhan yang shaḵẖs bakhan chikchik yod. 51Chhadkhika, chnadkhika ngas khyentanga zered : Taqdir sus ngi sperawa grikse duksna khoa shiluks mana thongmithong. 52Dekana Yudayaspaunis khoa : Khyeranga dre byarsed zere, dare ngachâ rshtaḵẖspa song; Abraham nang khyen-khanun nongs; yang yeres zered : Taqdir su ngi Sperawa grikse dukna khoa shiluks nyamlenika mana mishes. 53Yerang ngachi nongskhan ata Abraham basang chhô ina ? yang khyenkhanunang nongs. Yeres yerang su rchoed ? 54Yeshus tamlaniang mols : Taqdir ngas ngarang chhô rchosna ngi chho lukspo changang men; amma khyentes khyenti Ashipa in zerkhan ngi Ataos nga chhâ rchoa zaded. 55Yang khyentanga kho ngozin songmamed, amma ngâ kho ngozin yod yang taqdir ngâ kho ngozin med zesna nga-ang khyentang natsoḵẖs rdzon tangkhan chhok; amma, ngâ kho ngozin shes yang ngas khoe sperawa grikse yod. 56Khyenti ata Abraham ngi jaqpo thongma rgamoeang yodpin; yang khoa thong; yang khos rgamo bas. 57Deka a Yudayapaunis khoa jus : Yerang darang lo qabchuang masong yang yeranga Abraham thongmina ? 58Yeshus khonga mols : Chhadkhika chhadkhika ngas khyentanga zered, Abraham yodpao basang enâ Nga in. 59Dekana khongis khoeka rdoa tangma rdoa khurs, amma Yeshu ibse Rtsangma malsiangna phyistâ [khongi baris skyoden yang detsuga rgale] skyods.
Currently Selected:
Yoannesi Phrinzangpo VIII.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève