Yoannesi Phrinzangpo VI.
VI.
1Diuni jukha Yeshu Tiberiasi (zerkhan) Galilayasi thsoe pharkâ bingse skyods. 2Yang chhô mibongshik khuri lzâ yongs, chiazerbana nadpaunika phingskhan rshtaḵẖsnaun khonga thongedpin. 3Yang Yeshu ria skyods, yang rangi lzadrulbakhanun nadrese der juks. 4Yang Pesaqi jaqpo Yudayaspauni rgamo nyemoa hlebse yodpin. 5Yeshus go thyaqse zikspana khuri der chhô mibongshik yongen yodpao khoa thongmana Philippusla mols : Diunla ze ṯaki ngachas gana nyok ? 6Amma, khos khoa thik chadpi phya diu mols, chiazerbana khores chi bok zerchao khoranga rshtaḵẖspa yodpin. 7Philippusis khoa tamlaniang jus : Diun rerea zasrek thoba jahujaphed nibgye takia bos michha. 8Lzadrulbakhanuniangna chikchik, Simon Petrosi no Andreasis jus : 9Deka buthsek duk, khoe der narjeni ṯaki qa nang nya nyis duk, amma dotsek mi mangmoega diun chi in ? 10Yeshus mols : Miunla sâ dukchukshik! Ni, de malseka spang mangmo yodpin. Dekana de stong qatsek yodkhan khyoqa buthsaun sâ duks. 11Ni, Yeshus de ṯakiun rshnams, yang Ashipa-a ju basena dukse yodkhanunla zgose sals; yang dia zosteka khontanga rgospatsek nyâng (zgose sals). 12Yang khong drangspana khos rangi lzadrulbakhanunla mols: Luskhan chnaqpoun chang stongs ma stongpa zdushik. 13Dekana khontes za-khanunis zose luskhan narjeni ṯaki qe chhaqspoun zdusena tsepo chunyis skangs. 14Dekana de miunla Yeshus base stanskhan rshtaḵẖsnaun thongmana zes : Mantaḵẖsna miyuliang skyodcha yodkhan khyenkhanpo diao in. 15Dekana Yeshua, khong yongse khorang rgyalpo rchoa wangika khyersnyi yodpao rshtaḵẖspa chhana khorang tsa yang loqse ria skyods.
16Ni, rgongs ranmana khoe lzadrulbakhanun yaqa thsoeka babse song. 17Yong khong nayoeang juksena khong thsoe pharkâ Kaphernaunma chhen yodpin, yang chhatsana ṯhup songmin yang Yeshu khongi der skyodpa medpin. 18Raruigang langse thsoa chnuzbra ltsangs. 19Khong nayo strulen (kru nibgyapa) stadium nyishu rtsaq qa tsek bingse khonga Yeshu thsoe katotika drulen nayoe shitia skyoden thongmana khong jiks. 20Ni, Yeshus khonga mols : Nga in, jiks majikshik! 21Dekana khonga kho nayoeangnuk khyongma gad. Yang diana tsuga nayo khong chhasekahlep.
22Der nayo chikchik mene yang thsuntse nayo chang medpao yang Yeshu rangi lzadrulbakhanun nanyambo thsuntse nayoeang majukspao dobasang khoe lzadrulbakhanun tsa nayoeang jukspao ejaqa thsoe pharkawa langse yodkhan de mibongspoa thong. 23Amma, ashipas Ashipa-a ju base jukna khontes de ṯaki zoskhan malse shitia yang nayo khachik Tiberiasaiangna hlep. 24Dekana mibongspoa der Yeshu medchao yang khoe lzadrulbakhanunang medchao thongmana, khongang de nayouniang jukse Yeshu tsalen Kapernauma yongs. 25Yang thsoe eltek pharkawa khona thukpana khongis khoa jus : Kasa Rabbi, yerang dir nam skyods ? 26Yeshus khonga tamlan sale mols : Chhadkhika, chhadkhika ngas khyentanga zered : Khyentes khyentanga rshtaḵẖsna thongspi phya nga tsalbamed, dobasang khyentes ṯakiun zose drangspi mingna nga tsaled. 27Miluskhan zachi phya narpa mabashik, dobasang Mi-i Buthsaos khyentanga salcha yodkhan rshtane luspi zachasi phya narpa bashik, chiazerbana khoeka Ataos, Ashipa khores rshtaḵẖs sals. 28Dekana, khontes khoa jus : Ngachas Ashipi lasun ba chi bâ rgosed ? 29Yeshus khonga tamlaniang mols : Ashipi laspo, Ashipuas tangskhanpoeka chhesluks bachao in. 30Dekana khongis khoa jus : (Kasa), ngachâ thongsena yerika chhesluks ba yeres ngachâ chi rshtaḵẖ na stanma zaded ? Yeres chi thuklashik ba zaded ? 31"Khos khonga za rshnami ṯaki sals" zere zbriskhanpo nazomse nganti ata-apounis thangstonqeang rshnami zan (chizesna) manna zos : 32Dekana Yeshus khonga mols : Chhadkhika, chhadkhika, ngas khyentanga zered : Khyentanga rshnamiangna ṯakiu Moshes matangs, dobasang ngi Ataos khyentanga rshnamiangna mantaḵẖsi ṯakiu saled. 33Chiazerbana yoqa babse miyulpoa sonluks salkhanpo Ashipi ṯakiu in. 34Dekana khongis khoa jus : Kasa Ashipa, di ṯakiu ngachâ rshtane salba zadang. 35Yang Yoshus khonga mols : Sonluksi ṯakiu nga in, ngi shitia yongkhanpo mana miltoqs, yang ngika chnesluks bakhanpo gathoâng mana miskoms. 36Amma, khyentanga nga thongseang khyentes chhesluks ma bas zere ngas khyentanga zered. 37Ngi Ataos ngâ salskhanun jung ngi der yongnuk, yang ngi der yongskhanpo ngas mana phingse mitang. 38Chiazerbana ngari ranlukspo na zomse ba, nga rshnamna babse yongspamed, dobasang ngarang tangkhanpoe ranlukspo nazomse ba yongsed. 39Yang khos ngâ salskhanunjungiangna ngas changang stormichukpao dobasang Kho chi jugi jaqa yang sone ltsangmao nga tangkhan Ati ranlukspo in. 40Yang Rshraspo thongse chnesluks baskhan rere nang rerea rshtane luspi sonluks thobao ngi Ati ranlukspo in, yang ngas chijugi jaqa kho sone ltsangnuk. 41Dekana khos rshnamna babskhan de ṯakiu nga in zere molspi phya Yudayaspaunis khoe rshmangeang shubshub bas. 42Yang diu zeron jodpin : Wahonik, diu, khuri ata nang ngantanga rshtaḵẖspa yodkhan Yosephi buthsa Yeshu mena ? Ni, khos nga rshnamikana babse yongskhan in zere gatsuga zered ? 43Dekana Yeshus khonga tamlaniang mols: Khyentang chikchigis shubshub mabashik. 44Nga tangkhan Ataos thene khyongse mene sua ngi der yongma minyan, yang chijugi jaqa ngas kho sone lusangnuk. 45Khyenkhanuni shcqbûniang diu zbrise yod : "Khong junga Ashipas ltsabtuk". Dekana, Atikana thsorskhan yang lobskhanpo ngi der yonged. 46Ashipi rolna skyodkhanpoa mene yang sua Atao thongspamed, khoranga tsa Ata thongsed. 47Chhadkhika, chhadkhika ngas khycntanga zered: Ngika chhesluks bakhanpoa rshtane luspi sonluks yod. 48Sonluksi ṯakiu ngs, in. 49Khyenti mezpounis thangstongeang MANNA (Rshnamizan) na zos, yang nongs. 50Sus diangna zose yang mishî mingna diu rshnamiangna babse yongskhan ṯakiu in. 51Rshnamikana babskhan sonluksi ṯakiu nga in; taqdir sus di ṯakiangna zocedna kho mana rshtane sone lusuk; yang miyuli sonluksi phya ngas tangcha yodkhan ṯakiu ngi rgoe shao in. 52Dekana. Yudayapaun khontang chikchigis diu zeren tabs : Khuri shao ngantanga za tangma khoa gatsuga za nyaned ? 53Dekana Yeshus khonga mols : Chhadkhika, chhadkhika, ngas khyentanga zered, khyentes Mi-i Buthsi zose mene yang khoe khraqpo thungse mene khyentiangnuk sonluks miduk. 54Ngi shao zose, ngi khraqpo thungkhanpoa rshtane luspi son-luks yod, yang ngas kho chi jugi jaqa sone ltsangnuk. 55Chiazerbana ngi shao mantaḵẖsi zachao in, yang hgi khraqpo mantaḵẖsi thungchao in. 56Ngi shao zose, ngi khraqpo thungkhanpo ngiang duged, yang nga khoeang duged. 57Sone yodkhan Ataos nga tangse nga Ataos base sone yodpao natsoḵẖspo nga zakhan-poang ngas base sone duktuk. 58Rshnamna babskhan ṯakiu dianao in; khyenti mezpounis zoskhan rshnami zan na tsoḵẖs men, khontes zosena nongs, amma di ṯakiu zakhanpo rshtane sone lusuk. 59Khos Kapernaumi sharba dusi malsauniang ltsaben yodtsana mols. 60Dekana khoe lzadrulbakhanuniangna mangmos diu thsorbana zes : Diu lchinte tamchik in, diu sua hagoa nyaned ? 61Amma, Yeshua rangi lzadrulbakhanun khontang chikchigis di rshmangeang shubschub bao rangi snyingiang rshtaḵẖspa chhana khonga mols : Diu khyentanga phoqeda ? 62Ni, taqdir khyentanga Mi-i Buthsao snanla yodseka thulen thongma gatsuk chhok ? 63Sonchukkhanpo Semspo in rgoekana chang phankhyek med, ngas khyentanga zeskhan speraun Sems in yang Sonluks(ang) in. 64Amma, khyentiangna khachik chhesluks mibakhan yod; chiazerbana chhesluks mibakhanun su in yang khorang zunchukkhanpo su in zerbao Yeshua mana snanlana rshtaḵẖspa yodpinsuk. 65Yang khos mols : Di phya ngas zeskhan ngi Ataos base mene ngi der sua yongma minyan zere ngas khyentanga zespin. 66Do nang eltek khoe lzadrulbakhanuniangna mangmo loqse shor, yang khoe lzâ mana madruls. 67Dekana Yeshus de chunyispoa mols : Khyentesang bingse chhok samma meda ? 68Dekana Simon Petrosis khoa tamlaniang jus : Kasa Ashipa, ngacha sui der chhok ? Rshtane luspi sonluksi Speraun Yeranga yod. 69Yang, yerang Ashipi Rtsangmao in sere ngachas chhesluks base rshtaḵẖspa songse yod. 70Yeshus khoa tamlaniang mols : Ngas khyentang chunyispo mardamsa ? Yang khyentiangna chikchik nganpek in. 71Amma, khos, diu Iskariotpa Simonpi Yudasi rshmangeang mols: chiazerbana de chhunyispeangna inkhan dianaos zunchukcha yodpin.
Currently Selected:
Yoannesi Phrinzangpo VI.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève