Yoannesi Phrinzangpo V.
V.
1Diuni jukna Yudayaspauni rgamoe jaqchik yongs, yang Yeshu Yerusalema skyods. 2Yang Yerusalemiang luwaqi staqos der Heberpi skadika Bethesda zerkhan thoqyol qa yodkhan rdzing chikchik yod. 3Deuniangnuk nadpa mangmo jarbaun nang thyangmaun nang chhanggûn chhu gulbâ gyer base yodpin. 4Chia-zerbana barga kaṯo de rdzingiang Ashipi sgopek rdzingiang babsena chnu skuledpin. Dekana chhu gule jukha su snâ babsna kho chi nad yodna-ang noro chnedpin. 5Ni, der lo sumchusorgyad mardea luskhan mik yodtsuk. 6Yeshus kho thar rshkyangse yang khoa namza mangmo songmao rshtaḵẖspa songse khoa moled : Khyerang noro ckhachawa thadeda wa ? 7De nadpaos khoa tamlaniang jus : Kasa Ashipa, chnu gulbana ngâ rdzingiang phabkhan mi sumed, dobasang nga chhen yodtsana nga basang snanla yang chikchik babsed. 8Yeshus khoa mols : Longs, khyeri thingchaspo khur yang drul. 9Yang dianatsuga de miu noro songsena khuri thingchao khure druls. De jaqpo Dalbi jaq inmin. 10Dekana Yudayapaunis de noro songkhan miwa zes : Diring dalbi jaq in, khyeranga rangi thingchaspo zdamse khyerba dodpamed. 11Khos khonga tamlaniang zes : nga noro chhachukkhanpos ngâ mols : Khyeri thingchaspo khure drul. 12Khongis khoa tris : Khyeranga khyeri thingchaspo khure drul zeskhan miu su in ? 13Amma, de noro songkhnn miwa do su insuk zere rshtaḵẖspa medpin, chiazerbana dika mibongspo yoden Yeshu bingse skyodsedpin. 14Diuni jukna kho Yeshua Rtsangma Malsiang thuks yang khoa mols : Ltosang khyerang noro songsuk, diu basang thep rtsoqpoek khyeranga michha zere yang nyespa ma bos (he!) 15De miu songse khorang noro chhachukkhanpo Yeshu in zere Yudayaspaunla spera tangs. 16De phya Yudayaspaunis Yeshu ḏinda lasun dalbi jaqa baspi phya khoa doḵẖshuks. 17Amma, Yeshus khonga mols : Ngi Ataos dare thsaqpa las bed ngasang las bed. 18Ni, di phya Yudayaspauni snani basang mangmo kho satuk zere tsals chiazerbana khos Dalbi jaqpo chaqchao tsa men, dobasang khores khorang Ashipa na ḏanḏa base, Ashipa khuri Ata in zeredpin. 19De-kana Yeshus khonga tamlaniang mols : Chhadkhika, chhadkhika ngas khyentanga zered : Ataos ben yodpao thongse mene buthsa khoranga chang ba nyanma med, chiazerbana khos lasun buthsaosang, diana tsoḵẖs base bed. 20Chiazerbana Ataos Buthsawa rged yang khores bakhan jung staned, yang khos khyentang rgyaluk zere diun basang chho lasun khoa stanuk. 21Yang Ataos shimiun ltsangse sonchukpana tsoḵẖspo, Buthsaos-shrasposang khorang thadkhanpo son-chuged. 22Chiazerbana Ataos sui shaḵẖs bamed, dobasang jungis Atâ yasha-rin bana tsoḵẖspo Rshnaspoa-ang yasharin bok zere, 23khos shaḵẖs bachaun jung Rshrasi laqa rshtaded. Rshraspoa yasharin mibakhanpo kho tangskhan Atawâng yasharin mibakhan in. 24Chhadkhika, chhadkhika ngas khyentanga zeres : Ngi tampoe ha gosena nga tangkhanpoeka chhesluks bakhanpoa rshtane luspi sonluks yod, yang khoeka sproe shaḵẖs phoqcha men dobasang kho shiluk-siangna bingse sonluksiang juksed. 25Chhadkhika, chhadkhika, ngas khyentanga zered : Shimiunla Ashipi Rshrasi skadpo thsorbi tho hlebed, dobasang mana dare hlebsed; yang thsorkhanun sonuk. 26Chiazerbana Ataos khuriang sonluks yodpaona tsoḵẖs Rshraspoang rangiang-ang sonluks dukpi (khyud) sals. 27Yang khoa shaḵẖs be khyudpoang sals, chiazerbana kho Mi-i Buthsao in. 28Diawa khyentang margyalshik : Rongkhanguniang yodkhanun saqa khoe skadpoe ha goe tho hlebed. 29Noro baskhanun sonluksi thse sone langspi jaqa yang qoni baskhanun sproe shaḵẖsi sone langspi jaqa bingse yongnuk. 30Ngâ ngariangna chang ba nyanmamed; ngâ goskhanpo na zomse ngas shaḵẖs bed, yang ngi shaḵẖspo trangmo in, chiazerbana ngas ngari tsalba med doba-sang nga tangkhanpoe ranlukspo tsaled. 31Taqdir ngas ngari rshpangpo tangsna ngi rshpangpo mantaḵẖs men. 32Amma ngi rshpangpo tangkhanpo yang chikchik yod yang khos ngi rshmangeang tangkhan rshpangpo mantaḵẖs in zere ngâ rshtaḵẖspa yod. 33Khyentes Yoannasi der mitangsed yang khos mantaḵẖsika rshpangpo tangsed. 34Amma, nga mî rshpangpoa ranmamed dobasang khyentang khomchukpi phya ngas diun zered. 35Kho barkhan sangsang odpo inmin, yang khyentanga dusthsod chikchik khuri odpeang thade dukpao gad. 36Amma, ngâ Yoannasi rshpangpo basang chhô rshpangpoek yod, chiazerbana Atas ngas ldanchukpi phya ngi laqa rshtadskhan lasun, ngas bakhan lasun khontes Atas nga tangsed zere ngi luksiang rshpangpo in. 37Yang nga tangskhan Atas khores ngiluksiang rshpangpo salsed; hana khyentanga khoe skadpo mana gospa med hana khyentanga khoe zosta thongspa med. 38Yang khuri rtsangma mols-khanpo khyentiang khyentiang dukpa med chiazerbana khos tangskhanpoa khyentang chhespa med. 39Khyentes zbriskhanuniang tsaled, chiazerbana khyentes deang rshtane luspi sonlukspo yod samed? yang ngi rshpangpo tangkhanun diaun in. 40Yang khyentanga khomluks thcba ngi der yongsnyi med. 41Ngâ miuni der na chhôlukspo rgospamed. 42Dobasang khyenti snyingiang Ashipi rgalukspo med zere ngâ rshtaḵẖspa yod. 43Nga ngari Ati mingika yongskhan in, yang khyentes nga ḏonpo bamed. Taqdir yang chikchik rangi mingika yongna do khyentes ḏonpo bok. 44Chikchik yodkhan Ashipi chhezbrelpo tsalmatsalkhan yang khyentang chikchigi chnolukspoa inzerkhanunla chnesluks gatsuga ba nyaned ? 45Ngas Ati der khyentika snyad bok ma samshik, khyentika snyadbakhanpo yod : (do) khyentes rdyangma jaqskhan Moshe in. 46Chiazerbana, taqdir khyentang Moshea chhespin na ngâ-ang chhesukpa, chiazerbana khos ngi luksiang zbrised. 47Amma, taqdir khyentang khoe zbris-khanunla machnesna, ngi tamunla khyentang gatsuga chhesuk ?
Currently Selected:
Yoannesi Phrinzangpo V.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève