Yoannesi Phrinzangpo XX.
XX.
1Ni, rdunchigi snani jaqa Magdalenpa Mariam mâ motuk od majukspa durkhangpeka yongs, yang hyamangs durkhangpekana nuren thong. 2Dekana kho Simon-Petros nang Yeshus-rchespa-base-yodkhan-de-lzadrulbakhanpoe der rgyugen songs yang khonga zes : Khongis durkhangpoeangna Ashipa phingse khyersed, yang gar jaqsed zere ngantanga rshtaḵẖspa med. 3Dekana Petros nang e lzadrulbakhanpo phyistâ bings yang durkhangpoe shitiwa hlebs. 4Ni, khong nyisko nyambo-nyambo rgyuks, yang Petros basang e-lzadrulbakhanpo shoqsmo rgyuks yang durkhangpeka snanla hlebs. 5Yang khos zguse ltana shirasun jaqse yodpao khoa thong, do in nâng kho nang ngoltek masong. 6Dokana khoe jukpona Simon Petros hlebs yang durkhangpe nang ngoltek song yang shirasun jaqse yodpao khoa thong. 7Yang khoe goa chingse yodkhan laqphyispo shirasun na nyambo doba-sang ltabso sosoa yang malsa chiga jaqse yodpao (khoa thong). 8Dekana dur-khangpeka snanla hlebse yodkhan de lzadrulbakhanpoang nang ngoltek song; yang khoa thong, yang kho chhes. 9Chiazerbana kho nongskhanuniangna chhadkhika some langsha in zere zbrise yodkhanpo khonga darang rshtaḵẖspa medpin. 10Dekana lzadrulbakhanun yang loqsc rang sosoe (khangmâ) song. 11Amma, Mariam durkhangpe shitia phyistâ langse nguin duks Dekana nguin yodtsana durkhangpeang zgus. 12Yang nang ngoltek ltana Yeshui rgo snyale jaqseka karpo goncha gonskhan skopa nyis, chikchikpo goe ngospoa yang chikpo kangmi ngospoa dukse yodpao khoa thong. 13Yang khongis Mariama zes : La bomo, khyerang chia nguid ? De bomos khonga zes : Ngi Ashipao lene khyespi phya nguid, yang ngâ kho gar jaqspao rshtaḵẖspa med. 14Diun zerena kho rgyaba loq yang Yeshu langse yodpao de bomoa thong, yang diu Yeshu inmao khoa ngozin masong. 15Yeshus khoa mols : La bomo, khyerang chia nguid ? Khyeres su tsaled ? Khos do thsasgyedkhanpo in samse khoa zes : Kasa kaka, taqdir yeres kho dikana lene khyersodna yeros kho gar jaqsed zere ngâ molba zadang yang ngas kho khyoruk. 16Yeshus khoa mols : Mariam! De bomo rgyalba loqsena khoa jus : Rabbuni! -chizesna : Kasa ngi ltsabkhan. 17Yeshus bomoa mols : ngâ thamse majoq, chiazerbana nga darang ngi Ati der gyenla songma med; amma ngi phonouni der song yang khonga (diu) zer : Nga ngi Atao nang khyenti Atao, yang ngi Ashipa nang khyenti Ashipi der gyenla chhed. 18Magdalenpa Mariam yongse khoranga Ashipa thongsed, yang khos khoranga diao molsed zere lzadrulbakhanunla phrin phrod chuks. 19Dekana rdunchigi snanma jaq inkhan de jaqi rgongstsana Yuda-yaspaunla jikse zgoun chukse yodtsana lzadrulbakhanun damse yodkhan malseka Yeshu skyode rshkilla langs yang khonga mols : Khyentang zomluksiang dukshik! 20Yang khos diun molena khuri laqpaun nang khuri rtsimao khonga stans; dekana lzadrulbakhanunla ashipa thongmana mangmo thad. 21Dskana Yeshus khonga yang mols : Khyentang zomluksiang dukshik. Ataos nga tangspana tsoḵẖspo, ngasang khyentang tanged. 22Yang diu molena khos khongika phu bas. Yang khonga mols : Rtsangma Semspo ashi bashik! 23Khyentes mana sui nyespaunla skyonzod basna khonga skyonzod chhed. Khyentes nyespaun lusshukkhanuni nyespaun lused. 24Amma de chunyispeangna chikchik Didimos zerkhan Thomas Yeshu khongi der skyodtsana khong na nyambo medpinsuk. 25Dekana e lzadrulbakhanunis khoa zes : Ngachâ Ashipa thongsed; amma khos khonga zes : Khoe laqpauniang pered tangsaun thongse mene yang ngas pered tangsauniang ngari zugu tangse mene, yang ngari laqpao khoe rtsimeang tangse mene nga mana michhes. 26Yang jaqma rgyadi jukna lzadrulbakhanun yang nang ngosltek yodpin, yang Tho-masang khongna nyambo (yodpin); zgoun chukse yoden Yeshu skyods yang khongi rshkilla langsena mols : Khyentang zomluksiang dukshik. 27Ni, khos Thomas-la mols : Khyeri zugu dir khyongse, ngi laqpaunla ltos; yang khyeri laqpa khyongse ngi rtsimeang tong; yang chhesluks mibakhan maduk, dobasang chhesluks bakhan (duk). 28Thomasis tamlaniang khoa jus : Kasa ngi ashipa, Kasa ngi Rshnancho! 29Yeshus khoa mols : Khyeres na nga thongsena chhesluks bas; mana mathongma chhesluks bakhanunla rgyalba in.
30Di shoqbiang mazbriskhan yang rshtaḵẖsnaun mangmo Yeshus lzadrulbakhanun yoden stanma zads. 31Amma, Yeshu Ashipi Rshras Masihyu inmawa khyentang chhespi mingna, yang chhese khoe mingika sonluks thobi mingna diun zbriskhan in.
Currently Selected:
Yoannesi Phrinzangpo XX.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève