Yoannesi Phrinzangpo XXI.
XXI.
1Diuni jukna. Yeshus Tiberiasi thsoeka khorang lzadrulbakhanunla yang thongchuks. Ni, ditsuga khores (khorang) ngonchuks: 2Simon Petros nang Didimos zerkhan Thomas nang Galilaiasi Kanapa Nathanael nang Zebedaiaspi nyisko yang Yeshui lzadrulbakhanuniangna yang mingga nyis der nyambo yodpin. 3Simon Petrosis khonga zes : Nga nyalingsla chhed, khongis khoa zes : Ngachâng khyerang na nyambo yonged. Khong bings. Yang nayoeang juks, yang de thsanla khonga chang mathobs. 4Ni, sngamoa od juksena Yeshu chhuzurpeka langse juks, do iri nâng lzadrulbakhanunla kho Yeshu inmao ngozin masong. 5Dekana Yeshus khonga mols : Wa phrun! Khyonti der zacha kaṯo yoda ? Khongis tamlaniang jus : (Kasa), chang minduk. 6Ni, khos khonga mols : Dolpo nayoe trang-ljongspoa tangshik! Yang khyentanga thobtuk. Dekana khongis dolpo tangs, yang nya mangmo yongse thene phingma manyan. 7Dekana Yeshus rchespa base yodkhan de lzadrulbakhanpos Petrosla zes : Diuna Ashipa insuk. Ni, Simon-Petrosla diu Ashipa inmao thsorbana, khos khuri katoti gonchao skyedpawa chings, chiazerbana kho qanjarla yodpin, yang thsooang chhongs. 8Ni thsuntse nayoeang yodkhan e lzadrulbakhanun nya yodkhan dolpo thenen yongs chiazerbana khong thsozurikana thaqringa medpin dobasang khru nibgyatsega yodpin. 9Dekana khong chhuzurika babspana khonga solbi me jaqse yodpao yang deka chaqtse nyek kale yodpao yang takik (yodpao) thong. 10Yeshus khonga mols : Khyentes dare zunskhan nyauniangna khachik khyongshik. 11Simon Petros song, yang chhô nya rgya nang qabchu nang sum gangse yodkhan dolpo chhuzurla thone khyongs. Yang deang nya mangmo yod (nâng) dolpo machhads. 12Yeshus khonga mols : Yongshik zacha zashik; amma lzadrulbakhanuniangna sua yorang su in zere khoa tria ma khyud, chiazerbana khonga kho Ashipa khorang inmao rshtaḵẖspa songmin. 13Dekana Yeshu slyods, yang ṯakiu lenena khonga sals yang dia tsoḵẖs baso nyawang sals. 14Yeshu shimiuniangna sono langsena khores khorang lzadrulbakhanunla ngon chukse diana sumrimi respo inmin. 15Dekana khongis zacha zosena Yeshus Simon-Petrosla mols : Wa Yonapa Simonl Diuri basang khyores nga mangmo rchespa beda ? Khos khoa jus : Kasa Ashipa ngas bed, ngas yerang rchespa bao yeranga rshtaḵẖspa yod; khos khoa mols : khyeres ngi lugun thsos. 16Nyisi rcsika khos khoa yang mols : Wa Yonapa Simon, khyeres nga rchespa beda ? Khos khoa jus : Kasa Ashipa ngas bed, ngâ yerang rchespa tsorbao yeranga rshtaḵẖspa yod. Khos khoa mols : Ngi noruni lurdzi bos. 17Khos sumi resika khoa mols : Wa Yonapa Simon khyeres nga rchespa beda ? Ni, sumi resika khyeres nga rchespa beda zere khoranga molbana Petrosi snyingpo qoltochan songse khos jus : Kasa Ashipa, yeranga saq shesed; ngas yerang rchespa bao yeranga rshtaḵẖspa yod. Yeshus khoa mols : Ni, ngi luwaqun sos. 18Chnadkhika, chhadkhika, ngas khyeranga zered, khyerang naso thsuntse yodtsana rang-rangi skyeraqspo chingspin yang khyeranga drulsnyi yodseka druledpin; amma, khyerang chnimi songsena khyeres khyeri laqpaun rshkyangnuk yang yangchikchigis khyeranga skyeraqs chingnuk, khyerang chhasnyi medseka khyeruk. 19Ni, khos kho gatsuk shî luks shina Ashipi chhezbrelpo ngonchuktuk zere, diunika hagochuks. Yang diu molena khos khoa mols : Ngi lzâ yong. 20Petrosis loqse ltana, Yeshus rchespa base yodkhan rgongzan zatsana khoe brangpo na kane dukskhan yang Kasa Ashipa yerang zunchukkhan su in zere triskhan de lzadrulbakhanpo rgyabpona yongmao khoa thong. 21Petrosla kho thongmana Yeshua jus : Kasa Ashipa, ni diua chi chhok ? 22Yeshus khoa mols : Taqdir kho nga yongyong thsaqpa luspawa nga thadna, khyeranga chi ? Khyerang ngi lzâ yong. 23Dekana de lzadrulbakhanpo shia med zere di sperao phonouniang khyed. Do in nâng Yeshus kho shicha men ma molspin dobasang: Kho, nga yongyong thsaqpa luspawa nga thadna khyeranga chi ? (zere molspin).
24Diuni rshpangpo tangkhan yang diun zbrikhan lzadrulbakhanpo diao in; yang khoe rshpangpo mantaḵẖs inmao ngachâ rshtaḵẖspa yod. 25Ni, Yeshus baskhan yangang (las) mangmo yod. Taqdir doun rere nang rere base zbrispin na, zbriskhan shoqbûn miyulpeang mishong zere ngas samed.
[A M E N]
(Yoannesi Laqkhas Phrinzang)
Currently Selected:
Yoannesi Phrinzangpo XXI.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève