Yoannesi Phrinzangpo XIV.
XIV.
1Khyenti snyinga doḵẖs ma doḵẖshik khyentes Ashipika chhesluks bed; ngikâng chhesluks bashik. 2Ngi Ati khangmeang duksa mangmo yod; medna ngas khyentanga zerukpa; chiazerbana ngas khyentanga malsa chetaq ba chhed. 3Yang taqdir nga songse khyenti phya malsa chetaq basna nga yang loqse yonged yang khyentangang nga yodseka dukpa ngas khyentang ḏonpo bok. 4Yang nga chhasao khyentanga rshtaḵẖspa yod, yang khyentanga lampo shesed. 5Thomasis khoa jus : Kasa Ashipa, yerang skyodsao ngachâ rshtaḵẖspa med; yang nga-châ lampo gatsuga shesuk ? 6Yeshus khoa mols : Lampo nang Mantaḵẖspo nang Sonlukspo Nga in; nga base mene Ati shitia suang hlebamed. 7Taqdir khyentanga nga ngozin songmin na khyentanga ngi Atawang ngozin chnokpa darena khyentanga kho shesed; yang khyentanga kho thongsed. 8Philipposis Khoa jus : Kasa Ashipa, atâ ngachâ stanma zadang yang ngachâ dyao driktuk. 9Yeshus Khoa mols : Wa Philippos nga diatsek namza khyentang nanyambo duksena khyentanga nga ngozin masonga ? Nga thongskhanpoa Atao thongskhan in; yang khyeres ngachâ Atao ston chia zered ? 10Nga Atiang yang Ata ngiang yodpa-wa khyerang chhespa meda ? Ngas khyentanga zeskhan tamun ngariangna zeskhan men dobasang ngiang yodkhan Atao Khores lasun ba zaded. 11Nga Atiang yang Atao ngiang yodpawa chhes, do medna, lasun khonti phya ngika chhesang chhoshik! 12Chhadkhika, chhadkhika ngas khyentanga zered : Ngika chhesluks baskhanpo ngas be lasunang bok, yong khos diun basang chhô lasun bok, chia-zerbana nga Ati der chhed. 13Yang Ati chhezbrelpo Rshrasiang ngonmi mingna khyentes ngi mingika mana chi jusna, ngas do chhachuktuk. 14Taqdir khyen-tes ngi mingika mana chi jusna ngas do chhachuktuk. 15Taqdir Khyentes nga rchespa bedna ngas skalskhanun bashik. 16Yang ngas Atawa juik yang khos rshtane khyentang na drese dukpa yang yato bakhanchik, 17Mantaḵẖsi Semspo khyentanga saluk. Kho miyulpo ḏonpo ba nyanma med, chiazerbana (miyulpoa) hana do thongma med hana ngozin ba med; amma khyentanga kho ngozin yod, chiazerbana kho khyentang nanyambo duged, yang khyentiangnuk dukcha in. 18Ngas Khyentang totse base miphang nga khyenti der yongen yod. 19Darang gyerchina miyulpoa nga yang thongma med, amma khyentanga nga thonged, chiazerbana nga sone yod, yang khyentang sone dukcha in. 20Nga ngari Atiang yodchao yang khyentang ngiang yodchao yang nga khyentiang yodchao, dejaqa khyentanga shesuk. 21Sui der ngi skalskhanun yodna yang dounika basna Kho nga rchespa base in; ni nga rchespa bakhanpo ngi ataos rchespa bok; yang ngas kho rchespa bok, yang ngas ngarang khoa ngonchuktuk. 22Iskariotpa menkhan e Yudasis khoa jus : Kasa Ashipa, diu chi song ? Yeres yerang ngachâ ngoncha yod amma miyulpoa (ngoncha) med moled ? 23Yeshus tamlan sale khoa mols : Taqdir sus nga rchespa basna khos ngi tampo bok, yang ngi Ataos kho rchespa bok, yang ngacha khoe der yongnuk yang kho na nyambo brangsa rchocha in. 24Nga rchespa mabakhanpos ngi speraun jaqpamed; yang khyontanga thsorkhan sperao ngi men dobasang nga tangskhan Ati (molskhanun) in. 25Ngas diun nga khyentang nanyambo yodtsana khyentanga ses. 26Amma, yato bakhanpo, Atas ngi mingika tangcha, yodkhan Rtsangma Semspo khores khyentanga jung ltsabtuk, yang ngas khyentanga zeskhanun jung khyentanga itu phingnuk. 27Ngas khyentanga zomluks jaqed; ngari zomlukspo ngas khyentanga tanged; miyulpos tangma na tsoḵẖspo ngas khyentanga tangma med. Khyenti snyinga ḵẖolṯo chha machuks yang jiks machuk. 28Ngas khyentanga : nga chhed, yang khyenti der yang loqse yonged zespao khyentanga thsorsed; taqdir khyentes nga rchespa baspin na nga Ati der chhen yod zerbawa khyentang thadukpa chiazerbana Ata nga basang chho in. 29Yang diu malla hlebsena khyentang chhesuk zere ngas dare diu chhao basang snanla khyentanga zersed. 30Ngas diu nang eltek khyentang na mangmo spera mitang chiazerbana di miyulpoe gowao yonged; yang khoa nga na dreshik med. 31Amma ngas Atawa rged yang Ataos ngâ skalspao na zomse (ngas bed) zere miyulpoa rshtaḵẖspa chhe mingna ngas do bod. Langshik, dikhna dongshik.
Currently Selected:
Yoannesi Phrinzangpo XIV.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève