Yoannesi Phrinzangpo XV.
XV.
1Mantaḵẖsi rguni laqthsukspo nga in, yang ngi Atao gyedkhanpo in. 2Ngiang yodkhan khazas makhurkhan rguni lchugûn khos jure phanged; yang phalu khurkhanpo phalu mangmo khurbi phya khos rshtubed. 3Ngas khyentanga zeskhan speraos base khyentang dare daqsed. 4Khyentang ngiang dukshik yang nga khyentiang (dukchukshik). Rguni lchugu rguni laqthsuksika rshtane luse mene khoranga khazas khurba minyanma tsoḵẖspo, khyehtanga taqdir ngiang rshtane maduksna khazas khurba minyan. 5Rguni laqthsukspo nga in, khyen-tang lchugûn (in); su ngiang yang nga khooang rshtane yodna khoa phalu mangmo khuruk; chiazerbana ngana barbese dukse khyentanga chang ba minyan. 6Suang ngiang rshtane dukse mene Ichugu na tsoḵẖs base rshtubse phanged, yang skam-sed; yang khongis doun zdamsena meang phanged. Yang do thsiged. 7Taqdir khyentang ngiang duksna yang ngi speraun khyentiang duksna khyentanga rgospao khyentes rtsoduk yang diu khyentanga chhok. 8Khyentanga khazas mangmo khurbaos base ngi Ati chhezbrelpo ngoned, yang ngâ khyentang lzadrulbakhan chhok. 9Ataos nga rchespa baspana tsoḵẖspo, ngasang khyentang rchespa bas; khyentang ngi rgaluksiang dukshik. 10Ngas ngi Atas molskhanunika drule yang khuri rgaluksiang dukspana tsoḵẖspo khyentang taqdir ngas skalskhanunika drulsna ngi rgaluksiang rshtanpo dukcha in. 11Ngi rgamo khyentiang dukpi mingna yang khyenti rgamo gangrgya chhe mingna ngas diun khyentanga zes. 12Ngi skalskhanpo diu in: Ngas khyentand rchespa baspao na tsoḵẖspo, khyentesang khyentang chikchik rchespa bashik. 13Rangi stroqpo, rangi rgakhanuni phya stongshukpao basang yang chho rgalukshik sua med. 14Taqdir khyentes ngas khyentanga skalskhanun basna khyentang ngi rgakhanun in. 15Diu na eltek ngas khyentanga tson mi zer chiazerbana tsonpoa khuri ashipas bachao rshtaḵẖspa med; dobasang ngas khyentanga rgakhan zered, chia-zerbana ngâ ngari Atikana thsorkhanun jung khyentanga gochuksed. 16Khyen-tes nga mardams dobasang khyentang songse yang phalu khure yang khyenti pha-lu lusuk zere khyentes Atawa ngi mingika rtsodskhanpo khos khyentanga salbi mingna ngas khyentang rdams yang rshtanchuks. 17Ngas khyentanga diun khyentang chikchik rchespa bashik zere skaled. 18Taqdir miyulpoa khyen-tang rtsoqpo thsorna khyentang basang snanla nga rtsoqpo thsorspao khyentanga shesed, 19Taqdir khyentang miyuli inminna miyulpos khuri inkhanunla rgokpa; amma khyentang miyuli menmana dobasang ngas khyentang miyulpeangna rdamspi phya miyulpoa khyentang rtsoqpo shesed. 20Ngas khyentanga zeskhan tampo khyentes itu jaqshik. Tsonpo rangi ashipa basang chhô men. Taqdir khongis ngâ naḵẖs stansedna khongis khyentanga-ang naḵẖs stanuk. Taqdir khongis ngi sperao basna khongis khyentiang bok. 21Amma, khongis ngi mingpoo phya khyentanga diun saq bok, chiazerbana khonga nga tangskhanpo shespamed. 22Taqdir nga mayongspin na, yang khonga chang gomachukspin na khongika nyespa medpinma; amma dare khongi nyespawa khonga chang snyedchik med. 23Nga rtsoqpo thsorkhanpoa ngi Atâ-ang rtsoqpo thsored. 24Taqdir ngas khongi bariang yang susang mabaskhan lasun mabas pinna khonga nyespa medpapa, amma dare nyiska khonga thongang thong yang nga nang ngi Atao nyiskao rtsoqpo thsor. 25Amma khongi khakhrimspeang zbrise yodkhan sperao chhok zere khonga nga tonmedla rtsoqpo thsor. 26Amma ngas Ati rolna khyenti der tangcha yodkhan Yatobakhanpo Atiangna bingkhan mantaḵẖsi Semspo yongmana khos ngi rshmangeang rshpangpo tangnuk. 27Yang khyentesang ngi rshpangpo tanged chiazerbana khyentang mana chisna na nga na nyambo yod.
Currently Selected:
Yoannesi Phrinzangpo XV.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève