Yoannesi Phrinzangpo XIII.
XIII.
1Ni Pesaqi Rgamos basang snanla Yeshua, khorang di miyulpoangna Ati der chhe thô hlebsed zere rshtaḵẖspa yodpana, khos miyulpeang yodkhan khuri rangun rchospa base chi juk thsaqpa khong rchespa bas. 2Ni, rgonzan zatsana nganpaos mana snanlana Iskariotpi Simonpa Yudasi snyingpeang, Yeshu zun chuktuk samchuks. 3Yoshua Ataos jung khuri laqa rshtadspao yang khorang Ashipiangna yongspao yang Ashipi der chnachao shespana, 4kho sangma done jangsena Khoe gonchao phudpa zads, yang laqphyishik rshnamsena skyodpawa chingma zads. 5De jukna khos khrui snodpoang chhu hlukpa zads, yang lzadrulbalkhanuni kangmaun khrua ryaḵẖs; yang skyedpawa chingse yodkhan laqphyispo na phyia ryaḵẖs. 6Dekana kho Simon Petrosi der skyods, yang khos khoa jus: Kasa ashipa, yeres ngi kangmaun chia khrua zaded ? 7Yeshus tamlan sale khoa mols : Ngas bao dare khyeranga rshtaḵẖspa med, amma diu nang oltek khyeranga rshtaḵẖspa chhok. 8Petrosis khoa jus : yeranga ngi kangmaun mana khrua minyan. Yeshus khoa tamlaniang mols : Ngas khyorang khruse mone khyeranga ngiang mana drespa minyan. 9Simon Potrosis khoa jus : Kasa ashipa, ngi kangmaun tsa men, dobasang ngi laqpa nang goang (khrua zadang). 10Yeshus khoa mols : Chhurlyal tangskhanpoa kangmaun tsa mone yang chang khrua rgospa med, dobasang kho rtsangma rtsangdaq in yang khyentang rtsangma rtsangdaq in, amma jung mon. 11Chiazerbana khorang zunchukkhanpo khoa ngozin yodpin; di phya khos khyentang saq rtsangma men zere mols. 12Dekana khos khongi kangmaun khrusena yang khuri gonchao gonena yang sangma donma skyodena khonga mols: Ngas khyontanga baskhanpo khyentanga rshtaḵẖspa songa ? 13Khyentes nga ashipao nang ltsabkhanpo in zered; yang khyentes rgyala zered chiazerbana nga in. 14Taqdir ngas ashipa nang ltsabkhan inen khyenti kangmaun khrusna khyentangang khyentang chikchigi kangmaun khrua rgosed. 15Chiazerbana ngas khyentanga baspa tsoḵẖspo khyentesang bashik zere ngas khyentanga rshtaḵẖsna stans. 16Chhadkhika chhadkhika ngas khyentanga zered tsonpo rangi ashipao basang chhô men, yang tangskhanpo rangi tangkhanpo basang chho men. 17Taqdir khyentanga diun rshtaḵẖspa songse doun basna khyentang phrodmo in. 18Ngas khyentang saqi rshmangeang zerba med, ngas rdamskhanun ngaranga rshtaḵẖspa yod, amma zbrise yodkhanpo chhe mingna "Nga na nyambo ṯaki zakhanpos khuri rshtingmao ngâ stans". 19Diu na eltek diu chhao basang snanla nga diao inmawa khyentang chhespi mingna dare ngas khyentanga zered. 20Chhadkhika, chhadkhika, ngas khyentanga zered : Ngas tangcha yodkhanpo ḏonpo bakhanpos nga ḏonpo base in, yang nga ḏonpo bakhanpos nga tangkhanpo ḏonpo base in. 21Yeshus diun molena Khoe stroqpoa doḵẖs yang rshpangpo tangsena mols : Khyen-tiangna chikchigis nga zunchuktuk zere chhadkhika, chhadkhika ngas khyentanga zered. 22Dekana khos sui rshmangeang molbao rshtaḵẖspa machha lzadrulbakhanunis khontang chikchiga ltas. 23Ni, zachâ za duktsana Yeshui Izadrulbakhanuniangna khores rchospa base yodkhanpo Yeshui phangmeang dukse yodpin. 24Dekana Simon Petrosis khoa khos diu sui rshmangeang molspin zere khoa trî mingna laqrda bas. 25Ni, khos Yeshui brang na kane dukse khoa jus : Kasa ashipa, Kho su in ? 26Yeshus tamlaniang mols : Ngas minḏu zbangse tangkhanpo kho in. Ni, khos minḏu zbangsena Iskariotpa Simonpi Yudas la sals. 27De minḏu (zose) jukna nganpao khoeang juks. Dekana Yeshus khoa mols : Khyeres bacha yodkhanpo rtsomse bos! 28Amma, zacha zen yodkhanuni-angna khos diu Khoa chia molspao sua rshtaḵẖspa masong. 29Chiazerbana khachigis Yudasi der Komaqspo yodpana Yeshus ngachâ rgamoe jaqi phya rgosha yodkhanun nyos hana nyalbachanunla zaspashik tong moled sams. 30Dekana kho de minḏu lenena diana bangskhurika phyistâ bingse song. Yang detsana thsan yodpin. 31Dekana kho phyistâ bingse songsena Yeshus mols : Dare Mi-i Buthsao chhezbreliang ngonsed. Yang khoeangnuk Ashipi chhezbrelpoang ngons. 32Taqdir. Ashipi chhezbrelpo Khoeang ngonmin na Ashipa khores kho chhezbreliang ngonchuktuk yang kho mana gyoqspa chhezbreliang ngonchuktuk. 33Wahonik phrun, nga darang gyerchik khyentang na nyambo yod; khyentes nga tsaluk, yang ngas Yudayaspaunla nga chhe malseka khyentang yongma minyan zere zespa tsoḵẖspo ngas dare khyentangâng zered. 34Ngas khyentanga khyentes khyentang chikchik rchespa bashik zere soma skaled, ngas khyentang rchespa baspa tsoḵẖspo khyentesang khyentang chikchik rchespa bashik. 35Taqdir khyentes khyenti bariang rgaluks taqsna ni khyentang ngi lzadrulbakhan in zere saqa rshtaḵẖspa chhok. 36Simon Petrosis khoa jus : Kasa Ashipa, Yerang gar skyoded ? Yeshus khoa tamlaniang mols : Nga chhaseka khyerang dare ngi lzâ yongma nyancha med, amma jukna khyerang ngi lzâ yongnuk. 37Petrosis khoa jus : Kasa Ashipa, ngâ dare Yeri lzâ chia yongma nyanmamed ? Ngas ngari stroqpo yeri phya tangnuk. 38Yeshus khoa tamlaniang mols ; Khyeres Khyeri stroqpo ngi phya tangnuga ? Chhadkhika, chnadkhika ngas khyeranga zered : Khyeres tser sum ngâ men zerzer thsaqpa bya mana mibos.
Currently Selected:
Yoannesi Phrinzangpo XIII.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève