Narpa Phingchaun XXIII.
XXIII.
1Ni, Pauloris Sanhedrinpeka rgyala base ltasona zes: Kasa khyoqa phonoun! Ngas diring thsaqpa mâkhadrangika Ashipi dunla thseo rgalchuksed. 2Ni, gowa kohen Ananyasis khoe shitia langse yodkhanunla khoe kheka rdung sere skals. 3Dekana, Paulosis khoa zes ; Wa rtsikar tangskhan rtsikpa! Ashipas khyerang rdungcha chhetaq yod, yang khyerang khakhrims nasomse ngi shaḵẖs phea duksed, yang khakhrimsi loqparpo ngas rdungcha skaleta ? 4Ni, shitiwa langse yodkhanunis khoa zes : Khyeres Ashipi gowa kohenla khartsoq zereda ? 5Zerena Paulosis zes : Kasa phonoun, dyu gowa kohenchik in zere ngâ rshtaḵẖspa medpin, chiazerbana rangi sharbi rgyalchos bakhanpoa khartsoq mazer zere zbrise yod. 6Ni, Paulosla khachik Saddokyapa yang khachik P arisyapa inmao rshtaḵẖspa chhana shaḵẖspheseang kustabse zes : Kasa khyoqa phonoun! Nga Pharisyapek in yang Pharisyapauni thsiriangna in, shiskhanuni sone langshi yang rdyangpoe luksiang ngika rshmang chhen yod. 7Ni, khos dyu zerbana Pharisyapaun nang Saddokyapauniang thabthap song yang mibongsiang po base chaqs. 8Chiazorbana [chhadkhika] Saddokyapaunis hana shise jukna sone langshao michha hana Khamskad khyongskhan hana Sems kaṯo mana yodmed zere zered; amma Pharisyapaunis nyiskoa in zered. 9Ni, ckhopo hiling langs, yang Pharisya pauni ngosna chhos zbrikhan khachik ltsangse ditsuk zeren thabthaq bas: Ngachâ di mi-iangnuk chang rtsoqposk thongmamed; ni, taqdir ga Semshigis hana khamskad khyongkhanis kho na spera tangsedna ni ? Ashipi loqparla thamsmathamshik! 10Ni, spradsprad mangmo chhana rshmaqmi rshmaqponpo Paulos sate phangnuk samse jikse rshmaqmiunla babse kho miuniangna ngadika phingse khariang khyong zere skals. 11Ni, dejaqi thsanla khoe shitia langse skyode mols : [Wa Paulos] khyeranga snyingkhom songshik chiaserbana khyeres ngi luksiang Yerusalemiang chhebji phespao natsoḵẖspo khyeranga Romeangang chhebji phea phoqtuk. 12Ni, nyima sharbana Yudayapauni grabs base Paulos sate mene changang miza yang mithung zere rshanṯe Na bors. 13Ni, di grabsbakhanuni rtsispo jibchu basang those yodpin. 14Khong gowa kohen nang chhimiuni der yongsena zes : Ngachas Paulos sate mene changang lcheka mitang zere rshanṯe sproek phoqshik zere Na borsed. 15Daphya dare khyentes Sanhodrin nanyambo rshmaqmi rshmaqponpos kho [askyea] khoe rshmangeang yodkhanun dobatsek taqpoeka triso ba chhetaq yod zere khyenti der yoqa khyongma khoa junamsi bashik, ni ngacha kho nyemor hlebchao basang snâ kho satpa chhetaq yod. 16Amma Paulosi achê buthsao khongi grabspo gosena, nyemoa yongsena, yang khariang juksena Paulosla spera tangs. 17Ni, Paulosis rshmaqmi rgye gowauniangna chikchiga yong zere khyongse zes : Di khyoqthongpo rshmaqi rshmaqponpoe der khyer, chiazerbana khos khoa dyandek zercha yod. 18Chhadkhika khos kho rshmaqi rshmaqponi der khyere zes ; Kaqse yodkhan Paulosis ngâ yong zere khyongse di khyoqthongpo yeri der khyong zere jus, chiazerbana yeranga dyandek zercha yodlo. 19Ni rshmaqponpos khoe laqpawa thamse yang etsâ khyere tris : Khyeres ngâ chi zercha yod ? 20Ni, khos zes : Yeres Paulosi luksiang dobatsek taqpoeka triso bok eamse Yudayapaunis sngamoa kho chhopo shaḵẖs phe seang khyongmi phya yeranga jui grabs based. 21Amma yeres khongi tampoa manyon, chiazerbana khonguniang mingga jibchu basang those khoa zgukse yod, khongiskho sate mene changang miza mithung zere rshanṯe sproek phoqshik zere Na borsed, yang dare khong chhetaq yod mana yeri chhad bachawa date yod. 22Dekana Rshmaqponis khyoqthongpoa khores khoa zeskhanun yang suga katoa ngonmachuk zere skalena kho chhachuks. 23Yang rshmaqmi rgye gowauniangna nyisla shitiwa yong zere khyongse zes : Rshmaqmi nibgya, rshtapa rdunchu nang neza khurkhan nibgya thsani sumi resi dusthsotika Kesarya chha chhetaq base jaqshik. 24Jaqsena Paulosla jonchi phya byolthsongsunang khyongshik chiazerbana kho Pheliks rgyalchosbakhani der nanmed thsadmed na hlebchukpa rgosha in. 25Di zosta yodkhan shuguik zbrisena : 26Klaudos Lusiasikana snyingchan rgyalchosbakhan Pheliksla ju. 27Di miyu Yudayapaunis zunena yang khongis kho satpa chhetaq yodpana, ngâ kho Romapa inmao rshtaḵẖspa songsena rshmaq nadrese [kho] phute khyongs. 28Khyongsena khongunis khoeka chia snyad tanged zere zerchi di rshmangpo rshtaḵẖspa ba rgospana [kho] khonguni Sanhedriniang khyers. 29Khongunis khonti khakhrimsi tamuni rshmangeang khoeka snyad tangchao rshtaḵẖspa song, amma khoeka satchi yang kaqchi, byormo chhachi snyatchik matangs. 30Nga di mi-i luksiang satchi grabs chhacha [chhetaq] yod zere rshtaḵẖspa chhana ngas kho dyana tho khurika yeri der tangsed yang khoeka zunkhanunla-ang yeri dunla khoeka zunma song zere skalsed, [Yerang skitchan lushik!] 31Dekana chhatkhika, rshmaqmiunis khontang skalskhanpo nazomse, Paulos thsanithsan khyere Antipatridaseang hlebchuks. 32Yang ejaqa rshtapaun Kho nanyambo chhâ jaqse khontang khariang loqse song. 33Khong Kesaryeang hlebse rgyalchosbakhanpoa shugu tangs yang Paulosang khoe dunla ltsangs. 34Ni, [rgyalchosbakhanis] shugu silena yang khoa gari rgyastriti in zere trisena, yang Kilikyeangna inmao rshtaḵẖspa songsena, 35Khoa zes : Khyerika snyad tangkhanun hlebana ngas khyeranga rgyala base rshna bacha in. Zerena kho Herodesi khareang kaqse joq zere skals.
Currently Selected:
Narpa Phingchaun XXIII.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève