Narpa Phingchaun XXIV.
XXIV.
1Ni, jaq qe jukha Anaryas gowa kohen, chhimiun nanyambo yang Tertulos zerkhan sprat khanchik tete der hlebs. Khongis rgyalchosbakhani dunla Paulosika snyati rshmangpo jaqs. 2Ni khoa yong zerbana Tertulosis snyad kale diyu zerba ryaḵẖs: 3Kasa, rgyala Pheliks, yeres base ngacha mana chhams-zgraliang yod yang yeres snanla tangskhan samchaos base di mithsiri phankye phya rtsoqpoun strangsed, nyiska zosta saqika yang malsa saqika, Kasa margyalba Pheliks ngachas mangmo ju ben yeri (shazdeunla) in zered. 4Amma, yeranga obgyal miskyodchukchi mingna yeri shazde songna ngachâ rshna ba zad zere ngas yeranga ju namsi bed. 5Chiazerbana ngachâ dî miyu rtsoqpo(in) yang miyuli Yudayapaun saqeang khrul ltsangkhan(in), ltsangsena Nazaretuni thsoe gowa inkhan thobana, 6Kho chnopo stotkhangpo thsetu bachiang phraluks baskhan, yang ngachas kho zune ngachi khakhrims nazomse khoo shaḵẖs bok sams. 7Amma, Lusyas rshmaqponpo yongse mana ngatika kho ngachi laqpeangna koqse khyers. 8Khoeka snyad bakhanunla yeri der song zere skalena, dekana tsaltsal base nga-chas khoeka snyad tangmi de tamun saq yeranga rshtaḵẖspa ba nyanuk. 9Ni, Yudayapaunisang di snyad tangchiang snyingchik songse di tamun dya tarpo in zere zes. 10Amma rgyalchos bakhanpos Paulosla zer zere laqrda basena khos tamlaniang zes ; Yerang lo mangmo na di mithsirpoe shaḵẖs phekhan in zere ngâ rshtaḵẖspa yod, diphya ngas snyingkhomika ngari rshmangeang yodkhanun shated. 11Yerang rshtaḵẖspa banyanuk, jaq chunyis basang mangmo na masong Yerusalemiang rchorba songse yodpin. 12Yang khongunla hana nga chhopo stotkhangeang suna spratsprat ben mathong, hana miuniang hiling ltsangen mathong, hana Sunagoguniang nuk hana rgyalsauniangnuk, 13hana khongunla dare ngika kalskhan snyatpo yeri dunla ngonchukpa nyanma med. 14Amma yeri dunla ngas diyu salphese zered, ga zostawa khongunis chhosloqs zered dyanao nazomse ngas ngari mezpouni Ashipi jabsthoq bed, yang khakhrims nang khyenluks bakhanuni zbriskhanun saqika ngas chhesluks jaqed. 15Khontesang ashi base yodkhan-peang, khadrangun nang rtsoqpo lasbakhanun nyiskoa shise jukna sone langsha chhok zere Ashipika rdyang jaqed. 16Ni, Ashipi dunla nang miuni (dunla) snyingis base chang phoqmiphoqchukse ngares diangnuk zbyangchasika las ben yod. 17Ni, lo mangmoe jukna nga ngari mithsirpoa snganpaun khyongma yang skal tangma yongs. 18Hana hiling hana mibongshigiang mathong dobasang nga rtsangma songse chhopo stodkhangpeang Asye Yudayapa khachik nanyambo thong. 19Yang khonga ngika chang snyad bachao thsathsa inmana, 20hana nga Sanhedrini dunla langse yodtsana ngiangnuk taqdir khadrangmedpiluks kaṯo thobspina na dyaun khontanga khontes zerchukshik! 21Shiskhanuni sone langshi rshmangeangnuk khyentes base diringi jaqa ngâ shakhsiang phoqse yod zere khonti bariang langse yoden kustabskhan dya skad chikchikpo mene (zerchukshik). 22Ni, diun gosena, lampona dobatsek nyamshan yodpana Pheliksis rshmaqpon Lusyas yongmana khyenti rshmangi shakhs pheok zere zerena, khonguni rshmangsawa jaq phangs. 23Phang-sena rshmaqmi rgye gopawa Paulos kaqsona joq amma yangmo base joq, yang khoe rangi (miun)iangna sus khoe snanga ba [hana khoe dor yongma] chang makhris zere skals. 24Ni, jaq khachigi jukna Pholiks Yudayapamo inkhan rangi ane Drusilla nyambo tete yongs. Paulosla yong zerba tangs yang khoekana Masih [Yeshu]iangnuk chheslukspoe rshmangun go. 25Ni, khos khadrangiluks nang zurluks nang [Yongcha yodkhan] shaḵẖsi sproe rshmang shaden yodtsana Pheliksis droqspa ryaḵẖsen khoa tamlaniang zes : Darena khyerang song, ni nga khomse yod — tsana khyeranga yang yong zore khyongnuk. 26Khoa Paulosikana [rang phute tangchukpa] sera kaṯo thobchi rdyangma-ang yodpin, dephya khoa yangang tser, mangmo yong zere khyongse khona spera tangedpin. 27Amma lonyis rgalena Porkyus Phestos Pheliksi rgomalika yongs; yongsena Pheliks Yudayapaunika rangi trin kalbi phya Paulos kaqkhang khuriang phangso song.
Currently Selected:
Narpa Phingchaun XXIV.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève