Narpa Phingchaun XXII.
XXII.
1Kasa khyoqaun, phonoun nang ataun, dare khyentanga shadchi ngori strungluksi tamunla rshna bashik! 2Ni khonga khos khontanga Heberiskadika zerchao goana thep tek base zede duks. Yang khos zes : 3Nga [mantaḵẖsika] khyoqa Yudayapek in, yang Kilikye Tarsusiang skyeskhan, amma di yuliang Gamalyeli kangmika soskhan, mezpouni khakhrimsi taqpoe shasluks ltsabskhan in. Diringi jaqa khyentang yodpao tsoḵẖs Ashipi lamiang ḏinḏa snying nang stroq tangskhan inmin. 4Ngas miun nang aneun chingse kaqkhangeang tanqse di lampo(paun) shishi thsaqpa doqshukskhan inmin. 5Dyatarika Gowa kohen nang chhimipaun saq ngi rshpangpo yod: Damasqusiang yodkhanunang chingse Yerusalemiang khongika chhadpa khyongchi mingna khongunikana ngas phon uni mingtaḵẖsika shugu thobsena (der) songmin. 6Ni, ngas besa benben Damasqus na nyemor hlebtsana ḏinḏek song: Nyima tro nyemor na dyanatsuga chhopo odchik rshnamikana ngi khridkherla yongse zbrelchan song. 7Songsena nga seka phoq, yang ngâ dyu zerkhan skadpo rshna lama yongs: Wa Saul! Wa Saul! Khyeros nga chia doqshuged ? 8Ni, ngas tamlan ldzoqs: Kasa Ashipa, yerang su in ? Idzoqpana khos ngâ mols : Nga, khyeres doqshukskhan Nazaretpa Yeshu in! 9Ammanqi phropaunla odpo mantaḵẖsika thong [yang jiksangjiks] amma nga na spera tangkhanpoe skadpo mago. 10Ni, ngas jus: Kasa Ashipa ngas chi bok ? Ni, Ashipas nga-a mols ; Langsena Damasqusiang song, yang deka khyeranga khyeres ba rshtanchukskhanun saqi rshmangeang zercha chhok. 11Ni, nga de odpoo chhezbreli phya chang mathongmana ngi phropaunis ngi laqpâ thamsr nga Damasqusiang yongs. 12Ni, Ananyas zerkhanchik khakhrims nazomse rchorkhan khyoqek, (der) dukkhan Yudayapauni shitia rgyala rshpangpo inkhan(chik), 13ngi der yongse yang ngi shitiwa langse ngâ zes : Kasa phono Saul : gyenla ltosang! Yang nga dyana dusthsod khurika gyenla ltaso kho thong. 14Ni, khos zes : Ngachi mezpouni Ashipas Khoe ranlukspo shespa yang khadrangpo khorang thongma yang khoe khe skadpo nyanma khyerang rshtanchuksed. 15Chiazerbana khyerang khoo ngosla miun saqi dunla khyeranga thongskhan yang gokhan saqi rshpangpo chhok. 16Yang dare chia gorchuged ? Langsena Baptisma len yang Ashipi mingpooka kustabse rangi nyes-paun daqchuktuk. 17Ni, ḏinḏek song nga Yerusalemiang loqse yongsena yang nga chhopo stodkhangeang laqpa zunen yodtsana nga ngari sambauniang rchoron 18Kho ngâ dyu molen yodpana thong: Laqor bos yang bang tangse Yerusalemiangna bingso song, chiazerbana khongunis ngi rshmangeang khyeri chhebjiyu lonchamon. 19Yang ngas jus : Kasa Ashipa! Ngas yerika chhesluks ben yodkhanun kaq-chugedpin, yang garere saqi Sunagogeang rdungchugedpin zere khontanga rshtaḵẖspa yod. 20Yang yori rshpangpo Stephanosi khraq photsana nga-ang deka langse yodpin yang [kho sadchawa rane yodpin] yang kho satkhanuni gonchaun strungetpin. 21Yang khos nga-a mols : Song, chiazerbana ngas khyerang janmi mithsir-uni der mana thaqring thaqringa tangcha in. 22Ni, khontang di tamun thsaqpa khoa rshna ben duks, yang kustabse thonmo skadika dyu zos : Dyu tsoqshik sekana medpa songshik! Chiaserbana Kho sono lushao byorba medl 23Zerena Khongunis kri ben yang rangi gonchaun phangen yang sas up yogon yodtsana, 24rshmaqi rshmaqponis kho khariang khyer yang khongunis khoa nirgakhan rchose detsuga chia kri bed zerchao khoranga rshtaḵẖspa chha rshtalchaqs tangse khoa triso bashik zere khonga skals. 25Ni, khongis kho brangthaq na rshkyang-shingika chingtsana Paulosis de shityawa langso yodkhan rshmaqmi rgya gopawa zes : Khyentanga (buthalpoang) ngon ma ngonma Romapa mi chigika rshtalchaqs tangchao dodeda ? 26Ni, rshmaqmi rgye gowao dyu gose rshmaqi rshmaqponi der songsena Kho spera tangsena zes : [ziksang] yeres chi ben yod ? Chiazorbana di miyu Romapa na in. 27Yang rshmaqi rshmaqponpo gyenla yongsena khoa zes : Wa nga-a zer! Khyerang Romapa ina he ? Khos zos : Ona in! 28Zorena rshmaqi rshmaqponis tamlaniang zes : Ngas rshnul mangno lchare Romapa chhachi thempao thobsed. Ni Paulosis zes : Nga na skyeskhan in. 29Dekana khoa triso ba chhetaq yodkhanun dyana tho khurika khoekana etsâ songsena bings yang rshmaqi rshmaqponang khores kho chingspi phya yang dyu Romapa in zore rshtaḵẖspa eongmana jiks. 30Ni, sngamoa Yudayapaunis khoeka chi snyad tanged zerchi de rshkangpo rshtaḵẖspa be sambika khos kho rdosunikana krols. Yang gowa kohen nang [khonti] chhimipauni chhopo khorpo saqa damshik zere skals, yang Paulos yoqa khyongse khonguni bariang ltsangs.
Currently Selected:
Narpa Phingchaun XXII.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève