Narpa Phingchaun XXI.
XXI.
1Ni diyu sonysena ngacha rshkablasika khong na barbese nayoeang jukse bingse lampo strangse Kosiang yongs. Ni, ejaqa Rhodyeang yang derna Pataryeang (yongs). 2Ni, strangso Phenikyâ chhakhan nayo chikchik thobana deang jukse song. 3Ni Kupros miklama thongmana do yonngosla phangse Suryâ song, yang Turosiang babs chiazerbana dor nayoeangna yodkhan thsongun phabcha yodpin. 4Ni, Izadrulbakhanun tsalbana ngacha jaqrdun der duks; khongunis Yerusalemiang kangma matong zere Semsi laqkhas Paulosla zes. 5Amma do jaqun rgalbana ngâcha derna bingse, saq, aneun nang phrûn nadrese ngacha rgyalsi phyista thsaqpa skyale khyongs, yang ngachas rgyamthsoe zurika phuksmo tsukse laqpa zunena khongna bar bes. 6Yang khontang rere saqa jubase ngacha nayoeka bings, yang khong rang rangi (khangmâ) loqse song. 7Ni ngacha Turosna nayoebes thsar chukse Ptolemaisiang hlep, yang phonounla ju basena jaqchikchik khong nanyambo duks. 8Ni, ejaqa ngacha [nang Paulos nanyambo yodkhanun] bingse Kesaryeang yongs; yang de rdunpeaagna inkhan Philippus phrinzang hagochukkhani khangmeang jukse kho nanyambo duks. 9Ni, khoa baqston mabaskhan khyenluks bakhan bumo jbji yodpin. 10Ni, ngacha der jaq mangmo dukpana Agabus zerkhan khyenluks bakhan chikchik Yudayeangna yongs. 11Yang ngachi der yongse Paulosi skyoraqspo lenena rangi laqpaun nang kangmaun chingse zes : Rtsangma Semszangpos ditsuga moled: Di skyeraqs inkhanmiyu Yudayapaunis Yerusalemiang chingnuk yang janmi thsiruni laqa tangcha in. 12Ni, dyu goana ngachas yang deri miunis khoa Yerusalema masong zere junamsi bas. 13Dekana Paulosis tamlaniang zes : Khyontes nguse ngi snying chia thserchuged ? Nga Yerusalemiang Ashipa Yeshui mingika chingcba tsao mon dobasang shichawa-ang chhetaq yod. 14Ni, khos doa in mazerbana nqachas Ashipi ranlukspo gangshik zerena zode duks.
15De jaquni jukna ngachas ngachi besi gyaqstoni khurun base Yerusalema song. 16Ni, Kesaryeang lzadrulbakhanuniangna (khachik) ngacha na nyambo song. Ngacha rangi khangmâ gronpa chhok zere chhimi lzadrulbakhan Mnasonchik Kuprospak nyambo khyongs. 17Ni, ngacha Yerusalemiang hlebana phonoun mana thadkhika ngacha na thuk. 18Ni, ejaqa Paulos ngacha nanyambo Yakobosi deang song, songsena chhimiun saq deka dams. 19Yang khos khonga ju basena Ashipas khoa jabsthoqpoeka janmi thsiruniang baskhanun rere nang rere saq salphese shads. 20Ni khongis dyu gosena [Ashipa] Rshnamchoe stodkha bas, ni khoe zes : Kasa phonoun, Yudayapauniang stongstongis chhesluks based, yang khong saqis khakhrimsiluksiang snying tangse snanga bed zere khyeranga thonged. 21Ni, khyeres janmi mithsiruniang dukkhan Yudayapaunla dyu zere Moshêkana eltek loqchi phya zered, hana rangi buthsaun "khridkhorpo rshtub marshtubshik hana khrims-unika madrul zered zere khongunla khyeri luksiang dyu ltsabse yod. 22Dekana dyao chi insuk ? Mibongspo [chhadkhika nyambo dusha in] chiazerbana khyerang yongsed zero gok. 23Dephya ngachas khyeranga zerkhanpo khyeres bos: Ngachi der trinkhurkhan mingga jbji yod. 24Doun tede rang khong nanyambo rtsangma bos yang khongis go braqtuk sero khongi phya rdzashik skyoq. Dekana khongunla khyeri luksiung ltsabskhan tamun saqi chang smeangchik med zore khongun saqa rshtaḵẖspa chhok, dobasang rangisang khakhrimsla tamnyan base khadrangika druled. 25Amma mithsiruniangna chhesluks bakhanuni luksiang ngachas di thaq chade, khong dyauni yoqpeang madukna thsad dobasang khongunis sku-uni skali shokana yanq khraq nang ṯuṯu zdamso sadskhan byolthsongsunikana nang rtsoqpo lasunikana rang strungse jaqshik zero zbrisedpin. 26Dekana Paulosis e miun tete ejaqa rang nanyambo rtsangma baso rtsangma jaqi gangrgyeluks stanrai phya khontiangna gareve saqi skal tangma rgosuk zere chhopo stodkhangeang juks. 27Amma de jaq rdunpo gangma chhetaq yodtsana Asye Yudayapaunla kho chhopo stodkhangeang thongse miun saqiang hiling ltsangs, yang ditsuga kri ben dukse kho zuns. 28Wahunik Israelpaun! Yatoa yongshik! Dyu gamalsa saqika sharbawa nang khakhrims nang di malsi luksiang loqparla ltsabkhan miyu in. Inmana dyubasang Khos Hellenpaunang chnopo stodkhanga-ang khyongse di Rtsangma malsao thseṯu based. 29Chiazorbana khongunla dyu basang snanla Trophimus Ephesyapa kho na nyambo rgyalsiang thongsedpin. Paulosis kho chhopo stodkhangeang tedo yongskhan rchoso khoe rshmangeang khonga samba song. 30Chhana rgyalsa gangmeang hiling langs yang miun rgyukse dus yang Paulos zunena chhopo stodkhangeangna phyistâ khyongse phings yang dyana tho khurika zgoun chuks. 31Chuksena khongunis kho satuk tsalbana ni gyenla rshmaqi gowauni gowi der Yerusalem gangmiang khrul langsed zere khamskad hlep. 32Kho dyana tho khurika rshmaqi miun nang rshmaqmi gowaun tede khonguni deka yoqa rgyugen yongs, ni khongunis rshmaqi gowaun nang rshmaqi miun thongsena Paulosika rdungma thsads. 33Dekana rshmaqi gowaos nyemor yongse kho zuns, yang kho lchaqthur nyis na chingma skals, yang kho su insuk zere tris yang khos chi basedpin zere (tris). 34Trisena mibongsiangna khachigis din-dek zes yang khachigis dyandek zes, ni hiling mangmo songspi phya khoa rshmangpo chang chhadkha ba manyanmana khos kho khariang khyer zere skals. 35Ni themskaunika hlebana mibongsi khruli phulphulis base rshmaqi miunla kho thyaqse khyerba phoqspin. 36Chiazerbana sharbauni mibongspos Khyer! Kho Khyer! zere kri ben lza-a yongen yodpinsuk. 37Yodpana Paulosis khari nanggospeang khyerba chhotaq yodtsana rshmaqi gowauni gowâ zered: Ngâ yeranga dyandek zerba nyanuga ? Ni khos zes : Khyeranga Helleniskad sheseda ? 38Chi, khyerang di jaqun basang snâ khrul ltsangskhan yang byathangeangnuk misadkhanuniangna mingga stong jbji khyerkhan Eguptospao mena ha ? 39Ni, Paulosis zes : Mantaḵẖsika nga Kilikyae ngonkhah rgyalsa Tarsusirgyalsapi khyud yodkhan Yudayapa mik in (ju)! Ni, ngas yeranga ju namzi bed, ngâ ngas sharbaunla spera tangchukpa zad. 40Ni, khoa spera tangchukpana Paulosis themskaunika langse dukse sharba-a laqpana laqrda bas; ni saq ṯek songsena khoa khonga dyu zeren Heberiskadika spera tangs.
Currently Selected:
Narpa Phingchaun XXI.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève