Hosea 9
9
1Isreěl‐O! ò peyake, o pělě ya upeyo, pani‐ka betomba; jambojana o vovindi oviya o Anyambě ’âvě A jadi, o tândângo ibâmâ o nděk‐ya‐poti yěhě.
2Nděk‐e‐tudakudwě na ibabo‐jaivě beà jedě bâ, na ivě ja kya i ka yonyi mâ.
3Bà diye o ehe ya Jěhova; ndi Ifreim a ka timbandi o Ijipt, na ba ka jandi beja bea sěkě o Asiria.
4Bà hove pě benambo bea ivě o Jěhova A jadi, na beâ‐beà tândidě Mâ; meambo meabu me ka diyand‘ o bâ‐ba jadi ona eja ya bayimbembe; ba jakě yâ běhěpi ba ka diyi bevango; jambojana eja ’abu e ya uhahayi ’muabu; yà ngiye o ndabo ya Jěhova.
5O ka ha li na, na o buhwa bwa ikindaně ja eleliya, na o buhwa bwa isango ja Jěhova?
6Jambojana, umbwakiyate, ba věngěmindi oviya o ujilo, ndi Ijipt a ka yolěte bâ, Měmphis a ka tongi bâ; belombo beabu beyamu bea hika‐’tano, ngâbâkâbâ i ka nivi beâ: mbângě i ka diyand‘ o behapala beabu.
7Hwi ja malumba i pândi, hwi ja etimbě‐masango i pândi; Isreěl a ka yowěte yâ: usâki u te etiketike, moto a di na ilina a potuwendi, jambojana bwinge bwa ibevě jâvě, na ikabojana bweka bo nd‘ o kena.
8Ifreim a diyakite upepuwi ta na Anyambě ’amě; o pělě ya usâki, ilambo ja ulambi i nd‘ o njeya jaju jěhěpi, na bweka o ndabo ya Anyambě ’aju.
9Ba bâděndi nyolo jabu na‐ngudi, ona o hwi ja Gibia: A ka yongiděte ibevě jabu, A ka lumbiyate mabe mabu.
10Mbi duwete Isreěl pani‐ka bebuma‐bea‐ivě o nginga; Mbi yěnite bahangwě banyu ona be‐takě‐na‐o‐veya o ele ya fig o ’ped‘ ’aju ya bohoboho: ndi ba vakindi o Bealpeor, na himaka nyolo jabu o elombo ya ihâni, na ba bě mainya pani‐ka eabu e tândâkě yeně.
11O pělě ya Ifreim, ivenda jabu i ka věvěndi pani‐ka inâni: ijadi jà diye, na o ’bě na a ka diyě na mwana, na ikaha jà diye.
12Tombekete ba pulwakidě bana babu, Umba te kabo pelakidě bâ, na wà dikane na moto; e, maguga tepě na bâ o Umb‘‐’i věngěměkě oviya o bâ‐ba jadi!
13Ifreim, pani‐te‐ka Umb‘‐’i yěnidi Taiar, a ndi liywěngo o iboko via iběle; ndi Ifreim a ka pumani bana baju na ’lana o uweyani u jadi.
14Jěhova‐O! věkě bâ; O ka vě lě nde? věkě bâ jemi ja bo‐tombaka, na mabě m‘ ukěbě.
15Bobe bwabu bwěhěpi bo nd‘ o Gilgal; jambojana ovoně nd‘ Umb‘‐’i binaki bâ: ikabojana bobe bwa behadi beabu Mbi ka dumi bâ o ndabo ’amě: Mbà tânde pě bâ; bevolo beabu beěhěpi be bologuwi.
16Ifreim a kokudwěndi, utamba ’muabu u yahindi, bà jaye pě ebuma; e, tombekete ba pulwakidě, Umba te kabo bo‐weyaka ebuma e tândâkwě ya tamb‘ ’abu.
17Anyambě ’amě a ka uhwi bâ, ikabojana ba bu yokakiya Mâ; na bâ‐ba ka diyi balengi o betomba be jadi.
Currently Selected:
Hosea 9: BNG1895
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1895, 1926.
