Hosea 8
8
1Bakakidě heba o udumbu ’muâvě. A vakate banjaniděngo ndabo ya Jěhova ona mbela: ikabojana ba pulidi pang‘ ’amě, na pulaněngo n‘ ikamba jamě.
2Ba ka dakiyi ’Mba, na, Anyambě ’amě! hwě Isreěl ho yowudět‘ Âvě.
3Isreěl a ’hwendi e jadi bwamu; ndoba i ka yongani mâ.
4Ba těděngo mepolo, ndi hanga n‘ Umba; ba hango bevolo, ndi Mbù yowakě yâ; oviya o hik‘ ’abu etano na hik‘ ’abu eveyu nd‘ o bâ‐ba di haděngo megano, ovaně nd‘ o bâ‐ba ka lenwě.
5¶ Semeria‐O!, A uhwěnd‘ evova ’vě; malingwa mamě ma yodi na bâ; e ka diya lě nj‘ ulingo‐ě ba tâmete o kâbidě o a‐ha‐ibě‐n‘-ijaju?
6Jambojana paniyango ekae nd‘ e jadi oviya o Isreěl; ujanji nd‘ u haki yâ, na yâ‐e ’bě Anyambě; e, evova tě ya Semeria e ka bukwi bepuhu.
7Jambojana ba liyakand‘ upupě, ndi ba ka benji ngwěnyi: a ’bě na poti ja těmetěme; metondo meà yěkěme ibângâ; oningě mea yěkěmete nonaně, bangi ba ka miyi jâ.
8Isreěl a miyudwěndi; o kya ’kava ba nd‘ o betomba be jadi ka eva e ha ’bě na mbya omě.
9Jambojana ba valindi o Asiria, pani‐ka buru‐ya‐pindi yâ mětě dipâ: Ifreim a kâlindi batândi.
10E, tombekete ba kâlâ o betomba be jadi, Mbi ka yolěte bâ kya těkaně; na ba yalakě o yěviyě na tina ya jumba ja upolo mua bevolo.
11Ikabojana Ifreim a vuhiděndi âltar ka ha bobe, âltar i diyend‘ o mâ‐a jadi i hanakě bobe.
12Tombekete Mba lěndiyě mâ ikamba jamě o jomu ja tâjeni ja masombiyě, ma langakwěte ka elombo ya bo‐utwakwě.
13O pělě ya menambo mea benambo beamě, ba yambakiyand‘ uhoni, na ba ka jaka mâ; ndi Jěhova À věhělěkidě meâ: o kya ’kava nd‘ o Mâ‐a ka yongidě ibevě jabu, na A lumbiya mabe mabu; ba ka timbandi o Ijipt.
14Jambojana Isreěl a behaliděndi Uveli ’muaju, n‘ a longaka makenga; na Juda a vuhiděndi mamboka ma lungwěngo; ndi Mbi ka lomi veya o mamboka maju, na viâ‐vi ka hinidi makenga ma jad‘ omě.
Currently Selected:
Hosea 8: BNG1895
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1895, 1926.
