Hosea 7
7
1O umb‘‐’i ka yongě Isreěl, vâkâna ibeva ja Ifreim i saliyendi, na bobe bwa Semeria; jambojana ba haki boloba; na mwibi u ngakiya omě, na ndumba ya bapatwani e kinaka o bwebwe.
2Na bâ‐bà kalanganakě o melema meabu, na, Mbi yongakiděndi bobe bwabu bwěhěpi; o kya ’kava t‘ o behadi beabu mětě be peti bâ; ba nd‘ o pwanja ya boho bwamě.
3Ba peyakiděndi Upolo na bobe bwabu, na bevolo na melango meabu.
4Bâ běhěpi ba ndi bahondovi; ba t‘ ona diyâ i hâhâkudwě n‘ ubeki; a dândi ilomba ja veya, oviya inyinga ja imbonda‐ja‐pěmbě, kabo o jâ‐i diyakě ja landa.
5O buhwa bwa upolo ’muahu bevolo ba běkidi nyolo jabu na yomu ya ivě; a hambakiděni enâ ’aju na bavěhěni.
6Jambojana ba maděnd‘ o kenjě ulema ’muabu pani‐ka diyâ, o bâ‐ba vengamakiyě; ubeki ’muabu u yakate bulu bwěhěpi; o ubwa i ka dikakiya ona veya vi yodaka.
7Ba te běhěpi veya ka diyâ, ba pukulaka bayěkidi babu; mepolo meabu meěhěpi me kwendi; o ’bě na umbâkâ o tango ’abu a ndakiyě ’Mba.
8Ifreim a hâbidi nyolo ’aju o njamba ya bato; Ifreim a ndi ndâkâ è diye uludwěngo.
9Bangi ba pukuli ngud‘ ’aju, na a ’bě yâ yowěngo; e, nyuwe i nd‘ okava na o mâ‐a jad‘ okavaně, na à ’bě yâ yowěngo.
10Na iměmě ja Isreěl t‘ i dakwakiyě o boho bwaju; ndi ba ha vonguwete o Jěhova Anyambě ’abu A jadi, tombe o vaha Mâ, o pělě ya ekabe beěhěpi.
11¶ Na Ifreim a ndi ka ibembe ja temamango, à diye n‘ ibweyidě: ba himbaka o Ijipt, ba kěkě o Asiria.
12O bâ‐ba ka valě, Mbi ka taděnd‘ ivâtâ jamě o bâ‐ba jadi; Mbi ka hubi bâ ka lonâni la oba; Mbi ka bomi bâ, ka ikote jabu i di yokango.
13Magaga na bâ! jambojana ba lengindi oviya o Umb‘‐’i jadi; ujilo na bâ! jambojana ba pulanidi n‘ Umba; tombekete Mbi vanguwete bâ, na ba languwete n‘ Umba bojowa.
14Na bà ’bě ’Mba dakiyango n‘ ulema ’muabu, ndi ba himakand‘ o makondo mabu; ba kindanakěte bâ‐mětě o pělě ya poti na ivě, ba loguwi n‘ Umba.
15Tombekete k‘ Umb‘‐’i yokuděte na yâdidě benâ beabu, ba ngite ba yebakiya n‘ Umba ujolongo.
16Ba timbakandi, ndi hanga o Mâ‐a jad‘ oba; ba t‘ ona kâmu e yabanakě; bevolo beabu be ka kwi n‘ ukwala jambojana evâvâlâ ya bemi beabu; ekavi vi ka diyi věhě viabu o ehe ya Ijipt.
Currently Selected:
Hosea 7: BNG1895
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1895, 1926.
