Hosea 6
6
1Vakani, ho timbakeni o Jěhova A jadi; jambojana A nyayendi, ndi A ka yongěte hwě; A kokindi, ndi A ka katate hwě.
2Hwi ’bale kělěbě t‘ o Mâ‐a ka vavudě hwě; o bwa hwi ’lalo A tědě hwě, na hwě‐ho ka diyaka o boho bwaju.
3Na ho yowakě, ho vitanakě ka yowě Jěhova; epumid‘ ’aju e te paniyango ka ubwa; na Mâ‐a ka pândi o hwě‐ho jadi ona mbwiya, ona mbwiya ja madikanido i bâhâkě he.
4¶ A! Ifreim! Mbi hake lě na nâvě, na? A! Juda! Mbi ka ha lě na nâvě, na? ikabojana bwamu bwanyu bo te ka evindi ya ubwa, na ona maupa ma věngěměkě na yakako.
5Ovaně‐nd‘ Umb‘‐’i kwěli bâ na basâki; Mbi weyi bâ na ndaga j‘ udumbu muamě; na mehango meâvě me te ka bwe e pumaka.
6Jambojana Mbi vahakandi ibya, ndi hanga mwambo; na yowěyowě ya Anyambě wa na benambo bea bo‐tumbakwě.
7Ndi ba pulidi panga pani te ka Adam: omě nd‘ o bâ‐ba hayi ’Mba ukândâ.
8Giliad ndi mboka ya ba bevakě; e hâpâludwi makiya.
9Na ona ndumba ja bapatwani i vengamakiya moto, nonaně t‘ o njamba ya prist e weyanakě o njeya e kěkě na‐’la o Shěkěm; e, ba hand‘ utomu.
10Mbi yěněngo elombo ya nyinya o Ndabo ya Isreěl; omě nd‘ o evovidi e duwanakiyě o Ifreim, Isreěl a bevindi.
11Tepě, Juda‐O! o na juma kenjwěngo o pěl‘ ’âvě, o Umb‘‐’i ka vaně pě mbwedi ya bato bamě.
Currently Selected:
Hosea 6: BNG1895
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1895, 1926.
