Hosea 5
5
1Inyěni prist‐O! yokakani ekae, na, inyi ndabo ya Isreěl, wa yokoliděni, na ndabo y‘ upolo‐O! wa věni matâ, jambojana yěkě e nd‘ eanyu; jambojana o viyi ka diyani evema o Mizpa, na uvâtâ taango o Tebor.
2Na baloguwi ba ndi tângâmângo na iha ja ewa; ndi Umba ndi ukandidi muabu mua běhěpi.
3Ifreim Mbi yowuděte, na Isreěl a ’bě kutamango oviya Umb‘‐’i jadi; jambojana o kya ’kava, Ifreim‐O!, o hakand‘ evove, Isreěl a bevindi.
4Behadi beabu bea hulidě pě bâ ka timba o Anyambě ’abu A jadi; jambojana ilina ja ivovidi i na bâ o ’tema, na bâ‐bà ’wě Jěhova.
5Na iměmě ja Isreěl te i dakwakiyě o boho bwaju; ovaně‐vâkâna Isreěl na Ifreim ba ka kâbi n‘ ibevě jabu; Juda a ka kâbâ tepě na bâ.
6Ba ka ’li na myanga meabu na manga mabu ka vaha Jěhova; ndi ba duwe Mâ; A dulidi Mâ‐mětě oviya o bâ‐ba jadi.
7Ba hi na Jěhova ukândâ mětě; jambojana ba habanganiděndi bana ba‐ngani: o kya ’kava nd‘ o itěki ja ngândě i ka pukulě bâ na mepokolo meabu.
8Lângâkâni umbanda o Gibea, na heba o Rama; kimakěni o Běth‐avěn; Běnjamin‐O! o mbuhwa ’vě!
9Ifreim a ka ’luwandi evââvâ o buhwa bwa ikandidě; e ka diyě, mbambayě, nd eamě e di yowuděngo o makaka ma Isreěl ma jadi.
10Bevolo bea Juda be te pani‐ka ba věngěkidě ukabo; Mbi ka hovandi ngambi ’amě o bâ‐ba jadi pani‐ka miba.
11Ifreim a ndi pambaludwěngo, a vyatudwěndi o uhango; ikabojana a diyakite bâbângo ka tamuwa hohonganěngo n‘ isombiyě.
12Ovaně‐vâkâna Mbi t‘ o Ifreim a jadi ona yelele, na o ndabo ya Juda ka ebâdu.
13O Ifreim a yěněkidi eběd‘ ’aju, na Juda yěněngo ivenge jaju, běngě Ifreim a kěke o Asiria, na bandakidě o upolo Jarěb: ndi à yâlě o yong‘ âvě, tombe na yongakě âvě ivenge jâvě.
14Ikabojana Mbi ka diyandi o Ifreim a jadi ona amale, na o ndabo ya Juda ka etumbě ya amale; Umba, paniyango Umba, Mbi ka nyandi, na vala; Mbi ka valanandi, na o ’bě na a ka patuwě.
15¶ Mbi ka ’landi na timba o iboko viamě, kabo ba měmě enângâ ’abu, na vaha boho bwamě: o etuniy‘ ’abu ba ka vahi ’Mba holomiyango, na,
Currently Selected:
Hosea 5: BNG1895
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1895, 1926.
