Hosea 3
3
1Ka Jěhova a vâ n‘ Umba, na, Ta pě o vala ka tândâ mwajo a tândâkwě na mbweyi ’aju na wa ehohonde, paniyango ka Jěhova A tândâkě bana ba Isreěl, tombekete ba vongwaka o beanyambě bepâkwě be jadi, na ba tândâkâ bebuma bea ukodi mu‘ ivě bea yahudwěngo.
2Nonaně nd‘ umb‘‐’i hambiyi ’mba mâ na jomu na bepěhi betano bea hika‐’tano, na homěr ya barley na ekulu ya homěr ya barley;
3N‘ umba na vâkâ na mâ, na, O ka diyandi o pěl‘ ’amě hwi iitě; wà haye pě evove, na nâvě wà diye pě mwada wa momo te momo: nonaně tepě k‘ umb‘‐’i ka diyě o âvě‐o jadi.
4Jambojana bana ba Isreěl ba ka diyandi hwi iitě bà diye n‘ upolo, bà diye na evolo, bà diye na mwambo, bà diye na ikondi, bà diye na ěfod tombe na těrafim:
5Na mbuhwěmbuhwě běngě bana ba Isreěl ba timbake, na vaha Jěhova Anyambě ’abu, na upolo ’muabu Devid; ba ka vaka na jângâ o Jěhova A jadi na o bwamu bwaju o hwi ja madikanido.
Currently Selected:
Hosea 3: BNG1895
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1895, 1926.
