Hosea 11
11
1O Isreěl a diyakid‘ etumbě, ovaně‐nd‘ Umb‘‐’i tândâki mâ, na ndakiya mwan‘ ’amě oviya o Ijipt.
2Te ka bâ‐ba ndakiyi bâ, nonaně te o bâ‐ba timbakidi oviya o bâ‐ba jadi; ba yambakiyi meambo o Bealim i jadi, na tumbaka ebedi o tove ja bo‐pakakwě i jadi.
3Umba te kabo yokwakidě Ifreim itamuwa; Mbi nângâki mâ o benâ beamě; ndi ba bù yowakě na Mbi yongaki bâ.
4Mbi dulaki bâ na mekâdi mea momo, na mekato mea itândě; na Mbi diyakindi o bâ‐ba jadi te ona ba věngěkidě panga o byaho beabu, na Mba nangidě beja o boho bwabu.
5¶ À timbe pě o ehe ya Ijipt; ndi wa‐Asiria nd‘ a ka diyě upolo ’muaju, ikabojana ba lěvindi itimba.
6Na ukwala u ka kwand‘ o mamboka maju, na u ka hiniděndi mepimbilo meaju, na nyaya bâ, ikabojana o pělě ya maleva mabu mětě.
7Na bato bamě ba vutamango itimba‐na‐mbuhwa oviya o Umb‘‐’i jadi: tombekete ba ndakiya bâ o A didi oba A jadi, o ’bě na a ka bendě Mâ na vilolombo.
8Ifreim! Mba měndě l‘ âvě na? Isreěl! Mba huludě l‘ âvě na? Mba panga l‘ âvě ona Adma na? Mba tědě l‘ âvě ona Ziboim na? ulema ’muamě u vonguwi ’Mba o ’tema, mapogina mamě ma bondanindi ta.
9Mbà time pě bwayě bwa malingwa mamě, Mbà vonguwe pě ka kwiyidě Ifreim: jambojana Mbi ndi Anyambě, hanga moto; Wa‐Hole o hangan‘ ’âvě; n‘ Umba‐Mbà ngiye o mboka.
10Ba ka bengandi Jěhova; Mâ nd‘ A ka kângâlidě pani‐ka amalě; jambojana A ka kângâliděndi, na bana ba ka vaka ba likimaka oviya o ulânga.
11Ba ka viyandi ba likimaka ona inâni oviya o Ijipt, na ona ibembe oviya o ehe ya Asiria: n‘ Umba‐Mba panga bâ ba diyaka o mandabo mabu, Jěhova nd‘ A vâkě.
12Ifreim a sâtaki ’Mba na boloba, na Ndabo ya Isreěl na iyaba: ndi Juda a ngite a pangakiya na Anyambě, na a te upeha‐moto o Wa‐Hole a jadi.
Currently Selected:
Hosea 11: BNG1895
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1895, 1926.
