Jěnisis 36
36
1Nandi mbamba ja Isâ nd‘ ekadi (a jadi, na, Idâm).
2Isâ a nângâkindi bajo baju oviya babajo ba Kenean; Ada mwa‐mwajo wa Elân ya Hiti, na Oholibama mwa‐mwajo wa Ana mwa‐mwajo wa Zibiân ya Haivi,
3Na Bashemath mwa‐mwajo wa Ishmeěl, iluku ja Nebajâth.
4Ka Ada a ja Isâ, Elaifas; ka Bashemath a ja Ruěl;
5Ka Oholibama a ja Jeush, na Jealam, na Kora: ekaba ndi bana ba Isâ ba bamo, ba jakudwě o mâ‐a jadi o ehe ya Kenean.
6Ka Isâ a nângâ bajo baju, na bana baju ba bamo na ba bajo, na bato baju ba ndabo běhěpi, na bembe beaju, na tito jaju jěhěpi, na belombo beaju be pahakiyedi o ehe ya Kenean beěhěpi; ka mâ‐a vala o ehe oviya boho bwa mwana‐nyangwě Jekâb.
7Ikabojana ngumb‘ ’abu e diyaki boněně sasě na ba diyaka iboko viâkâ; na ehe y‘ iyěngidě jabu y‐u yâlâkě o huka bâ o pělě ya bembe beabu.
8Ka Isâ a diya o ukodi mua Siěr: Isâ ndi Idâm.
9¶ Ekadi ndi mbamba ja Isâ hangwě ya ba Idâm o ukodi mua Siěr.
10Mina ma bana ba Isâ ba bamo nd‘ ekama; Elaifaz mwana wa mwada wa Isâ Ada wa momo, Ruěl mwana wa mwada wa Isâ Bashemath wa momo.
11Bana ba Elaifas ba bamo ndi Teman, Omar, Zefo, na Getam, na Kenaz.
12Timua a diyakindi elěgě o Elaifaz mwana wa Isâ wa momo a jadi: ka mâ‐a ja Elaifaz, Amelěk: ekaba ndi bana ba mwada wa Isâ, Ada, ba bamo.
13Bana ba Ruěl ba bamo nd‘ ekaba: Nahath, na Zera, Shama, na Miza; ekaba ndi bana ba mwada wa Isâ, Bashemath ba bamo.
14¶ Ekaba ndi bana ba Oholibama ba bamo, mwana wa Ana wa mwajo mwana wa Zibeân wa mwajo, mwada wa Isâ; ka mâ‐a ja Isâ Jeush, na Jealam, na Kora.
15¶ Ekaba ndi bapangiyi ba bana ba Isâ ba bamo; bana ba Elaifaz ba bamo njadi ya Isâ; upangiyi Teman, upangiyi Omar, upangiyi Zefo, upangiyi Kenaz,
16Upangiyi Kora, upangiyi Gatam, upangiyi Amelěk; ekaba ndi bapangiyi ba vakiyed‘ o Elaifaz a jadi o ehe ya Idâm: ekaba ndi bana ba Ada ba bamo.
17Ekaba ndi bana ba Ruěl ba bamo, mwana wa Isâ; upangiyi Nahath, upangiyi Zera, upangiyi Shama, upangiyi Miza: ekaba ndi bapangiyi ba vakiyed‘ o Ruěl a jadi o ehe ya Idâm: ekaba ndi bana ba mwada wa Isâ Bashemath ba bamo.
18¶ Bana ba mwada wa Isâ, Oholibama, ba bamo nd‘ ekaba; upangiyi Jeush, upangiyi Jealam, upangiyi Kora: ekaba ndi bapangiyi ba vakiyedi oviya mwada wa Isâ, Oholibama, mwana wa Ana wa mwajo.
19Bana ba Isâ ba bamo nd‘ ekaba, na bapangiyi babu ndi ekaba; mâ mâně ndi Idâm.
20¶ Bana ba Siěr, wa Hori, bato ba ehe tě, ba bamo, ndi ekaba; Lotan, na Shobal, na Zibiân, na Ana,
21Na Dishân, na Ezar, Dishan: ekaba ndi bapangiyi vakiyedi oviya ba Hori ba jadi, bana ba Siěr o ehe ya Idâm.
22Bana ba Lotan ndi Hori, na Heman; na iluku ja Lotan ndi Timna.
23Bana ba Shobal nd‘ ekaba; Alvan, na Manahath, na Ebal, Shěfo, na Onam.
24Bana ba Zibiân ndi ekaba; Aja, na Ana; ekae ndi Ana tě e duwaki madango ma miba ma veya o nginga, o mâ‐a jakidě buru ja hangwe Zibiân.
25Bana ba Ana nd‘ ekaba; Dishân, na Oholibama mwana wa Ana wa mwajo.
26Bana ba Dishân nd‘ ekaba; Hamadan, na Eshban, na Ithran, na Keran.
27Bana ba Ezar nd‘ ekaba; Bilhan, na Zeavan, na Ekan.
28Bana ba Dishan nd‘ ekaba; Uz, na Aran.
29Bapangiyi ba vakiyedi oviya ba‐Hori ba jadi nd‘ ekaba; upangiyi Lotan, upangiyi Shobal, upangiyi Zibiân, upangiyi Ana,
30Upangiyi Dishân, upangiyi Ezar, upangiyi Dishan; ekaba ndi bapangiyi ba vakiyed‘ o ba‐Hori ba jadi, o bapangiyi babu ba jadi o ehe ya Siěr.
31¶ Mepolo me pangakiyedi o ehe ya Idâm, ovaně upolo k‘ upolo u t‘ o pangiya bana ba Isreěl, nd‘ ekame.
32Bela, mwana wa Biâr wa momo, a pangakiyind‘ o Idâm: na dina ja mbok‘ aju ndi Dinhaba.
33Ka Bela a wa, ka Jobab, mwana wa Zera wa momo, ya Bâzra, a pangiya o maihana maju.
34Ka Jobab a wa, ka Husham ya ehe ya ba‐Timna a pangiya o maihana maju.
35Ka Husham a wa, ka Hadad, mwana wa Bedad wa momo, (a weyakidi Midian o ’hiki ya Moab) a pangiya o maihana maju; dina ja mbok‘ ’aju Avith.
36Ka Hadad a wa, ka Shamla ya Masreka a pangiya o maihana maju.
37Ka Shamla a wa, ka Sâl ya Rehoboth baka na Viho, a pangiya o maihana maju.
38Ka Sâl a wa, ka Beal‐henan, mwana wa Akbâr wa momo, a pangiya o maihana maju.
39Ka Beal‐henan, mwana wa Akbâr wa momo, a wa, ka Hedar a pangiya o maihana maju: dina ja mbok‘ aju ndi Pâ; na dina ja mwad‘ ’aju ndi Mehitebal, mwana wa Matrěd wa mwajo, mwana wa Mezahab wa mwajo.
40Mina ma bapangiyi ba vakiyed‘ o Isâ a jadi nd‘ ekama, hohonganěngo na makaka mabu, o loboko labu, na mina mabu; upangiyi Timna, upangiyi Alva, upangiyi Jethěth,
41Upangiyi Aholibama, upangiyi Ela, upangiyi Pinon,
42Upangiyi Kenaz, upangiyi Teman, upangiyi Mibzar,
43Upangiyi Magdiěl, upangiyi Airam; ekaba ndi bapangiyi ba Idâm, hohonganěngo na loboko labu o ehe ’abu e pahakiyedi: mâ ndi Isâ hangwě ya ba‐Idâm.
Currently Selected:
Jěnisis 36: BNG1895
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1895, 1926.
