Daniel 9
9
1O upuma mua Daraius mwana wa Ahasuerus, wa ibângâ ja ba‐Midi, a betakudwě upolo o enge ya ba‐Kaldi, mua bohoboho;
2O upuma mua ipangiya jaju mua bohoboho, ka umba Daniel mba bweyidě na bejanganangobo tango ya mepuma, mea ndaga ya Jěhova e pâkidi o Jěremaia usâki a jadi, me timakě mejilo mea Jěruselěm, paniyango mabo ma mepuma hěmbwědi.
3¶ Ka umba‐mba tědě boho bwamě o Jěhova Anyambě a jadi, ka vaha na ikaliya, na mahâhâlidě, na ihindina, na bangisi, na jubu.
4Ka umba‐mba kaliya Jěhova Anyambě ’amě, mbi měměkiyě, mbi vâkâ, na, Ah! Jěhova Anyambě, eněně na ya mahihi, e tatakě panga na ibya na ba tândâkě Mâ na bâ‐ba tatakě belekanako beaju;
5Ho beviděndi, na hwě ho ndi lěngěměngo, ho handi bobe, ho loguwendi, paniyango vonguwango o pěpěkě ya maleva mâvě na mehango meâvě;
6Na hwě‐hù yokakiya bahayi bâvě basâki, ba kalaka na dina jâvě, na mepolo meahu, na benami beahu, na bahangwě bahu, na bato ba ehe běhěpi,
7Ah! Jěhova, hohonganěngo e na nâvě, ndi hwě, ba bojuka bwa boho, te ka yâ‐e didi o buhwa těkabo; na bato ba Juda, na ba diyakě o Jěruselěm, na ba Isreěl běhěpi, ba jadi pyělě na ba jadi yaviděngo, kwanga na vala o behiki beěhěpi ibeâvě be di bâ vanjango, tina na ipulě ijabu i di pulaněngo na nâvě.
8Ah! Jěhova, ijuka ja boho i na hwě, na mepolo meahu, na benami beahu, na bahangwě bahu, ikabojana ho ndi âvě beviyango.
9Jěhova Anyambě ’ahu nd‘ a duwě mabya na mayanidě; ikabojana ho loguwango na mâ.
10Na hwě‐hò ’bě tepě yokiyango joyi ja Jěhova Anyambě ’ahu, na hò tamwake na makamba imaju ma těkidě o boho bwahu na bahayi baju basâki.
11E, Isreěl běhěpi ba pulěngo ikamba jâvě, paniyango bovongwaka o pěpěkě, na bà yokakiye pě joyi jâvě: ovaně nd‘ o jâki i hoviyedi o hwě‐ho jadi, na ikaniya i jadi lěndwěngo o ikamba ja Mosěs uhayi mua Anyambě; ikabojana ho Mâ beviyango.
12Na Mâ‐a timěngo ndaga jaju, ijaju i kalakiyi hwě, na i kalakiyedi bayěkidi bahu, ba ma yěkěkidě hwě, n‘ ipâdě ja njuke eněně o hwě‐ho jadi; jambojana o ibomako ja oba yěhěpi, e ha hamete ka yâ e di hamango o Jěruselěm.
13Nyanga e di lěndwěngo o ikamba ja Mosěs, te ya njuke těkaně yěhěpi e di pângo o hwě‐ho jadi; ndi ho ’bě hâhâliděngo unyěvěno mua Jěhova Anyambě ’ahu, na ho vongwake oviya mabeva mahu, na hwě‐ho ka bweyakidě pâkwěpâkwě ’âvě.
14Ovaně nd‘ o Jěhova a pepwaki njuke, n‘ a pâkidě hwě yâ; ikabojana Jěhova Anyambě ’ahu a hohonganěngo na behavu beaju be hakě běhěpi, na hwě ndi ho ha ’bě yokiyango joyi jaju.
15Nandi, Ah! Jěhova, Anyambě ’ahu, a vanakiyi bato bâvě o ehe ya Ijipt na ikadu ikolo, na a duwakidě âvě mětě kuma, te ka o buhwa těkabo; ho beviděndi, ho ndi hango bobe.
16¶ Ah! Jěhova, nyanga ya hohonganěngo ’âvě yěhěpi, pangaka malingwa mâvě na ngambi ’âvě, mbi hâhâlâkiděnd‘ âvě, be vongwake oviya mbok‘ ’âvě Jěruselěm, ukodi muâvě mua hole; ikabojana o pělě ya mabe mahu na mabeva ma bahangwě bahu ndi ja Jěruselěm na bato bâvě ja bě ikili o běhěpi ba di hwě ulwaniděngo ba jadi.
17Nandi, vâkâna, Anyambě ’ahu‐O! yokakiya ikaliya ja uhayi ’muâvě, na mahâhâlidě maju, wa panga boho bwâvě bo panyaka o ndabo ’âvě ya ikaliya e jadi evââva, o nyanga ya Jěhova.
18Ah! Anyambě ’amě, vongwakidě ditâ jâvě, wa yoka; bumwakidě mihâ mâvě, wa hilě bevââvâ beahu, na mboka tě e tubakwě na dina jâvě; n‘ ikabojana hwa vanaka mahâhâlidě mahu o boho bwâvě na hohonganěngo jahu, ndi o nyanga ya mabya mâvě maněně.
19Ah! Jěhova, yokaka; Ah! Jěhova, iyakidě; Ah! Jěhova, yokolakidě, o ka haka; o tuwakidě; Ah! Anyambě ’amě, o nyang‘ ’âvě mětě, ikabojana mbok‘ ’âvě na bato bâvě ba tubakudwěndi na dina jâvě.
20¶ O ulingo ’muamě u diyaki mbi kalaka, na mbi kalakiya, mbi měměkě bobe bwamě na bobe bwa bato bamě Isreěl, n‘ umba‐mbi věkě ihâhâlidě jamě o boho bwa Jěhova, Anyambě ’amě, o pělě ya ukodi mua Anyambě ’amě mua hole;
21E, ulingo muamě u diyakidi mbi kalaka o ikaliya, momo tě Gabriel, uamě a yěněkidi o jěně, o jali, a věvěkudwěndi bohadi, na kupaně ’mba o ’gombe ya mwambo mua kolo.
22N‘ a yokwakidě ’mba, n‘ a kalaka n‘ umba, na, Daniel‐O! mba puliyi pě ka pang‘ âvě bokeli bwa ibweyidě.
23O jali ja mahâhâlidě mamě, ka isombiyě ja hulama, k‘ umba‐mbi vakě ka languwa âvě; jambojana o tândâkwi na ngudi; ovaně vâkâna batakě itato na nâvě wa bweyidě jěně.
24Mabo ma wiki hěmbwědi ma di lenudwěngo bato bâvě na mbok‘ ’âvě ya hole, o imadě ja ipulě, na ihukidě ja mabe, na iha ja ulato mua pělě ya ibeva, na ipâdě ja hohonganěngo ya egombe yěhěpi, na ivivě ja jěně na isâkâ, na ihima ja Wa‐hole na mavulě.
25Vâkâna yowakě, wa bweyidě, na, oviya o ihulama j‘ isombiyě j‘ itimbě na ilonga ja Jěruselěm, na pâ o Wa‐himwěngo‐na‐mavulě, upolo, i ka diyandi wiki hěmbwědi; na mabo utoba na wiki ibale, e ka longwi pě, na uhěngě na uhembe, paniyango o begombe bea njuke.
26Mabo utoba na wiki ibale kělěbě, Wa‐himwěngo‐na‐mavulě a lenakwě, à diye na elombo; na bato ba upolo tě u ka viyě ba ka buludi mboka na ndabo ya ikaliya; ihuku jaju i ka diyandi na ujambě, paniyango kwanga na vala o ihuku te o eduka ka diyě: mejilo me di lenudwěngo.
27A ka handi panga ekolo na baitě o wiki pâkâ; na o ekulu ya wiki ndi eaju e ka pangě meambo na iyambiya i dakwě; na o ipěpu ja manya ndi i ka viyě a ka jilidě; na paniyango kwanga na vala o ihuku, i di lenudwěngo, ndi ja malingwa i ka hoviyě na ijilanidi.
Currently Selected:
Daniel 9: BNG1895
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1895, 1926.
