Daniel 12
12
1Nandi o egombe těyeně ndi ya Maikěl e ka těmě, evolo e těměkě o pělě ya bana ba bato bâvě; egombe ya njuke e ka diyandi nyanga e ha diyete, na etomba na diya, kwanga na pâ yâ egombe těyeně; na o ’gombe těyeně ndi ya bato bâvě e ka patuwě, wěhěpi a ka duwaniyě lěndwěngo o ejanganangobo.
2Na baitě ba yakě o mahě ma he ba ka umuwandi, bâkâ o eměnâ ya pěkějome, na bâkâ o ihâni na ipějě ja pěkějome.
3Na ba jadi na iyowě ba ka panyandi ka bwe ya oba; na ba ’luwakidě baitě o bwamu, pani‐ka nyetěti egombe yěhěpi na ’la egombe yěhěpi.
4Nandi, âvě, Daniel‐O! dibaka ndaga, wa vividě ejanganangobo, kwanga na ’la egombe ya ihuku: baitě ba ka tětělěněndi, na yowěyowě e ka vuhandi.
5Jâ ndi jamě ja Daniel ja tamuwa, na, hilakěte, bapâkwě babale těměngo omě, umbâkâ o kângâki ya viho o mwidi těkamu, na upâkwě o kângâki ya viho o mwidi těkamuně.
6Ka umbâkâ a vâ na momo a diyaki bâtângo ivěla, kahamango o miba ma viho, na, Nj‘ ulingo‐ě u ka diyě na ’la o ihuku ja beměmělě těkabe?
7Ka umba‐mba yoka momo a diyakidi bâtângo ivěla, a diyaki kahamango miba ma viho, o mâ‐a betidě enâ ’aju eyomi na enâ ’aju ya eměngwě oba, ka mâ‐a kaniya a diyakě egombe yěhěpi, na, e ka diyandi o egombe, begombe, na ekulu; nandi o bâ‐ba ka hukidě ibulidě ja ngudi ya bato ba hole, vâkâna belombo těkabe be hânjâbiyendi.
8K‘ umba‐mba yokate, ndi mbu bweyakidě; jâ ndi ijamě ja vâ, na, Paia‐O! ihuku ja belombo těkabe e ka diya lě na‐e?
9Ka mâ‐a vâ na, Daniel, kěkě eâvě ’kěndâ, ikabojana ndaga i dibudwěndi na jâ tepě i vivudwěndi, kwanga na ’la o egombe y‘ ihuku.
10Baitě ba ka pangi nyolo jabu kěngěngě, na bâ‐ba taně nyolo jabu, na bâ‐ba nyěvudwě; ndi babe ba ka hate kabo bobevakě; o ’bě na ube a ka bweyidě n‘ umbâkâ; ndi ba jadi na iyowě ndi ba ka bweyidě.
11Ndi oviya o ’gombe ya mwambo u tumbakwě mua egombe yěhěpi u ka věngudwě, na manya ma hakě evââvâ ma tědwě, omě ka diyandi tâjeni na kama ibale na mabo ma hwi ibuwa.
12Ibâtâ na a vengakě, na mâ‐a pâdě o tâjeni na kama ilalo na mabo malalo na hwi itano.
13Ndi, kěkě eâvě ekěndâ, kabo o ihuku i ka hukiyě; ikabojana o ka yâjândi, o ka těměndi o ekondo ’âvě o ihuku ja hwi.
Currently Selected:
Daniel 12: BNG1895
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1895, 1926.
