Roma 9
9
Anyimuna Hollum Laati Israele
1Ekyana ni nelahode to Kristo, abeŋ ni agesem. Iramyo ataji hoŋ etamijani to Oloyiri ol Olibo jo abeŋ ni agesem. 2Nyo awon ni iko ejiriŋa on obolo, bwo fe odulo adyaha on obolo itaji hoŋ ta illarak hoŋ lonyirok Israele. 3Aremik ni wahan apyaharo jyo Kristo addi ihima imaji illarak hoŋ. 4Arai isi laati Israele. Iloŋo Hollum isi lonyirok honyi bwo isyo jihosi nakwatan iko emuniti, efahita, ehumita, iko necoriti. 5Owoni bwo fe hohonyok hutto woyo hosi hinya isuruniere Yesu Kristo. Ijara itahabuye Hollum al agalik’to erre daŋ tulaŋ. Amen.
6Ati abeŋ ni ajo jo, opwahi ecoriti Hollum, nyo hul isuruni’to to Israele obeŋi isi daŋ arai lonyimot hulo Hollum. 7Bwo fe hul isuruni’to to Abramo obeŋi isi daŋ arai lonyirok honyi, nyo ocorok nya Hollum ojo, “Ihenuni adi edetit hoi jyo Isako hama.” 8Itahutak ana ojo obeŋi lonyirok hulo ahwan daŋ arai lonyirok Hollum, ati ihenio Hollum lonyirok hulo ecoriti hama ahulonyi. 9Nyo ocorok Hollum ojo, “Al attubai oŋitek, acohuno adi ni attadi Sara isiuna eito.” 10Bwo fe oyedu nya Rebeka lonyirok arrihai jyo hohonyi hohoi Isako. 11-12Hobeŋi dwadi bu isi isiuni bwo fe hobeŋi ihanie omuk erre hun oyiji kuyya hun orrohoji onyimu Hollum alahalu, ette jaran jyo Rebeka jo, “Igyama adi oloŋeu jyo alahalu.” Nyo awak Hollum itahutana anyimuna honyi jo obyaŋara te egyamita hosi ati ara ta awahan honyi. 13Ihwa igyoroni, “Amuno ni Yakobo bwo aliwari Isau.”
14?Anyo attadi ejo hohoi? ?Oŋoco Hollum on orroho? Obeŋ ’tuŋ. 15Ojo nya inyi jyo Mose, “Amehino adi ni jyo lya al awak ni mehino, bwo fe ehanio adi ni on oyyu jyo lya al awak ni ihanio on oyyu.” 16Obeŋ ara ta awahan tulo kuyya te egyama honyi on omehiniere Hollum, ati ara ta awahan ono Hollum. 17Nyo ojori egyerita jyo Faro,#9:17 FaroAra nya inyi hobu olo aati Masir. “Etadet ni iye ahobu eleittok itahutaniere adwaran hoŋ bwo fe itakwacere afure hoŋ ifau daŋ.” 18Tania omehino Hollum jyo hul awak inyi bwo fe itadwa inyi ataji ono lya ihwa awak inyi.
19Ijatta adi itai jihoŋ, ?Nyo oŋot Hollum atulo? ?Ŋai ol oremik’to itik awahan honyi? 20?Ŋai iye atulo al itarraŋ’to jyo Hollum? Obeŋ atobok on oyyeuni ifiyo ayyani honyi ojo, ?Nyo ihuhum iye ani ihwania? 21?Obeŋ so layyani oremik ’yeuna atobwaha ihwa awak inyi? Jyo efwoto abotye oyyeu inyi obo te erre hun oyiji bwo obo te erre hun orrohoji. 22Awak dwo Hollum itahutana ajore honyi iko adwaran, ati odulo nya inyi itila ta adihan on obolo eyyeti hun orrohoji’to hun osiruni ta abahyo honyi. 23Nyo awak inyi italeyehina nakwatan honyi on obolo jihohoi, tania ihuhum inyi hohoi beryen ifwotuniere amehino honyi iko akwatan. 24Obyaŋara Yudea hama hunya iloŋo inyi, ati paganohyen bwo fe. 25Ihwa igyoroni ibuk ono Osea ojo,
“Ojo Hollum jo, Hul obeŋi’to arai awati hoŋ,
Eloŋo adi ni awati hoŋ.
Bwo hulya hinya abeŋ ni amuno,
Amuno adi ni.
26Ojo nya Hollum jyo paganohyen ojo, Ibyaŋata tai irata awati hoŋ;
Ati ihwania ojo inyi iloŋoi isi olonyirok hulo Hollum leswoni.”
27Ojo nya Isaya ta laati Israele ojo, “Olwaji dwadi bu lonyok Israele ihwa asuluŋayo hutuk owore ati italahuni adi minoŋ. 28Nyo oŋot adi Hobu erre wati te efiriwa kokwak bwo fe ette tuhonia egyama honyi ifau.” 29Ihwa ojo Isaya beryen,
“Kuyya dwo obeŋ Hobu idehi hohoi omuk edetiti,
Dwo mana era hohoi ihwa Sodoma iko Gomora.”
Ehara Wati Israele Asayyo hun Oyiji
30?Tania anyo adi ejo hohoi? Paganohyen hunya obeŋi’to ijifatye alibori, inefuni isi ihwania alibori an ara’to alibori ono neruk ahode. 31Ati Israele hinya ottifyai’to nefahita huno alibori obeŋi isi inefuni inyi. 32?Nyo ati obeŋi isi onyurani? Obeŋi isi onyurani nyo obeŋi isi ottifyai ta neruk ati ottifyai isi te egyamita. Ikosoroi isi jyo namorwo an ikosotyarik.#9:32 namorwo an ikosotyarikAra Kristo amorwo ania. 33Ihwa igyoroni igyerita ojo,
“Imijyete ehanak ni amorwo imiji Sion itikosyere aati itakwahyere isi,
Ati lya al iruk’to jihonyi obeŋ adi okwaharo.”
Currently Selected:
Roma 9: LOT1969
Highlight
Share
Compare
Copy
Want to have your highlights saved across all your devices? Sign up or sign in
This text was originally published by the British and Foreign Bible Society in 1969.
