Roma 10
10
1Illarak hoŋ, awak ni bebe ta ataji hoŋ jo oŋida aati hutta fau hohoi italahuni. Amojo ni bebe jyo Hollum tesi. 2Nyo ara ni etamijani hosi jo igyamai isi bebe jyo Hollum ati obyaŋara to olofyoro. 3Nyo obeŋi nya isi omijani alibori ono Hollum ati ottifyai isi igyamari alibori hosi ta ahwattek hosi. Obeŋi isi ifahai alibori ono Hollum. 4Nyo iyaŋuno Kristo esidi ono efahita tania olibori adi hul iruhi’to daŋ jihonyi.
5Nyo igyorok Mose jo, atulo ol onyurak alibori te efaha ono efahita isu adi te efahita. 6Ati inyuraniere alibori ono neruk obeŋ awak obo atulo odok idou iyaŋuniere Kristo ifau. 7Obeŋ bwo fe awak obo atulo olo imaji hayak itubuhuniere Kristo to ye. 8Ati ojori asayyo hun oyiji jo, Onyiha nekyana Hollum jihatai, owon inyi ihutuhe hatai iko itajya hatai. Ara inyi nekyana ono neruk ahode en ettiyenio hohoi. 9Kuyya ikyanati tai te etuhe hatai jo ara Yesu a Hobu bwo fe iruhoto tai ta atajya hatai jo itubuhu nya Hollum inyi to ye, italahuni adi itai. 10Nyo ara ta ataji an iruhori atulo ifwotuniere alibori bwo fe te etuk an iwwahari inyi inyuraniere etalahuna. 11Nyo ojori egyerita jo, “Al iruk’to jihonyi obeŋ adi iloriri.” 12Obeŋ alufaji ihiji Ayudetanani iko apaganotanani nyo ara Hobu hosi daŋ abotye bwo fe omehino inyi jyo hya daŋ hul omojoi’to ta afure honyi. 13Nyo ojori egyerita jo, “Lya ol omojo’to ta afure Hobu italahuni adi.”
14?Aŋai attadi omojoi isi jihonyi kuyya obeŋi isi iruhi? ?Bwo fe aŋai adi iruhi isi kuyya hobeŋi isi itaniŋuni eram ono Hollum? ?Bwo fe aŋai adi itaniŋuni isi kuyya obeŋ ettiyanani? 15?Tania aŋai oremehini isi ittiyenio kuyya obeŋi ifahuni isi? Ihwa igyoroni ojo, “Ahode ilamani ejek wati hulya hul iyaŋunie’to asayyo hun oyiji.” 16Ati obeŋi isi daŋ iruhi asayyo hun oyiji. Nyo ifiyo Isaya ojo, “Hobu, ?ŋai al iruk’to ekyana hohoi?” 17Tania ottu neruk te etaniŋyo ekyana, bwo fe ottu nekyana jyo nettiyenio hiram ono Kristo.
18Ati efiyo ni jo, ?Obeŋi nya isi itaniŋuni? Itaniŋuni isi ahode. Ojori egyerita jo,
“Itaniŋuni laati daŋ ettiyenita hosi,
Afanyi ekyanita hosi isidita huno afau.”
19Ati efiyo ni jo, ?Obeŋi nya Israele omijani? Ahosyere ojo Mose,
“Etahain adi ni itai iko eluluŋ wati hul arai’to asai.
Etiloŋo adi ni itai iko eluluŋ wati hul ibuyaŋai’to.”
20Igyoro Isaya ibuk honyi te eŋere jo,
“Ojo Hollum, Hul obeŋi’to ottifyai ani onyurani isi.
Aleyo ni jyo hul obeŋi’to iloŋoi ani.”
21Ati jyo Israele ojo inyi, “Adulo ni ihalamyo ahas hoŋ jyo aati hul omesye’to iko hul odwari tajya.”
Currently Selected:
Roma 10: LOT1969
Highlight
Share
Compare
Copy
Want to have your highlights saved across all your devices? Sign up or sign in
This text was originally published by the British and Foreign Bible Society in 1969.
