Roma 7
7
Arryamara ono Aŋotte iko Habi Honyi
1Illarak hoŋ, ekyana ni jyo hul omijani efahita, ati, ?itimoti tai jo ifitani efahita atulo hesu inyi? 2Nyo ifitani aŋotte te efahi jyo habi honyi hesu inyi. Ati al aye habi honyi ohohini inyi jyo efahi ania. 3Tania iloŋoi adi inyi aharotoni al owoni inyi iko obo alle bwo habi honyi hesu. Ati al aye habi honyi ohohini inyi jyo efahi ania. Owoni dwadi bu inyi iko obo alle obeŋ adi iloŋoi inyi aharotoni.
4Ihwania bwo fe illarak hoŋ iyeti nya itai jyo efahi ta aye ono Kristo jo oŋida inosoni itai iko obo. Inyi alya al ibuhu’to to ye tania oŋida hohoi eŋiju aŋer jyo Hollum. 5To ninya hemanya hohoi te ewahiti hwattek hohoi, igyamai ewahiti hun orrohoji’to aŋer huno naye ihwattek hohoi te efahita. 6Ati ihwania ohohini hohoi jyo efahi nyo eye nya hohoi jyo efahi inya ifitanierek hohoi. Tania ebeŋ hohoi egyama te efahi an imarwak’to ati egyama hohoi ta nesu aŋejuk ono Oloyiri.
Awahan Hwan Ihanio Eyyata
7?Ejo adi hohoi aŋai? ?Iyaŋunie efahita eyyau? Obeŋ ’tuŋ. Itahutani efahita ani eyyata. Abeŋ dwo ni amijak jo orroho adaya hirre ara dwo on obeŋ efahi ilyet, “Hewahata asaŋ huno obo.” 8Te efahita orumak eyyau adwaran ette iyaŋuno jihoŋ ewahiti hun orrohoji’to. Nyo al obeŋi efahita obeŋ adwaran jyo eyyau. 9Esu nya ni habeŋ ni amijak nefahita, ati al etaniŋu ni efahita amijak ni eyyata hoŋ hun oŋoti aye jihoŋ. 10Ati efahita hun ojori dwo iyaŋunie nesu, itabahasunie jihoŋ naye. 11Nyo orumak neyyau adwaran te efahita ette ’tohoro ani te enyobyo. 12Tania olibori efahita, oyiji isi daŋ bwo fe obisi.
13?Iyaŋunie nyati erre hun oyiji’to hunia aye jihoŋ? Obeŋ ’tuŋ. Iyaŋunie nya eyyata naye jihoŋ te erre hun oyiji’to hunia, isi efahita, jo oŋida arrohojita huno eyyata oleye. Tania itahutani efahita jo orrohoji eyyata agalihini. 14Emijak hohoi jo arai efahita huno Hollum ati ara ni olo ahwan an ipito’to jyo neyyau. 15Abeŋ ni amijak awoyo hiram ono ehanita hoŋ. Nyo abeŋ ni ehanio erre hun oyiji’to hun awak ni ihanio ati ehanio ni erre hun orrohoji’to hun aliwari ni. 16Ihwania al ehanio ni erre hun abeŋ ni awak ihanio amijak ni ehanio ni on orroho bwo fe oyiji efahita. 17Tania obyaŋara ani ehanio erre hun orrohoji’to ati neyyau on owon’to itaji hoŋ inyi ihanio. 18Nyo amijak ni jo obeŋ obo ariŋ on oyyu’to owon ihwan hoŋ, nyo aremik ni wahan ariŋ on obis’to ati ettallik ni hanio inyi. 19Nyo abeŋ ni ehanio ayiji an awak ni, ati erre hun orrohoji’to hun abeŋ ni awak ihanio, isi hun ehanio ni. 20Tania al ehanio ni erre hun abeŋ ni awak ehanio, obyaŋara ani ehanio ati eyyau on owon’to itaji hoŋ inyi ihanio.
21Tania amok jihoŋ jo al awak ni ehanio on oyyu ehanio ni on orroho. 22Nyo amuno ni efahita huno Hollum ta ataji hoŋ. 23Ati arumak ni ewahiti hutto hwan hoŋ hun imyorohi iko egigilo hoŋ, bwo ifitani isi ani jyo eyyau on owon’to ihwan hoŋ. 24Ani atulo al arroho bebe. ?Ŋai adi ani etalwahu jyo ahwan ana an iyaro adi ani iye? 25Ati humo bebe jyo Hollum ta Yesu Kristo Hobu hohoi. Tania te egigilo hoŋ ara ni apit olo efahita huno Hollum ati ta ahwan hoŋ ara ni apit olo neyyau.
Currently Selected:
Roma 7: LOT1969
Highlight
Share
Compare
Copy
Want to have your highlights saved across all your devices? Sign up or sign in
This text was originally published by the British and Foreign Bible Society in 1969.
