Roma 6
6
Anosonia Hohoi iko Kristo
1?Anyo attadi an ejo hohoi? ?Edulo adi hohoi eyyauta jo oŋida amehino obolo? 2Obeŋ ’tuŋ. ?Aŋai eremik hohoi hul eye’to jo neyyau rasa manya jihonyi? 3?Ibyaŋata tai imijana jo inya ibatisyerek hohoi inosoniere jyo Yesu Kristo, ibatisye hohoi inosoniere liye honyi? 4Onuhani nya hohoi ikonyi liye honyi ta batisimo, jo ihwa inya ibuhuniere Kristo to ye ta akwatan ono Monye, oŋida bwo fe hohoi edaha ta nesu aŋejuk.
5Kuyya inosoni nya hohoi ikonyi ta aye ihwa ononyi, enoso adi hohoi ikonyi ta nebuhuna ihwa ononyi. 6Emijak hohoi jo isihoni nya ahwattek hohoi amarwak ikonyi jo oŋida ahwattek hohoi hun iyyauni’to ottohori bwo fe ebeŋ adi hohoi enyyak ipito jyo neyyau. 7Nyo lya al aye’to ohohini inyi to dwaran ono eyyau. 8Ati al eye hohoi iko Kristo eruk hohoi jo esu adi hohoi ikonyi. 9Nyo emijak hohoi jo ibuhu nya Kristo to ye bwo obeŋ adi inyyak ye ’tuŋ. Obeŋ naye oremik inyyak ilettohori inyi. 10Ta aye inya oyeri inyi, oye inyi enyyahi abotye ijai te eyyata. Ati ta nesu an iswori inyi isu inyi to Hollum. 11Oŋida bwo fe itai igigiloti jo oyei ahwattek hatai jyo neyyau ati iswoto tai to Hollum nyo inosoni itai iko Yesu Kristo.
12Tania helaha eyyau ilettohori ahwattek hatai jo oŋida itai iniŋyete ewahiti hun orrohoji’to. 13Hesyatta aŋaco hwattek hatai jyo eyyau ihaniere erre hun orrohoji’to. Ati isyatta ahwattek hatai jyo Hollum ihwa laati hul ibuhuni’to to ye bwo fe aŋaco hwattek hatai jihonyi ihaniere egyamita hun oyiji. 14Obeŋ adi eyyau ilettohori itai. Nyo ibyaŋata tai irata apiti hulo efahita ati irata tai apiti hulo amehino.#6:14 apiti hulo amehinoArai isi laati hul ifwotuni amehino.
Arahan Hohoi Apiti jyo Alibori
15?Anyo attadi? Era hohoi apiti hulo amehino bwo obyaŋara hulo efahita, ?tania edulo adi hohoi eyyauta? Obeŋ ’tuŋ. 16?Ibyaŋata tai imijana jo al isyatta tai ahwattek hatai iniŋyere obo, irata tai apiti honyi? Kuyya iniŋyete tai eyyau ara esidi honyi aye, kuyya iniŋyete tai ayiji ara esidi honyi alibori. 17Ati humo jyo Hollum nyo itai hunya irata’to apiti hulo eyyau iniŋyete tai ihwania ta atajya hatai ettiyenita hunya ittiyenie jihatai. 18Bwo fe al ohohini itai jyo eyyau irata tai apiti hulo alibori. 19Ekyana ni te erre miji nyo ta nafyahaji hwattek hatai. Nyo isyatta nya itai aŋaco hwattek hatai irari apiti huno eboti imesyere efahita, ati ihwania oŋida isyatta aŋaco hwattek hatai irari apiti huno alibori ihaniere ehanita hun olibori’to.
20Ninya herata tai apiti hulo eyyau obeŋ nya alibori ilettohori itai. 21?Anyo ayiji inya inyurana tai te ehanita hun iloririjoto tai ihwania? Obeŋ obo ayiji nyo ara aye esidi ono erre hunia. 22Ati ihwania ahohi Hollum itai te eyyau bwo fe irata tai apiti honyi. Tania inyurana tai alibori an ara esidi honyi nesu on osyo fur. 23Nyo aye inyi edumit ono neyyau ati nesyoryo ono Hollum inyi nesu on osyo fur on ottu’to jyo Yesu Kristo Hobu hohoi.
Currently Selected:
Roma 6: LOT1969
Highlight
Share
Compare
Copy
Want to have your highlights saved across all your devices? Sign up or sign in
This text was originally published by the British and Foreign Bible Society in 1969.
