Roma 5
5
Anyurana Emwara iko Hollum
1Ihwa an itimwaranierek hohoi ta neruk, edulo hohoi wanan iko nelik tajya jyo Hollum to Yesu Kristo Hobu hohoi. 2Iyaŋuno inyi hohoi ijiŋaniere imehino Hollum ta neruk ette hohoi rasa dia bwo fe emuno hohoi bebe te egigilo ifwarri jyo akwatan ono Hollum. 3Ati obyaŋara ana ijai. Emuno hohoi bwo fe te ettigemita hohoi nyo emijak hohoi iyaunie ettigemita adihan taji. 4Bwo nadihan taji iyaŋuno eyyalara ettigemita, bwo eyyalara ettigemita iyaŋuno eyihina ilari idou. 5Bwo obeŋ eyihina ilari idou itaŋarijok hohoi nyo itufutak namuno ono Hollum atajya hohoi to Oloyiri ol Olibo al isyori jihohoi.
6Ninya hebeŋ hohoi ewon iko agolon onyimu Hollum oloŋ on oyeri Kristo to hul otimoi’to Hollum. 7Imijyete, ogol jyo obo iyeri ta atulo ol olibo’to, ati ta atulo ol oyyu’to kuyya oremik obo atulo iŋere aye. 8Ati italeyeu Hollum amuno honyi jihohoi jo ninya hera hohoi aheyyak oye Kristo tohohoi. 9Ati agalik daŋ, itimwarak Yesu Kristo hohoi ta naye honyi bwo erumak hohoi etalahuna to jore Hollum tenyi. 10Nyo ninya hewon hohoi amyorok hulo Hollum itimwarak inyi hohoi ikonyi ta aye Lonyi honyi; ati ihwania te etimwarana honyi hohoi enyurak hohoi etalahuno ta nesu honyi. 11Obeŋ ara ana ijai ati emuno hohoi Hollum to Hobu hohoi Yesu Kristo al efwotuniere hohoi etimwarana.
Adam iko Kristo
12Tania ottu nya eyyau ifau ta atulo abotye bwo fe ta neyyau ottu naye attati naye isarrahina jyo aati daŋ nyo iyyauni isi daŋ. 13Nyo ihosyere efahita owon neyyau ifau, ati obeŋi oremehini ŋot atulo te eyyata al obeŋi efahita. 14Jyo Adam many jyo Mose ilettohori aye aati daŋ dwadi hunya obeŋi’to iyyauni ihwa Adam. Ihwania ara Adam ihwa arrijori ono lya linya ojori ottu adi.
15Ati obeŋ nesyoryo ono Hollum orryamari iko neyyau. Nyo te eyyauna ono atulo abotye oyei aati daŋ. Ati obolo esyoryo ono Hollum agalik ana. Nyo ta atulo abotye, Yesu Kristo, omehino Hollum jyo laati daŋ. 16Bwo fe obeŋ esyoryo ono Hollum orryamari iko abahyo Adam, nyo ottu aŋoco ono aye te eyyau ono atulo abotye ati iyauno esyoryo ono Hollum abyaŋan ŋoco dwadi olwaji eyyata. 17Te eyyau ono atulo abotye ilettohori naye aati daŋ, ati oyyu agalik jyo hya hul ifwotuni’to amehino on obolo iko nesyoryo ono alibori nyo ilettohi adi isi ta nesu ana te egyama ono atulo abotye inyi Yesu Kristo.
18Tania te eyyau abotye ottu aŋoco ye jyo aati daŋ, bwo fe te ehanio libori ono atulo abotye ottu ahohina iko nesu jyo laati daŋ. 19Ta amesyo ono atulo abotye iyyauni nya hul omuk daŋ bwo fe te efaha ono atulo abotye italibori hul omuk daŋ. 20Isyori nya efahita jo oŋida oleye eyyata hun olwaji ati al olwaji eyyata obolo amehino agalik. 21Ihwa ilettohori nya eyyau ta naye ilettohori bwo fe amehino ta alibori ette iyauno nesu on osyo fur ta Yesu Kristo Hobu hohoi.
Currently Selected:
Roma 5: LOT1969
Highlight
Share
Compare
Copy
Want to have your highlights saved across all your devices? Sign up or sign in
This text was originally published by the British and Foreign Bible Society in 1969.
