Roma 2
2
Abisan Ŋoco ono Hollum
1Tania obeŋ obo elyat jihoi motte hoŋ al iŋot iye obo atulo, nyo al iŋot iye obo te eyyata hunia iŋot iye ahwan hoi luŋa, nyo iye aŋotoni ihanio iye ihwo nya. 2Emijak hohoi jo osohino aŋoco Hollum on obis’to jyo hya hul ihanie’to eyyata hunia. 3Bwo iye al ira’to ahaŋotoni hya hul ihanie’to eyyata hunia, ?ihanio iye ihwo isi? ?Tania igigilo iye jo iris adi iye aŋoco ono Hollum? 4?Imyana iye abolori mehino honyi iko eruŋo bwo adihan honyi? ?Ibeŋ iye imijak jo itadihoro amehino Hollum iye iloicere ataji hoi? 5Ati ogol ataji hoi bwo ibeŋ iye iyituno t’eyyata hoi tania obolo adi abahyo hoi iholoŋ an italeyehinierek ajore iko aŋoco on obis’to ono Hollum. 6Nyo oduma adi inyi laati daŋ te ehanita hosi. 7Odumak adi Hollum nesu on osyo fur jyo laati omuk hul ihanie ayiji ta adihan, bwo ottifyai akwatan iko etahabwo bwo fe abyaŋan ye. 8Ati jyo hul ogoli hutuhe bwo obeŋi oniŋye nelahode ati oniŋye arrohoji, odumak adi Hollum isi ajore an imodiŋ’to. 9Isyo adi inyi jyo laati daŋ hul odulori’to iyyauta ettigemyo iko adyaha taji on obolo, jyo Yudea ahosyere bwo fe jyo Grik. 10Ati isyo adi inyi akwatan bwo etahabwo iko elik tajya jyo hya hul ihanie’to ayiji, jyo Yudea ahosyere bwo fe jyo Grik. 11Nyo obeŋ Hollum igigya.
12Nyo hul obeŋi omijani efahita huno Mose bwo odulori iyyauta olitohini adi. Ati Yudea hul owoni’to iko efahita bwo iyyauni, oŋoti adi te efahita. 13Nyo obyaŋara bu inyi etayirak ifahita hul olibori’to to homom Hollum, ati arai ejifak ifahita hul ihenuni ahaliborok. 14Nyo obeŋi paganohyen owoni iko efahita ati kuyya ihanie isi ta ahwattek hosi erre hun owoni ifahita ifahai isi ahode, dwadi obeŋi efahita jihosi. 15Itahutani isi jo igyoroni awoyo hiram ono efahita itajya hosi. Tania itahutani atajya hosi iko egigilita jo orrohoji ehanita hosi kuyya bu oyiji, 16iholoŋ ono aŋoco. Iholoŋ ania oŋot adi Hollum edimita hutto tajya wati ta Yesu Kristo ihwa ettiyenio ni ta asayyo hun oyiji.
Laati Yudea iko Efahita
17Ati iye al ijo’to jo, ara ni olo Yudea bwo eyihi ni ifahita, itadara iye bwo fe jo ara Hollum a Hobu hohoi. 18Imijak iye bwo fe awahan honyi iko ayiji nyo iyiyenu iye efahita. 19Igigilo iye jo ira iye arihoni ŋodok bwo fe afaŋan jyo hul owoni’to idumele. 20Igigilo iye bwo fe jo ira iye ettiyanani olo abuyaŋak iko aduri, nyo te efahita iwon iye iko olofyoro iko nelahode daŋ. 21Iye al ittiyenio’to hul omuk, ?nyo ibeŋ iye ittiyenio ahwan hoi? Ittiyenio iye jo oŋida dwo atulo obeŋ ohoholyo, ?ati ihoholyo iye? 22Iye al ikyana jo oŋida dwo atulo obeŋ ihanio erre somon, ?ihanio iye erre somon? Iye al iliwari’to arrijorihyen huno ajohin, ?imyana iye erre hun odwari’to? 23Iye al itadara’to te efahita, ?imyana iye Hollum ta amesyo ono efahita? 24Nyo igyoroni egyerita jo, “Te eram hatai omorye paganohyen afure ono Hollum.”
25Osiru aŋoto hwan#2:25 aŋoto hwanAra ana efahi ninya isyo Hollum jyo Abramo jo oŋida isi obosye lonyirok hosi. ahode jihoi al ifaha iye efahita ati kuyya imesyo iye efahita ara ihwa ibeŋ iye iŋoto. 26Ati kuyya lya ol obeŋ’to oŋoto ottunio efahita, ?obeŋ ihenuni inyi ihwa oŋoto inyi? 27Oŋoti adi paganohyen hul ifahai’to efahita aye jihatai Yudea ta amesyo hatai efahita. 28Nyo Ayudetanani ahode obeŋ ara te erre hun oleye’to bwo aŋoto ahode obeŋ ara ono ahwan. 29Ati Ayudetanani ahode ara inyi te erre hun obeŋi’to oleye, bwo aŋoto an ara’to ahode ara ono ataji. Ara inyi eram ono oloyiri on obeŋ ara ono ahwan. Obeŋ etahabuyo honyi ottu jyo Hollum.
Currently Selected:
Roma 2: LOT1969
Highlight
Share
Compare
Copy
Want to have your highlights saved across all your devices? Sign up or sign in
This text was originally published by the British and Foreign Bible Society in 1969.
