Roma 1
1
Efonya Paulo Aati
1Ani Paulo, apit olo Yesu Kristo al iloŋuni nya alefahata#1:1 lefahatIsi laati hinya ifak Yesu ittiyeniere eram honyi. ette ittaŋuna ta asayyo huno Hollum. 2Isi asayyo hunya ocorok Hollum jyo eyak sayyo te egyerita hun olibori’to.#1:2 egyerita hun olibori’toArai egyerita hunia abuk ono Hollum. 3Arai asayyo huna to Lonyi honyi linya odetuno’to to woyo ba Davide ta ahwan honyi, 4ati ara inyi Lonyi Hollum to Oloyiri honyi on olibo. Nyo italeyehini nya inyi ta adwaran ono ebuhuna honyi to ye, inyi Yesu Kristo Hobu hohoi. 5Tenyi efwotu ni amehino iko arahan alefahat iyaŋuniere efaha iko neruk jyo laati hutta fau daŋ ta afure honyi, 6bwo fe jihatai hul iloŋuni ahulo Yesu Kristo.
7Egyorok ni jihatai daŋ, itai aati Roma hul omuno Hollum bwo fe iloŋu inyi itai irari awati honyi.
Ijara Hollum Monye hohoi iko Hobu Yesu Kristo omehino jihatai bwo fe isyarak itai elik tajya.
Awahan Paulo Ilari Roma
8Ahosyere esyarak ni ahumo jyo Hollum hoŋ ta afure Yesu Kristo tetai daŋ nyo ikyanarik laati neruk hatai ifau daŋ. 9Ara Hollum ahetamijanani hoŋ jo egyama ni jihonyi ta ataji hoŋ daŋ ittittoyere asayyo hun oyiji’to huno Lonyi honyi. Ara inyi ahetamijanani hoŋ bwo fe adulo ni ileco itai imojiti hoŋ, 10ifiyere inyi jo oŋida bati Hollum ihuhumak obo ekoi jihoŋ ittuniere jihatai. 11Nyo egigilo ni bebe imijyere itai isyaraniere elwahiti huno oloyirihyen hatai itagolyere itai; 12inyi ania, jo oŋida atajya hatai ogoli ta neruk hoŋ bwo fe ijara onoŋ ogol. 13Illarak hoŋ, awak ni itai imijana jo egigilo nya ni ta asahyen arryai ittuniere jihatai ati harasa ni itiho. Ati awak ni nyurana omuk aŋer tehiji hatai te egyamita hoŋ ihwa an anyuraniere ni tehiji paganohyen omuk. 14Ara ni atulo horos jyo laati Grik iko jyo hul otimoi awaraga, dwadi bu jyo aloferejok iko hul obeŋi’to ilofyoroji. 15Tania ihwa aremik ni awak ni bebe ittittoyere asayyo hun oyiji’to jihatai laati Roma.
Adwaran ono Asayyo hun Oyiji’to
16Tania abeŋ ni eloriri ta sayyo hun oyiji’to nyo arai isi adwaran ono Hollum an italahu laati daŋ hul iruhi’to; itaniŋuni laati Yudea ahosyere bwo fe ihalu paganohyen. 17Nyo itahutani asayyo hun oyiji’to alibori on ottu’to jyo Hollum an ara ta neruk hama, ihwa igyoroni jo, “Lya ol olibo’to ihosyere Hollum ta neruk isu adi.”
Arrohoji ono Laati Hutta Fau
18Nyo ijorya Hollum te dou jyo hul obeŋi’to iruhi jihonyi bwo fe jyo arrohojak daŋ hul itihotye’to nelahode ta arrohojita hosi. 19Ijorya inyi nyo itahutak inyi jihosi erre hun oremehini itamijanana isi Hollum. 20Many t’etteri ’yeuna fau italeyehini eyyeti honyi awanan honyi a Hollum iko adwaran honyi an hobeŋ tulo igonyu. Tania obeŋi laati iko omuk elyeti. 21Hara dwadi bu omijani isi Hollum ati ihari isi itahabuyo inyi ihwa Hollum, obeŋi bwo fe isyori ahumo jihonyi. Ati ibuyaŋai egigilita hosi nyo iryohi atajya hosi bwo fe ikaryanyai. 22Ojori isi elofere isi ati ibuyaŋai isi, 23bwo iloiti isi akwatan ono Hollum ol obeŋ’to oye arrijori, on ohololuni ihwa atulo ol oyetyo’to, kuyya aheny, kuyya bu acaŋi iko asaŋ hun oretyai’to.
24Tania obusak Hollum isi iyyautari ihwa awahi atajya hosi, ette isi itarrohojo ahwattek hosi te erre somon. 25Tania iloiti isi nelahode ono Hollum agesemi ette itahabuyo bwo fe igyamai jyo eyyeti imaji hayyani, inyi Hollum al itahabuye tulaŋ. Amen.
26Ette Hollum busana isi asai ifarari ihwa awahi atajya hosi nyo iloiti aŋorwo emohiti hosi efariti. 27Bwo fe alyawa ihwo nya. Obusani isi ajoto iko aŋorwo ette ihanio efariti ta ahwattek hosi. Tania ta arrohojita hosi ifwotuni isi abahyo on osiru tesi.
28Ihwa ihari isi Hollum te egigilita hosi obusak Hollum isi igigilori te erre hun orrohoji’to bwo fe ihaniere erre hun obeŋi’to oyiji. 29Ifuti isi iko arrohojita, esomiti, adaya, aliwari, ahaini, attohyo, aŋalafa, enyobyo, emyorok, amwanak, ahahaya. 30Ifuti isi bwo fe iko aliwari Hollum, ekiso, etadara, etahwo hwan, arumana eyyata aŋejuho, amesyo hesyok, 31ebuyaŋa, abyaŋan ihumana ecoriti, abyaŋan muno wati, abyaŋan mehino. 32Dwadi omijani isi efahi ono Hollum on ojo, Hya hul odulori’to ihanio erre huna, osiru jihosi aye; ati ihanie isi eyyata huna bwo fe omunoi isi hul ihanie’to ihwo isi.
Currently Selected:
Roma 1: LOT1969
Highlight
Share
Compare
Copy
Want to have your highlights saved across all your devices? Sign up or sign in
This text was originally published by the British and Foreign Bible Society in 1969.
