Roma 16
16
Efonyo Honyi Laati Ababo
1Efak ni jihatai hanie hohoi Fibi an ara’to apit ono eklesya otto Cencere. 2Elolya ni jihatai jo oŋida ifwotuna tai inyi to Hobu ihwa osiru jyo aati Hollum, bwo fe olwahyete inyi to obo ariŋ an awak inyi jihatai nyo ara inyi ahalwahani omuk iko ani.
3Itifonyana Prisila iko Akwila nyo era isi ikoŋ ahegyamak to Yesu Kristo. 4Itamotiŋani isi esu hosi toni. Ajo ni jihosi humo ati obeŋ ara ani hama ati eklesyahyen daŋ huno paganohyen ojori humo. 5Itifonyana bwo fe eklesya hul omojoi’to ihaŋ hosi. Itifonyana illaŋ Epanito al amuno ni, al ara’to nya aheruhoni etteri jyo Kristo to fau Asia. 6Itifonyana Maria an igyama’to on ogol ihiji hatai. 7Itifonyana Adororiko iko Yunio illarak hoŋ hunya efita’to ikoŋ ibabus. Arai isi eleittaha tehiji lefahat bwo fe arai nya isi aheruhok hulo Kristo habeŋ ni eruk. 8Itifonyana Amapilo illaŋ al amuno ni to Hobu. 9Itifonyana Urubano egyamani ikohoi to Kristo iko Satacu al amuno ni. 10Itifonyana Apelo al ara ahadihani ettigemita to Kristo. Itifonyana hutta haŋ ba Aristobulo. 11Itifonyana Erodino illaŋ. Itifonyana eruhok hulo Hobu hutta haŋ ba Nartisio. 12Itifonyana Tarafino iko Tarafosa egyamak hulo Hobu. Itifonyana Perisa an amuno ni an igyama’to on ogol jyo Hobu. 13Itifonyana Rufuso al ijifatyo Hobu bebe agalik. Itifonyana honyonyi an ara’to ihwa iyaŋ. 14Itifonyana Asikrito, Palego, Heremo, Patoroba, Herma, iko illarak hul owoni’to ikosi. 15Itifonyana Pilologo iko Julia, Nereo iko hanionyi, iko Olipa iko laati Hollum hul owoni ikosi. 16Itifonyana illarak hatai ta ahas. Itifonyai itai eklesyahyen huno Kristo daŋ.
17Elolya ni jihatai illarak hoŋ, ihumata irrirriyo hya hul iyaŋutai’to ebubwanya ihiji hatai iko hul awahi’to itipalyo itai te ettiyenita hun olufaji’to jyo hunya ittiyenuna tai. Ittaŋara isi addi. 18Nyo aati ihwa hulo obeŋi isi igyamai jyo Hobu hohoi Kristo, ati igyamai isi te ewahiti huno ahwattek hosi, bwo fe te ekyanita hosi hun ofifili’to inyobyerek isi aati hul otimoi’to arami. 19Itisarrahina asayyo huno efaha hatai ifau daŋ tania amuno ni tetai. Ati iloferejoto ta ayiji bwo fe oliboroto to ’rohoji. 20Gaa ihanak adi Hollum olo nelik tajya Sitan iwoyo hejek hatai iryeyere. Ijara amehino ono Hobu hohoi Yesu Kristo hatawana jihatai.
21Timoteo al igyama’to ikoŋ itifonyo itai. Bwo fe illarak hoŋ, Lucio, Jasona, iko Sosipato itifonyai itai.
22Ani Tertio al igyoro’to awaraga ana, efonyo ni itai to Hobu.
23Gaio al etoŋori ni iko eklesya daŋ itifonyai itai. Erasto attunani gurusi miji itifonyo itai iko illanyi Kwarato. 24Ijara amehino ono Hobu Yesu Kristo hatawana jihatai.
Itahabuyo Inyi Hollum te Esidi
25-26Ihwania esyo ni itai jyo lya ol oremik’to itagol itai ihwa ettiyenio ni ta asayyo huno Yesu Kristo. Nyo ihwania italeyeu inyi nelahode inya idimani many tetteri te egyerita huno eyak sayyo. Bwo fe te efahi ono Hollum ol obeŋ’to isid italeyeuni nelahode jyo paganohyen hutta fauhyen daŋ iyaŋuniere isi jyo efaha iko neruk. 27Ijara akwatan on osyo fur hatawana jyo Hollum olo olofyoro to Yesu Kristo. Isi hunia.
Currently Selected:
Roma 16: LOT1969
Highlight
Share
Compare
Copy
Want to have your highlights saved across all your devices? Sign up or sign in
This text was originally published by the British and Foreign Bible Society in 1969.
