Popular Bible Verses from Roma 16

Share

Gaa ihanak adi Hollum olo nelik tajya Sitan iwoyo hejek hatai iryeyere. Ijara amehino ono Hobu hohoi Yesu Kristo hatawana jihatai.

Elolya ni jihatai illarak hoŋ, ihumata irrirriyo hya hul iyaŋutai’to ebubwanya ihiji hatai iko hul awahi’to itipalyo itai te ettiyenita hun olufaji’to jyo hunya ittiyenuna tai. Ittaŋara isi addi.

Nyo aati ihwa hulo obeŋi isi igyamai jyo Hobu hohoi Kristo, ati igyamai isi te ewahiti huno ahwattek hosi, bwo fe te ekyanita hosi hun ofifili’to inyobyerek isi aati hul otimoi’to arami.

Ihwania esyo ni itai jyo lya ol oremik’to itagol itai ihwa ettiyenio ni ta asayyo huno Yesu Kristo. Nyo ihwania italeyeu inyi nelahode inya idimani many tetteri te egyerita huno eyak sayyo. Bwo fe te efahi ono Hollum ol obeŋ’to isid italeyeuni nelahode jyo paganohyen hutta fauhyen daŋ iyaŋuniere isi jyo efaha iko neruk. Ijara akwatan on osyo fur hatawana jyo Hollum olo olofyoro to Yesu Kristo. Isi hunia.