Roma 14
14
Heŋocete Illarak Hatai
1Ifwotuna atulo ol omuta neruk honyi ati obyaŋara te etarisa. 2Igigilo obo jo oremik inyi ŋiyo erre daŋ, ati lya ol omuta neruk honyi oŋiyo ajasi hama. 3Helaha ol oŋiyo’to omyana ol obeŋ’to oŋiyo, bwo fe helaha ol obeŋ’to oŋiyo oŋot ol oŋiyo’to, nyo ifwotu Hollum inyi. 4?Ŋai iye al iremik’to ŋot egyamani olo obo? Ara eram ono eleittok honyi iŋocere inyi. Itadetuni adi inyi nyo Hobu oremik itadet inyi.
5Owoni omuk hul itadwarai oloŋ abotye bwo omuk hul itadwarai oŋitek daŋ. Ijara aati daŋ oŋoti ihwa obisi jihosi. 6Alya al itadwara’to oloŋ abotye ihanio inyi itahabuyere Hobu; bwo lya ol oŋiyo’to erre daŋ oŋiyo inyi itahabuyere Hobu ette isyo ahumo jyo Hollum. Alya al iha’to obo aŋiyo ihanio inyi itahabuyere Hobu ette isyo ahumo jyo Hollum. 7Nyo obeŋ obo amanya inyi hama, bwo obeŋ obo oye inyi hama. 8Nyo hesu hohoi esu hohoi to Hobu bwo al eye hohoi eye hohoi to Hobu. Tania al esu hohoi, dwadi bu eye, era hohoi ahulo Hobu. 9Nyo oye Kristo bwo inyyak ibuhuna, te eram ana oŋida inyi ara a Hobu olo eswok iko ayak.
10?Nyo iŋot iye illa hoi? ?Bwo fe nyo imyana iye illa hoi? Nyo ewotya adi hohoi daŋ ilokiko ono Hollum. 11Ihwa igyoroni jo,
“Ojo Hobu, Ahode origoŋi adi laati daŋ ihosyere hoŋ.
Bwo itahabuye adi isi daŋ jo, ani Hollum.”
12Tania ewotya adi hohoi daŋ ihosyere Hollum ikyanari arami hohoi.
Hetipalata Illarak Hatai
13Tania helaha hohoi eŋot obo ati ihaniete ihwania, oŋida obo obeŋ itafoyoŋyo illanyi itipalyere inyi liyyata. 14Nyo amijak ni ahode to Hobu Yesu, jo obeŋ obo ariŋ ta ahwan honyi odwa ati jyo lya al igigilo’to jo odwa inyi, odwa jihonyi ahode. 15Ati kuyya itajiriŋ iye illa hoi ta aŋiyo hoi ibeŋ iye idaha ta amuno. Helaha ariŋ an iŋiyo iye itarroho obo atulo nyo oye nya Kristo tenyi. 16Hesyo obo ekoi jyo laati ikyanari on orroho ta ayiji ehanita hoi. 17Nyo obeŋ olobye ono Hollum ara ta aŋiyo kuyya ta amata ati ara ta alibori iko nelik taji bwo amuno to Oloyiri ol Olibo. 18Alya al igyama’to to Kristo ihwa ania itamuno inyi Hollum bwo fe omunoi laati inyi. 19Tania hejifatyete erre hun iyaŋunie’to nelik taji iko hun itaboloruni’to illarak. 20Hetarrohojata egyama ono Hollum ta aŋiyo asai. Oyiji aŋiyo daŋ ati orroho bebe jyo lya al itipalyo’to aati te erre hun oŋiyo inyi. 21Oyyu bebe ibyaŋari honyari eriŋo, ibyaŋari matari abalu kuyya ihaniere obo ariŋ an itipal illa hoi. 22Ijara egigilo hoi te eram ana hatawana ihiji hoi iko Hollum. Hotomunoi lya ol obeŋ’to ikuyya ta ahwan honyi te erre hun awak inyi ihanio. 23Ati oŋot adi Hollum lya al ikuyya’to ta aŋiyo honyi nyo obeŋi ehanita honyi arai ta neruk. Nyo ariŋ on obeŋ’to ottu to hiruk ara eyyau.
Currently Selected:
Roma 14: LOT1969
Highlight
Share
Compare
Copy
Want to have your highlights saved across all your devices? Sign up or sign in
This text was originally published by the British and Foreign Bible Society in 1969.
