Roma 13
13
Oŋida Aati Ifahai Okuma
1Ijara laati daŋ ifahai okuma hosi nyo obeŋ obo iko adwaran arari al isyo Hollum jihonyi bwo Hollum ihanak okumahyen daŋ. 2Tania lya al iha’to efaha okuma iha inyi Hollum. Bwo hul ihari’to, ifwotuni adi abahyo. 3Nyo obeŋi okuma itabaŋye aati hul ihanie’to on oyyu ati itabaŋye isi aati hul ihanie’to on orroho. ?Ibaŋata tai okuma? Ihaniete on oyyu bwo irumana adi itai amuno hosi. 4Nyo arai isi apiti hulo Hollum ihaniere jihatai on oyyu. Ati al ihaniete tai on orroho, abaŋata, nyo obeŋ adwaran hosi ara asai, nyo isi apiti hulo Hollum inienuniere leyyani. 5Tania oŋida dwo aati daŋ ifahai isi obyaŋara irisari abahyo hama ati itilihyere atajya. 6Te eram ana oŋida dwo itai idumati amusuru nyo arai okuma ahegyamak hulo Hollum igyamari egyama hosi. 7Isyatta jyo okuma erre hun osiruni jihosi. Isyatta amusuru jyo lamojok musuru. Abaŋata eleittaha hulo okuma bwo fe itahabuyete isi.
Namuno ta Illarak Hatai
8Herata awati horos hulo omuk aati ati omunoti illarak hatai, nyo lya ol omuno’to otto lonyihari honyi itasiru inyi efahi. 9Nyo ojori efahita, “Hehaniete erre somon, hettohoro, hehoholyete, hewahata asaŋ huno obo,” kuyya owoni omuk efahita ottubanie isi jyo efahi ana ojo, “Omunoti hutto lonyihari hatai ihwa ahwattek hatai.” 10Obeŋ atulo ol omuno hutto lonyihari honyi ihanio on orroho jihosi, tania itasiru amuno efahita.
11Ihwa imijana tai ilyahai oŋitek attuba, tania ohenyuna to jotori, nyo ilyaha attuna ono Hobu agalik ninya heruk hohoi. 12Atuhuno arwe ilyaha ataŋatye motye. Hettaŋara addi egyamita huno edumele, bwo fe heduhuna erremiti huno afaŋan. 13Hadahati on oyyu ihwa laati hulo afaŋan. Hedahati te ecaforo iko ta aruma. Hedahati te ewahiti huno ahwattek iko erre somon, kuyya bu ta aŋalafa iko ahaini. 14Ati iduhuna erremiti huno Hobu Yesu Kristo bwo fe hesyata ahwattek hatai obo ekoi ihaniere ewahiti hosi.
Currently Selected:
Roma 13: LOT1969
Highlight
Share
Compare
Copy
Want to have your highlights saved across all your devices? Sign up or sign in
This text was originally published by the British and Foreign Bible Society in 1969.
