Ai Vola I Sifaniya Na Parofita 2
2
Era sa vakaroti me veivutuni, 1-3. Ena cudruvi ko ira na kai Filisitia, 4-7, kei Moapi, kei ira na luve i Amoni, 8-11, kei Kusi, kei Asiria, 12-15.
1DOU cuva sobu, io, dou cuva sobu, na mataqali tawa domoni; 2ni sa bera ni sucu dina na ka sa lesi: sa vaka na qa ni sila na kena oti yani na siga; ia ni sa bera ni yacovi kemudou na cudru waqawaqa i Jiova, ni sa bera ni yacovi kemudou na siga ni cudru i Jiova. 3Dou vakasaqarai Jiova, oi kemudou kece sa yalomalumalumu e na vanua, a sa nona lewa dou sa cakava; vakasaqara na yalododonu, vakasaqara na yalomalumalumu: dou na vuni beka kina e na siga ni cudru i Jiova. 4Ia ko Kesa, ena biu laivi; o Esikiloni talega, ena rusa: o Esitoti, era na vakasava tani e na siga levu; o Ekironi talega, ena cavuivuvu. 5E ca vei ira sa tiko mai baravi, na mataqali vaka-Kireci! a vosa i Jiova sa tauci kemudou; i Kenani, na vanua ni kai Filisitia, au na vakarusai iko, me kakua e dua me na tiko kina. 6Ia na baravi ena yaco me nodrai tikotiko vakai-keli-wai nai vakatawa, kei na kedra bai na qele ni sipi. 7Ia na baravi ena nodra na vo ni mataqali i Juta; e delana era na vakania kina na sipi: e na veivale mai Esikiloni era na koto sobu kina e na yakavi; ni na lakovi ira ko Jiova na nodra Kalou, ka vakatakalia na nodra veivakabobulataki.
8Au a rogoca na veivakalialiai nei Moapi, kei na nodra vosa vakacaoa na luve i Amoni, a ya sa ra vakalialiai ira kina na noqu tamata, ka vakalevulevui ira ki na nodrai yalayala. 9O koya o qo, me vaka na dina ni noqu bula, sa kaya ko Jiova ni lewe vuqa, na nodra Kalou na Isireli, ena yaco dina kina ko Moapi, me tautauvata kei Sotoma; kei ira na luve i Amoni, me tautauvata kei Komora; me tikina ni kau karokaroa, kei nai keli masima, io, me vanua lala tu ga, ka tawa mudu: a kena vo ni noqu mataqali ena vakacacani ira, io, na kena vo ni lewe ni noqu matanitu ena taukeni ira. 10Ena kedra na ka o qo e na vuku ni nodra viavialevu, e na vuku ni nodra ia na veivakalialiai kei na nodra vakalevulevui ira ki na mataqali i Jiova ni lewe vuqa. 11Sa kedra ka rerevaki ko Jiova, ni na vakatutuetaki ira kecega na kalou kei vuravura; a ra na dui mai cuva vua na tamata yadua mai na dui nona yasana, io, na lewe ni veiyanuyanu kecega e na veimatanitu.
12Oi kemudou talega na kai Kusi, dou na vakamatei e na noqui seleiwau.
13Ena dodoka talega na ligana, me tauca na mata ni tokalau, ka vakarusai Asiria; ena cakavi Ninive talega me vanua lala, me dausiga me vaka na veikau. 14Ia na qele ni manumanu ena koto kina, na manumanu kecega ni veivanua: ia na pelikani kei na belo ena rova na domodomo ni kena duru; e dua na domo ena tagi mai na katuba; ena rusa nai lago ni katuba; io, nai botani sitari sa vakarairai-taki mai. 15Sai koya o qo na koro dauma-rau ka dautiko wale, ka kaya e lomana, Sai au, sai au ga, ka sega e dua tale; na kena yaco me koro lala, mei davodavo ni manumanu kila! o ira kece era lako volekata era na vakasiusiu, era na kurea na ligadra.
Currently Selected:
Ai Vola I Sifaniya Na Parofita 2: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
