Ai Vola I Sikariya Na Parofita 13
13
A mata-ni-wai, nai vakatakarakara ni soro ena cabora ko koya na Mesaia, na nodrai silisili na tamata ca era veivutuni, me na oti kina na cakacaka vakailasu, 1-6. Sa parofisaitaki ko koya, kei ira na kai Jutia, 7-9.
1ENA siga ko ya ena dolavi e dua na mata-ni-wai vure vei ira na mataqali i Tevita, kei ira na kai Jerusalemi, mei silisili ni valavala ca kei na tawa savasava. 2Ena yaco talega e na siga ko ya, sa kaya ko Jiova ni lewe vuqa, kaʼu na muduka tani na yacadra na matakau mai vuravura, me kakua ni nanumi tale: ia ko ira na parofita talega kei koya na yalo dukadukali kaʼu na vakaseavutaka laivi mai vuravura. 3Ia ena yaco, kevaka ena parofisai tale o dua, ena qai kaya vua ko tamana kei tinana erau nona qase, O sa mate; ni sa ka lasu ko sa cavuta e na yaca i Jiova: a rau na laubasikataki koya ko tamana kei tinana erau nona qaso, ni sa ia na parofisai ko koya.
4Ia ena yaco e na siga ko ya, era na dui madua na parofita yadua e na vuku i ni dui nona raivotu, ni sa ia na nona parofisai; a ra na sega ni vakaisulu e nai sulu vutivuti me ia kina na veivakacalai: 5a ra na dui kaya, Sa sega na parofita koi au, nai vakatau-ni-were ga koi au; niʼu a vakabobulataki niʼu sa gone. 6Ena qai kainaki vua, A we ni cava li ko ya e ligamu? ena qai kaya, O koya kaʼu a vuetaki kina e na vale ni wekaqu.
7MO yadra mai, nai seleiwau, me tauci koya na noqui vakatawa, io, me tauci koya na tamata qaqa keirau sa dua vata kaya, sa kaya ko Jiova ni lewe vuqa: yavita nai vakatawa, a ra na dui vakasevi na sipi: ia kaʼu na vakalesuya na ligaqu vei ira e lalai. 8Ia ena yaco e na vanua taucoko, sa kaya ko Jiova, na kena wase e rua ena muduki tani ka mate; ia na kenai katolu ena vakalaivi tu ga kina. 9Ia kaʼu na kauta nai katolu ni wase e loma ni buka, ka vakasavasavataki ira me vaka ni sa vakasavasavataki na siliva, ka vakatovolei ira me vaka ni sa vakatovolei na koula: ena masuta na yacaqu ko koya, oi au talega kaʼu na rogoci koya: au na kaya, Sa noqu tamata ko koya: o koya talega ena kaya mai, O Jiova na noqu Kalou.
Currently Selected:
Ai Vola I Sikariya Na Parofita 13: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
