A Meke I Solomoni 8
8
1MO vakataki koya mada na taciqu, o koya ka sucuma na sucu i tinaqu! niʼu na sa qai kunei iko etautuba, kaʼu na sa reguci iko; io, kaʼu na tawa beci kina: 2kau na sa tuberi iko, ka kauti iko ki na vale i tinaqu, sa na vakavulici au: kaʼu na sa vagunuvi iko e na waini boi vinaka e na dra ni noqu karaniti.
3A ligana i mawi ena sai nono ni uluqu; ia na ligana i matau ena sa mokoti au.
4Au sa vakaroti kemudou, na gonealewa ni Jerusalemi, mo dou kakua ni yavalata, se vakayadrati koya kaʼu sa lomana, ka me veitalia ga ko koya.
5O cei sa lako cake mai o qo mai lekutu, a sa raviti koya lako e sa lomana?
Au a vakayadrati iko mai na ruku ni moli: sa maikea ka vakasucumi iko ko tinamu: sa maikea ka taratara kina ko koya ka vakasucumi iko. 6Mo tabaki au me vaka na mama ki lomamu, io, me vaka na mama ki ligamu: ni sa kaukauwa me vaka na mate na loloma; sa yalokaukauwa me vaka nai bulubulu na vuvu: a kena qilaiso na qilaiso ni buka waqa, io, na yameyame ni buka caucaudre. 7A wai e vuqa sa na sega ni bokoca rawa na loloma, ia na waluvu sa sega ni luvuca rawa: kevaka ena solia na tamata nai yau kece e nona vale mei sosomi ni loloma, sa na beci sara ga.
8SA dua na tacidaru lailai, e sa sega ni vakasucuna: a cava me daru ia e na vukuna na tacidaru e na siga ena duguci kina? 9Kevaka e bai vatu ko koya, edaru na tara e delana na vale-cecere siliva: ia kevaka sai sogo ni katuba ko koya, edaru na vakalatia e na papa sitari.
10Oi au kaʼu sa bai vatu, ia na sucuqu sa vaka na vale-cecere: au a qai vaka e dua sa vinakati e matana. 11Sa dua na nona veivainivaini ko Solomoni mai Peali-amoni; a sa volitaka vei ira e so nai vakatawa; me ra dui kauta mai e dua na, udolu na tiki ni siliva nai voli ni kena vuata. 12A noqu veivainivaini, o koya sa noqu dina, ka sa no mai: me nomu, Solomoni, e dua na udolu, ka rua na dreu me nodra era sa vakatawa na vuana.
13O iko sa dautiko e na veiwere, era vakarorogo ki na domomu nai tokani: vakarogotaka kivei au talega.
14Mo kusarawa, o iko kaʼu sa lomana, ia mo vaka na koti kila se na luve ni teira e na veiulu-ni-vanua ni kau boi vinaka.
Currently Selected:
A Meke I Solomoni 8: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
