A Meke I Solomoni 7
7
1NA kena matavinaka na yavamu sa vakaivava, o iko na luvena alewa na tui! a loki ni sagamu sa vaka na ka ni ukuuku, na cakacaka ni ligana na matai vuku. 2A nomu vicovico sa vaka na bilo momokiti, sa sega ni yali kina na waini: na ketemu sa vaka nai binibini witi sa voliti e na viavia. 3A sucumu ruarua sa vaka na koti kila lalai e rua sa drua. 4A domomu sa vaka na vale-cecere tabua; a matamu sa vaka na drano mai Esiponi, mai na matamata-ni-koro ni Paci-rapimi: a ucumu sa vaka na vale-cecere mai Lipanoni sa donui Tamasiko. 5A ulumu e delamu sa vakataki Karimeli, kei na drau ni ulumu sa vaka na ka damudamu; sa vauci tu na tui e na nonai sala! 6Na kemu matavinaka kei na kemu daudomoni e na rereki, o iko kaʼu sa lomana. 7A kemu balavu o qo sa vakatauvatani kei na balabala, kei na sucumu kei nai yawa vaini. 8Au a kaya, Kaʼu na lako cake ki na balabala, kaʼu na taura na tabana: ia na sucumu ena qai vaka nai yawa vaini, kei nai boi ni nomu cegu ena vaka na moli; 9kei na kabakaba ni gusumu ena vaka na waini vinaka sara na mena kaʼu sa lomana, sa vinaka na kena gunuvi, a sa kitaka me vosa na tebenigusudra era sa moce. 10Au sa nona kaʼu sa lomana, a sa domoni au ko koya. 11O iko kaʼu sa lomana, daru mai lako yani ki na veiwere me daru laʼki vakabogi e na dua na koro lailai: 12me daru souta na veivainivaini; me daru raica se tubu vinaka na vaini, se sa seraki na vua ni vaini vou, ka kubu mai na karaniti, se segai: sa maikea kaʼu na solia kina vei iko na noqu loloma. 13Sa boiboi mai na tuta, a sa toka mai nodatou na vuata vinaka kecega, e vou ka matua, a ya kaʼu sa binia me nomu, o iko kaʼu sa lomana.
Currently Selected:
A Meke I Solomoni 7: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
